HINDI PA MAN SUMISIKAT ANG ARAW ay handa na si Ygban. Akala niya ay siya na ang pinakamaagang nagising pero nang marating niya ang hangganan ng ilog na ang baba ay matarik na talon ay nadatnan na niya ang ibang mga miyembro na naghihintay roon. Ang mga kalalahikan at kababaihan na naroon ay katulad din niyang gustong maging opisyal na lakmuos.
Nang lumapit siya sa mga ito ay natigil ang pag-uusap at sinundan lang siya ng mga nagtatanong o di kaya ay nangungutyang mga tingin. Sanay na siya roon.
Narinig niya ang malakas na pag-ismid ni Ahyabu Ymian, ka-edad niya ito, pareho ang araw ng kanilang kapanganakan at mataas ang antas na kinabibilangan ng pamilya nito. Ayon sa mga matatanda ay ito ang sanggol na sinasabi ng propesiya na magbibigay liwanag sa tribu samantalang siya naman ang magd
