Kabanata 22:
"Boyfriend?" Halos mapatalon ako sa gulat nang paglingon ko sa aking gilid ay nandoon si Grimore, nakapamulsa habang nakatingin sa akin at blanko ang itsura.
Hindi kaagad ako nakapagsalita sa tanong na iyon ni Grim, napakamot ako sa aking batok saka hilaw na natawa upang itago ang pagkabigla. Hindi ko man namalayan na nandyan na siya, hindi ko na kukwestyunin ang tahimik ng yabag niya dahil sa trabahong mayroon kami.
Kanina pa ba siya riyan? Narinig ba niya ang pinag-uusapan namin? Wala naman siguro akong nasabing kakaiba kay Spade na pwede niyang pagdudahan dahil kung mayroon man ay dapat ngayon ay tinututukan na niya ako ng baril.
"A-Ah, hehe. Sir. H-Hindi po," tanggi ko na may kasamang pag-iling.
"Just to be sure, that might affect your job."
Napanguso ako. "Nako, Sir
