KABANATA 21:
TATLONG ARAW ang lumipas simula ng bumalik ako sa mansion, sa tatlong araw na iyon ay inilaan ko sa pagsama sa aking anak buong araw upang kahit papaano ay makabawi sa mga araw na wala ako. Sa mga nagdaan araw rin na iyon ay hindi umaalis si Grimore, hindi ko rin nakikitang bumibisita si Cynthia.
Hanggat maaari ay umiiwas na lang, baka hindi ako makapagpigil.
Tahimik ako sa tabi ng aking anak habang papasok kami sa kusina upang kumain siya ng umagahan at bahagyang nagulat pa ako nang makita roon si Grim, hindi katulad noong mga nakaraan araw na hindi siya kasabay ng anak namin, ngayon ay nandoon na ang aking dating asawa, nasa pinaka dulo ng mahabang lamesa at hindi pa ginagalaw ang pinggan.
Ramdam ko ang pagkatigil ni Arki sa paglakad, mukhang nagulat siyang matagpuan roo
