Nagising ako dahil sa lamig ng temperatura. Pakiramdam ko ay nasa ibang lugar ako. Nagmasid ako sa buong paligid subalit napansin kong wala ako sa sariling kwarto. Maaliwalas ang silid at bukas ang sliding door. Umaalpas doon ang malamig na hangin.
Bumangon ako mula sa pagkakahiga at pumunta sa bintana. Nakita ko sa di kalayuan ang dalampasigan at ilang mumunting kubo. Nang igala ko ang paningin, puro puno lang ang bumabalot sa lugar. Nananaginip ba ako? Bakit nandito ako sa lugar na ito?
"We're in my family's vacation house in Batangas." Rinig kong may nagsalita sa may bandang likod ko. Si August iyon na may dalang tray ng pagkain. Tila nabasa niya ang mga tanong sa isip ko.
"Huh? Bakit tayo nandi--" Napatigil ako nang pumasok sa isip ko ang lahat ng nangyari. I was almost raped! Toto
