NAHAHAPONG NAUPO SI JADA NANG makahanap ng bakanteng mesa sa coffee shop na nasa loob mismo ng ground floor ng RY Holdings. Daig niya pa ang bumaba gamit ang hagdan mula sa pinakamataas na palapag ng building na iyon papuntang lobby sa pagod. Pinagod siya ng iba’t ibang emosyon na naramdaman niya sa napaka-ikling interview na iyon.
Hindi niya mapigilang mapailing at mapapikit. Gusto niyang isiping nanaginip lang siya pero kaduwagan kung palage niyang gagawin iyon kapag nahaharap siya sa mahirap na sitwasyon. Kung gusto niyang tulungan ang sarili na maka-adapt sa bago niyang buhay ay kailangan niyang patibayin ang loob. Kailangan na niyang tanggapin na talagang nag-e-exist si Sebastian at na kailangan niyang pagtiisan ang presensya nito sa ayaw man niya o gusto.
Huminga siya nang malalim
