الرابع

1182 Words

ناكول بالمكتب يكون بينتظر رودرا ويدخل لعنده ناكول : ليش تأخرت رودرا : كان في أزمة مرور لهيك تأخرت ويقعد ع الكرسي و ناكول يتذكر سوربي : ليش خطرت ببالي رودرا : مين جانكي ناكول : سوربي رودرا : ومين هاي بتكون ... لك المحامية ناكول : شو .... انسى موضوع مو مهم رودرا : طيب احكي بالموضوع المهم كنت كتير عجول ع تلفون ناكول : انا عرفت السر رودرا : كيف عرفته ناكول : ابي خبرني رودرا : غريب طيب احكي لي شو صار قبل 20 سنة ناكول يتذكر حديثه مع ابوه يلي دار بينهم مبارح المسا ^ناكول : احكي لي بابا شاكتي : ابني قبل عشرين سنة كانت شركات اوبيروي حديثة العهد ، اقترح دوشيانت انضمام شريك ، وانا اعترضت وسافر دوشيانت ع لندن كرمال مناقصة كانت مستمرة لمدة شهر ، كنت افكر بموضوع الشريك ووافقت كان عندي رفيق واقترحت عليه الموضوع و وافق ناكول : شو كان اسم الشريك جديد شاكتي : اسمه فيكرام ..... ما فيني اخبرك بكنيته ناكول : ليش بابا شاكتي " لانه اسمه يكشف كتير من #ذكريات_الماضي " : انا حكيت ما فيني اخبرك ناكول : اوكيه بابا خبرني شو صار بعدين شاكتي : اندمجن شركاتنا مع بعض و كان الشركات بحاجة لرأس مال كبير ، ما كان معنا مصاري وقتها ، وكنا ننتظر دوشيانت يربح المناقصة بس المناقصة طولت ناكول : شو صار بعدين شاكتي : اقترح هو نحرق مسشفى كان تابع لشركاته و صار إلنا بعد إنضمام ناكول : شو.. شاكتي : انا اكيد اعترضت الفكرة ، بس ما رضي يسمع كلامي ناكول : شو صار بعدين شاكتي : هو حرق المسشفى و مات فيه لما كان يحرق فيه ناكول انصدم : شوو.... كيف هيك شاكتي : هيك صار ابني ، هو مات و أخذنا مال التأمين و وسعنا أعمالنا ناكول : يعني انتو ما الكم أي علاقة بالحريق شاكتي يلتفت لناكول : اكيد ابني احنا مستحيل نعمل هيك ..... انت واثق فينا ناكول : طيب ليش مخبين الحقيقة عن عمي شاكتي : اذا حكيت الموضوع ما راح يصدقني ناكول : و المحامية اذا طلعت دليل شاكتي : راح يكون كله تزوير ناكول : اكيد انا راح احمي عيلتي شاكتي : انا بوثق فيك ابني ^ ناكول : وهذا يلي صار رودرا : طيب شو راح يصير هلا ناكول : ما بعرف رودرا : متى المحكمة ناكول : بعد يومين رودار : مستحيل المحامية تلاقي اشي ناكول : ايه معك حق جانكي تكون باستديو عم تصور أغنية جديدة و تجي لعندها بافيا و تقاطعها جانكي : اهلين فيكي بافيا تحضنها : اهلين رفيقتي جانكي : يلا تعي ع مكتبي بافيا : اوكيه ، ويروحو ع المكتب و تخبر بافيا لجانكي كل شي صار جانكي : انا ما كنت بعرف عائلة اوبيروي عندها كل أسرار بافيا : شو بدك تعملي تتركي ناكول جانكي : مستحيل اتخلى عنه بافيا : بس كل شي راح يتقسم جانكي : شكلك ما بتعرفي ناكول ، مستحيل يعرض عائلته لأي أذى بافيا : طيب شو بدك تعملي جانكي : راح أوقف معاه بافيا : انتي حرة جانكي : هلا بدي اروح لعنده و اشوف شو صار معهم بافيا : ع راحتك جانكي : وانتي شو بدك تعملي بافيا : يكمكن اروح لعند رودرا جانكي : كل ما كانت علاقتك قوية مع رودرا كل ما استفدنا اكتر بافيا : بعرف هالشي جانكي : يلا بشوفك بافيا : سلام سوربي بالمكتب بتجمع معلومات عن المشفى يلي انحرق و بصعوبة لقت معلومة عنه بعد ما هكرت بعض المواقع ، معها خبرة من رفيقها أيان من كندا سوربي : بصعوبة لقيت معلومة ، اسم المستشفى سوربي للإمل ، غريب ليش هيك اسمه، لازم اقابل شخص يلي بمستشفى المجانين ، بس مين كان المالك ليش ما في اي معلومة عن المالك ، كيف راح اعرف كل هالاشيا ، عائلة اوبيروي طلعت غامضة اكتر مما توقعت ، راح اخبر كاران بالمعلومات يلي عرفتها كانت سوربي بدها تطلع من مكتب بس كان في واحد ع الباب سوربي : هذا انت. ....