TINUNGO NI JADA ANG BAGONG SMARTPHONE, t-in-ap ng daliri ang screen na hindi pa nya naaalis ang protective plastic. Nabuhay iyon at tumipa siya, mabilis na nahanap ang app na kailangan niya. Hindi pa din makapaniwala na may sarili siyang smartphone kahit pa nga utang niya iyon kay Jesson.
Binuksan niya ang nag-iisang mensahe sa inbox.
LOBBY, 6AM
-RY
Ilang beses na niya iyong nabasa. Natanggap niya ang text kagabi habang naghahanda na siyang matulog. At ngayon nga ay nasa lobby na siya ng hotel hindi pa man sumasapit ang alas-seis.
Hindi na siya nakapagpaalam kay Mariz na natutulog pa, siguro ay ite-text niya na lang ito mayamaya.
Hindi alam ni Jada kung ano ang balak ni Sebastian sa araw na iyon. Pero gusto niyang maniwala na may kinalaman iyon sa pag-a-apply niya ng trabaho sa CA
