تزوجتها ولكن!!..

كانت قاعده في حفله وبتعاين ساااااي فجأة عينها وقعت رررررب في عين زول كده من بين الف نفر وهو كان بعاين ليها ماكان حاسي بي نفسو وهو بقرب عليها لحدي ما وصلها وهي بتعاين ليهو قعد جمبها هو:مالو الحلو براهو هي:كان منتظرك بي خجل كده خت يدو ورا كتفها وجراها عليهو ومسك الكبايه شرب منها وعاين ليها بي طرف عينو كده وشوووو كباها في وشها في اللحظه دي هي قامت مخلوعه وبتتلفت هديل:مستحيل تكون دي كبايه ده فنطاس اماني: يابت قومي حتنومي لي بتين الساعة ستة ونص هديل:امي... امي.. لي قطعتي لي حلمتي؟ اماني:عشان ده ما وقت تحلمي فيهو احلامك البمبيه دي.. قومي عشان تطلعي مع ابوك هديل حست ليك رقبتها بتميل برااااها لحدي ما طق لصقت مع الكتف هديل:اميييييي اماني:سجمي البت بقت جداده قاليك هديل رقبتها اتشنجت بقت زي الجداده الماسكها **اح اماني جرت نادت بابكر جا داخل عاين ليها مساااافه كده بابكر:اقعدي لحدي ماتبقي كويسه اماني:يعني تغيب مثلا؟ بابكر :اي هديل:بالجد طبعا (بالجد) دي كانت بي فرحه داخليه وحزن خارجي هديل:لكن انا عندي محاضرات مهمه اماني :البت دي حترسب.. حتقد.. حتطلع بقد القفه كان مشت ورا قراراتك دي ومشت من الاوضه هديل ابتسمت لابوها بابكر:دايره تمشي؟ هديل:معقول ياخ انا عندي محاضرات وانا كإنسانه مهتمه ماقاعده افوت اي محاضره لكن عشان رقبتي... صوت اماني جاي من المطبخ :كضابه الاستاذ اول امس اتصل قال انتي ماجيتي المحاضره هديل من الاوضه :والله يا امي ده ما الأستاذ والولد القال ليك ده واحد حيوان واحول ماتسمي كلامو وماتردي ليهو تاني بابكر:اها اسه رقبتك دي كيف هديل:نصبر ونشوف *بعد تلاته ساعات* هديل قاعده في التلفزيون وحست بي رقبتها بتفك هديل:لااااااااااااااا وبقت بتطق راسها بكتفها هديل:ارجعي ارجعي ارجعي مطمطت شلاليفها بي زعل اماني :انتي ماشايفه نفسك عامله كيف بي مراتبك دي هديل :انتي يا امي.. أثناء مابتتكلم كده قاطعهم بابكر بابكر:شايف رقبتك رجعت خديل طوالي عملت وضعيت ال**اح هديل:لالا بابكر:بكره تصحي بدري وتقومي .. *اليوم التالي الساعه ٥ونص* هديل صحت برااااها ومشت لي امها ورقبتها ملويه هديل:شايفه يا امي رقبتي اتشنجت تاني اماني:ماتتحركي ماتحركي الصرصور في كتفك هديل راسها رجع سريع سريع وبتمفض في كتفها وتجي جاريه بي وحاي وبي جاي لمن حست انها اتكشفت وقعت في الواطه وبدت تتدردق هديل :ماعايزه امشي الجامعة ياخ اماني:انتي لسه قايلاهو الثانوي عشان تفطفطي ساي ده آخر سمستر ليك اتخارجي وخارجينا معاك ياخ قومي امشي البسي هديل استسلمت ومت لبست اتخارجت مع ابوها _____ الجامعة:- جات داخله والناس كلها بتسلم عليها وهي بتسلم أثناء ما هي ماشه جات كافته الواطه وقبل ما تقوم سمعت صوت مرا:اجي يابتي معليش هديل رفعت راسها وعاينت ليها هديل:ما مشكله ياخالتو قامت اتنفضت والوقعه ماكله معاها جمبه المرا:بتقري وين انتي يابتي هديل:صيدله المرا:عارفه جهت ناس اسنان وين هديل في نفسها*:اححح الناس السمحه* هديل:والله ياخالتو مع اني خمسة سنة بقرا هنا لكن ماعارفة والله المرا :خالد.. ياخالد خديل اتلفتت وراها لقت ليها زول جاي بتعرفو كوييييس جا وقف جمب هديل خالد:اي يا امي هديل قبلت علي خالد بي خلعه خالد:اي دي امي عندك اعتراض؟ هديل:متبنياك ولا شنو خالد:يبنوك طوب هديل :هههه ظريف ههه واااههه خالد حمر ليها طوالي سكتت المرا قعدت تضحك المرا:اخوك وين خالد:جيت معاهو لكن ماعارف طار بي وين تلفون المرا ض*ب:الوو... اي... في الجامعة... لالا ماعرفت المكان..... خلاص... تمام.. يلا خالد:ده هو المرا :اي يلا انا راجعه معاهو ومشت خديل قبلت علي خالد هديل:انت عندك ام مزه واخو من طب اسنان وديل غنيين عن التعريف وما بتوريني؟ خالد:انتي ما سألتي هديل عاينت ليهو من فوق لي تحت هديل:اسمو منو خالد:عبدالله هديل:عمرو كم خالد:٢٥ هديل:اححي خالد:كان عرس كان ولدك مرتين هديل: قاليك انا شافعه خالد:٢١ ده لصقوهو فيك ساي لكن مخ بتاع شفع هديل :خلاص مخك بتاع الناس الفاهمين خالد:يو ار ستش جيلس فروم مي هديل:اشششي يا جون ما اتعرفنا دي الملاك ليها منو خالد:ده العلم هديل:يعلموك السرقه بي نط الحيط هديل:كدي وصف لي عبودي ده خالد:طويل كالزرافه جميل كا****ر صوته كالخروف شلاليفه كمرتبت الاسفنج احول احوص خنيته هديل:بعد ده كلو اسمح منك .. _وصف عبدالله عن طريق الخالة _ طويل ذو عيون سوداء ولون اسمر ..حواجب كثيفة مقرونة...عيون حوراء ...بارد..غير اجتماعي...شعرو اسود وناعم بلبس نضارات (وصف عجيب?) ____________________ اشوفكم في الجزء التاني