سيد شاكتي اوبيروي شاكتي : ايه نعم مدام تشاندا " معقول تكون هي نفسها " سوربي : تفضل شو تشرب شاكتي : انا ما اجيت عندك لحتى اشرب سوربي : لكن شو بدك شاكتي : احضرك انك تحاولي تعبثي معي سوربي : شو قصدك انت شاكتي يقعد ع الكرسي : يعني انك تنسحبي من القضية و ترجعي ع كندا احسن الك سوربي : بس مو انا يلي بنسحب شاكتي : راح تخسري سوربي : انا ما دخلت هالمجال علشان اخسر شاكتي : شكلو بنتك مو غالية عليكي سوربي : انا ما بخاف من تهديدات سيد اوبيروي شاكتي : اوكيه ، نلتقي بالمحكمة مدام سوربي تشاندا سوربي : جهز حالك سيد اوبيروي شاكتي : انتي راح تكوني خسرانة سوربي : بعد يومين يبين هالشي تفضل بيطلع شاكتي من مكتب سوربي ، وسوربي مصدومة و خايفة ع ألينا سوربي : انا وعدت حالي انه اهم اشي احقق العدالة ، حتى لو خسرت بنتي...، وتروح عند كاران شاكتي " شو ما بيصير ما لازم ينكشف الماضي ، وإلا راح نخسر ، انا مش مستعد لأي خسارة " بافيا تتمشى بالحديقة العامة و يشوفها رودرا من شباك سيارة و ينزل عندها ويتمشى معها و يمسك ايدها بافيا : أنت رودرا : ليش متوقعة حدا تاني بافيا : لا بس تفاجأت رودرا : شو ليش ما رنيتي علي بافيا : مش حاب ازعجك رودرا : بس انا ما بنزعج منك بافيا : ليش رودرا : هيك ما بعرف بافيا مصدومة من حكي رودرا : وحتى انا ما بنزعج منك رودرا : نروح ع الكافيه بافيا : ياريت رودرا : تفضلي بافيا : شكراا ناكول بالمكتب و تدخل عنده جانكي ناكول : جانكي و اخير شفتك ويحضنها جانكي : شكلك كتير اشتقتلي ناكول : اكيد راح اشتقلك ، تفضلي اقعدي جانكي : كيفك شو اخبارك ناكول : راح اكون تمام اذا خدمتيني بشغلة جانكي : شو هي حبيبي ناكول : حاب اسمع منك اغنية هادية و حلوة متلك جانكي : اوكيه من عيوني بس بشرط ناكول : شو جانكي : تعزمني ع الغدا اليوم ع نفس المطعم الجديد ناكول : من عيوني يلا سمعيني يا روك ستار جانكي : من عيوني جانكي تغني اغنية هادية و حلوة و ناكول يسمعها و مغمض عيونه و يتذكر لحضاته مع سوربي من اول ما ألتقى فيها و يبتسم سوربي : كاران انا بعتذر بدي اروح هلا كاران :وين بدك تروحي عنا شغل كتير سوربي : وعدت ألينا أنها اعزمها ع المطعم و لازم اروح ، تعال معنا كاران : لا ما بدي ، بدي اخلص الشغل يلي علي سوربي : متل ما بدك سوربي بتروح عند ألينا و تأخذها ع المطعم ويوقف فجأة ناكول من بعد جانكي خلصت الاغنية مصدوم من حاله جانكي : شو صار الك فجأة ناكول " ليش ما بتروح من بالي هي متزوجة و عندها بنت ليش افكر فيها " جانكي : حبيبي ناكول خبرني شو صار معك ناكول : ولا اشي حبيبتي ، شو رايك نروح ع المطعم جانكي : اوكيه حبيبي بافيا : انا كتير جوعانة خلينا نروح ع المطعم رودرا : وانا كتير جوعان خلينا نروح بافيا : بس بشرط رودرا : شو هو بافيا : في مطعم جديد نروح لعنده رودرا : كنت بدي اخذك لعنده ، تفضلي بافيا : شكرا بتنزل سوربي من سيارة و تنزل ألينا سوربي : تفضلي انسة ألينا تشاندا ألينا : شكرا انسة سوربي تشاندا ويصيروا يضحكوا ، ويدخلوا ع المطعم .....

Free reading for new users

Scan code to download app

App Store Google Play

Facebookexpand_more