HINILA ako ni Silver at itinago sa kanyang likod. Natatakpan na ngayon ng kanyang likod ang pigura ni Yvo kaya’t hindi ko na ulit makita ang kapatid ng asawa ko.
“Are you saying your parting messages? Going on, you can finish. I can wait.” Hindi nagbabago ang mala-demonyong ngiti ni Yvo na hindi ko nagugustuhan.
Hindi nagsalita si Silver o pinatulan man lang ang sinabi ng kanyang kapatid. Para bang balewala sa kanya ito at kalmado pa rin.
Minsan hinihiling ko na sana ay mayroon din ako ng kagaya ng kay Silver na pagkakalma. Kailangan ko iyon sa mga ganitong sitwasyon.
Bahagya akong nilingon ni Silver. Makahulugan niya akong tiningnan.
Kahit hindi isatinig ni Silver ang iniisip niya, pakiramdam ko ay nababasa ko na ito. Gusto niyang umalis akong mag-isa, gusto niyang tumakbo ako at tum
