TINUNGO NI JADA ANG MALALIM NA BANGIN, PAKIRAMDAM NIYA AY MAY KUNG ANONG HUMIHILA SA KANYA SA ILALIM NIYON. Alam niyang hindi siya natatakot sa kung ano man iyon pero mas kuryusidad kung bakit laging may kinalaman ang bangin sa panaginip niya.
Humakbang siya paatras para sa sapat na ligtas na distansya mula sa gilid niyon at tinanaw ang buong paligid. Iyon ang ikatlong pagkakataon na nakapunta siya doon. Ang una ay nang matagpuan siya ni Sebastian at aksidente siyang muntikan ng mahulog doon. Ang ikalawa ay noong isang araw kung saan nalaman niya ang nakaraan mula sa sariling kwento ni Sebastian. At ngayon ang ikatlo.
Kanina ay nagpaalam siya kay Sebastian kung pwedeng pumunta siya muli sa gilid ng bangin pero sa pagkakataong iyon ay mag-isa lang siya. Nararamdaman niya ang pagtutol ni
