KAHIT KAILAN AY HINDI NAISIP NI SEBASTIAN na maikukwento ang sariling kasaysayan sa kahit na sino. Bilang isang imortal ay hindi niya kahit kailan binalak na itala o mag-iwan ng kahit anong katibayan na umiiral ang isang katulad niya nang ilang daang taon na. At lalo na ang ikwento iyon sa isang mortal.
Pero nang mawala nang gabing iyon si Jada ay nagsimulang maiba ang takbo ng buhay niya. Sandali lamang iyon pero ang kaba at takot na idinulot ng posibilidad na hindi na makikita ang dalaga ay hindi niya inaasahan. Samantalang ang lihim na tuwa nang makita ito at makasama nang ilang araw ay parang matagal na, hindi na bago pa at hindi nakakagulat na maramdaman.
Tinungo niya ang dalaga na parang hindi nangangalay sa kanina pang pagtingala sa kanya. Nasa kanya ang buong atensyon nito at wa
