NAGKUKWENTUHAN sila Saphira at Kasandra sa munting sala ng kubo tungkol sa naging lakad nila ni Ludgi. Nasa kalagitnaan na siya ng pagkukwento ng magpaalam ito sandali. Kailangan daw nitong maglabas ng tubig sa katawan. Hindi nawawala ang ngiti sa labing hinintay niya ito nang pabalandrang bumukas ang pinto ng kubo ilang minuto palang ang nakakalipas. Napatingin siya doon habang gulat na gulat. Mabilis siyang napatayo kasabay ng panlalaki ng kanyang mga mata ng sunod-sunod na pumasok ang ilang lalaki na sabay-sabay na iginala ang paningin sa loob ng kubo.
Umawang ang bibig niya ng makilala ang mga ito. Naparalisa ang buong katawan niya at rumagasa ang kaba sa dibdib niya ng makilala ang mga lalaking biglang pumasok doon. Namumukhaan niyang mga tauhan ito ni Kanor na siyang naroon ng dumat
