Ang sama na naman ng gising ko ngayon. Ilang araw na rin akong wala sa mood magmula no’ng nalaman ko na may girlfriend na si Ray. Sino ba naman kasi ang hindi maiinis do’n? Bakit gano’n, ‘di ba? Dapat una pa lang sinabi niya na para hindi na ako nagkagusto sa kanya. Mukha tuloy akong napahiya sa group chat namin. Todo-asar pa sila Gerald sa ‘kin, e may girlfriend na pala ‘yong tao. Hindi naman kasi nagsasabi si Harry.
“Oh? Anong pagmumukha ‘yan, Aly?” ani Sofia pagkaupo sa tapat ko, dala-dala ang mga pagkaing binili niya.
Kasama ko siyang kumain ngayon kaya hindi ako sumama kina Bellariza.
“Wala,” sambit ko at muling kumagat sa sandwich ko.
“Eh? May problema ba? Ilang araw ka na kasing gan’yan,” at bumuntong-hininga siya. “Kung nandito lang si Owen, todo-alaga ‘yon sa’yo,” pagpapat
