KABANATA 20:
GALIT.
Iyon ang tangi kong nararamdaman habang nasa banyo at ginagamot ang sugat sa aking balikat gawa ng paso ng sigarilyo ni Grimore. Hindi ko maiwasan maalala kung paano walang awa niya akong pasuin at tumigil lang tuluyan na iyon dumugo. Ni hindi siya lumingon sa akin pagkatapos no'n, pinatawag niya ang bantay na nakaabang sa labas upang alisin ako.
Hindi ko maiwasan maisip, paano kung hindi mataas ang pain tolerance ko? Paano kung totoong ako si Orang na isang katulong at nangangailangan ng trabaho at walang awa niyang gagawin iyon.
Hindi ko inaasahan na ganito kahalang ang bituka ni Grimore, hindi ganito ang pagkakakilala ko sa kanya o sadyang hindi ko na siya kilala ngayon.
Umiigting ang aking panga nang may kumatok sa pintuan.
"Orang?" boses ni Manang iyon.
Humi
