Doon na nakatulog si August sa sofa. Ginising ko siya para sa kwarto na matulog pero tulog mantika kaya wala na akong nagawa. Pagkagising ko kinaumagahan ay wala na siya sa roon. Natatawa na lang ako sa naisip. Marahil lasing nga siya kagabi at kung ano anong mga bagay ang nasasabi niya. Katulad na lang noong babaeng sinasabi niya.
Laman ng utak ko ang babaeng nabanggit niya hanggang makarating ako sa opisina. I searched for her name during break pero wala akong natagpuan na kung ano. Sino si Yle? Akala ko ba mahal niya si Amary? Bakit may binabanggit pa siyang ibang babae?
Hindi ako tinatantanan noon hanggang hapon. Nagtanong din ako sa mga katrabaho pero wala silang alam tungkol doon. Doon ko lang nalaman na sadyang pribado ang buhay ni August. Ni hindi nila alam kung sinong mga kaibig
