“Kuya Enzo gising.” Napadilat ako dahil sa lakas ng katok mula sa aking pintuan. Napakunot ang noo ko dahil wala pa namang liwanag pero kung makakatok naman wagas.
“Teka lang, importante ba yan?” tanong ko agad. Napasilip ako sa aking bintana pero hindi pa naman sumisikat ang araw. Gusto kong makabawi sa tulog dahil sa puyat na ginawa ko buong magdamag kaka-review. Lalo na kagabi gusto ko nang matulog pero paano naman ako makakatulog kung ang daming calls and messages sa akin ng manager ko.
Napakamot muna ako sa aking mga mata bago ko pinihit ang doorknob upang buksan ang pintuan.
“Bakit ano ba ang problema mo Sofia, ang aga pa para magdabog,” sambit ko sa kaniya habang nakasandal sa pintuan at doon tinutuloy ang aking pagtulog. Nakarinig naman ako nang mahihinang tawa sa aking harap
