تزوجتها ولكن!!..

الجزء الثالث

مودة:ده عبدالله

هديل قبلت عليها بي نظرات مافيعا اي تعابير

هديل:ويعني

مودة:احييييي انا منك ومن عدم مبالاتك ده

يابت ده اقول ليك م**ر الدنيا والبنات بتمنن يسمعن صوتو خلي يتكلمن معاهو

هديل:لي كان ما زول خلقو الله زي ماخلق غيرو

هديل مشت ومودة وقفت بتعاين ليها لحدي ما اتحركت بعيد منها شوية

حركت راسها وطلعت صوت "مشييييييم"

ولحقتا

_____________________

ب

النسبة لي عبدالله كان قاعد مع كوثر لمن هديل اتشاكلت معاهو

قبل على كوثر وهو بواصل في كلامو

عبدالله: والله ياكوثر امي اصلو ما موافقة على علاقتنا دي

كوثر: اها يا عبدالله نعمل شنو

عبدالله: انا يا كوثر بحبك شديد وما بقدر اتخلى عنك

كوثر:لكن انت سمعت امك قالت شنو

عبدالله: ماتخافي عرسنا ده قائم يعني قائم

كوثر:والبت القالت ليك امك ان...

قاطعها عبدالله

عبدالله:يا كوثر خلاص قلنا الزولة موضوعا منتهي

انتهو من ونستهم وودعو بعض وكل زول انقشط لي بيتو

*كدي نشوف هديل بتسوي في شنو*

كانت قاعده جمب النافورة مع مودة في الواطة

مودة:ياخ القعدة حارة ارح نشوف لينا كراسي هناك

هديل:ابييت القعدة عاجباني هنا

مودة تمتمت بي كلمات لكن هديل سحبت عليها

وواصلت تِفِرِج

لحدي ماشافت ليها بت ماشة قدامهم

لكدت مودة واشأرت ليها بي عيونا

على البت

مودة:سجمي ده لبس شنو ده اعوذ بالله

هديل:لا انا ما متحيرة الا في الاسكيرتي دخل فيها كيف

مودة:انتي في ده ولا اهلها خلوها تطلع كده كيف

هديل:معقول تكون اتمسحت بي زيت ؟

مودة ض*بتا

مودة:انتي لسه مع الاسكيرتي

ضحكن وهن بيتضاربن

_______^__^______

كان داخل براااحة عشان ماف زول يحس بيهو

اول ما قفل الباب سمع صوتو

خالد:كنت وين

عبدالله حاكاهو بي طريقة خلت خالد يضحك

خالد:من بتين وانت بتحاكي بالطريقة دي

عبدالله:اتعلمتو اسه من واحدة كده

خالد:وررري واحدة عديل كده

عبدالله حكى ليهو القصة بعد شوية امو حات لقتهم قاعدين في الهول وهم بيتكلمو

رقية:عبدالله قوم البس

عبدالله:لي ماشين وين

رقية:لي بيت البت

عبدالله:امي لكن انا مابعرفا ولا بعرف شكلها امكن ماتعجبني

رقية:عجبتك ماعحبتك حتعرسعا وجوة عينك

عبدالله:امي انتي لاقيتيها وين ؟بت صحبتك؟بايرة؟

رقية:في جامعتكم

عبدالله اتجمد شوية

عبدالله:اسمها منو

رقية:.......

____________

دخلو البيت واتوجهت على اوضتها طوالي

غيرت هدومها بي بجامة واااااسعة

وطلعت فتحت الشاشة وبقت بتحضر لحدي ما سمعت صوت امها

اماني:يابت قومي غيري هدومك دي

هديل كانت بتاكل

هديل:لي ماشين وين

صوتا ماكان واضح

اماني:ابلعي الفي بوزك ده اول

بلعتو

هديل:ماشين وين

اماني:جاييك عريس

هديل عاينت لي امها بي طريقة زي الكأنها بتقول ليها"صدقتك"

اماني:يابت قومي

هديل:طيب طيب

قامت وهي بتشتم في العريس

_^____^_

غيرت هدومها وطلعت لاقتا امها

اماني:شوي ليك حاجة في وشك ده

هديل:امي ياخي ما للدرجة دي

اماني:سوي زي مابسون البنات نحنا ماصدقنا انو جايك عريس زاتو

هديل قالت بي طريقة حزينة

هديل:انا كنت عارفة انكم ماعايزني وانا مابتكم اتكلفتو بي ساي بس عشان خالتي قالت ليكم البت دي امانه في رقبتكم

وقعدت تطلع دموع وهمية

اماني ضحكت

اماني:يا بت بطلي الوهم الانتي فيهو ده

____^_____^____

اشوفكم في البارت الجاي