ISANG umaga ay nagyaya ang kasintahan kay Saphira na mamasyal sila sa sentro ng probinsiya. Ang sentro ng probinsya ay may kalayuan sa Sitio Tres. Ilang bayan pa ang madadaanan para makarating doon. Kung mamamasyal sila ay hindi naman siguro nila makakaharap ang grupo ni Kanor. Isa pa ay hindi naman siya yayayain ng binata kung alam nitong mapapahamak siya.
Bago ang araw na iyon ay napansin niya na palagi itong nag-iisip. Parang hindi ito mapakali palagi. Kapag naman tinatanong niya ito ay huwag daw siyang mag-aalala. Iniisip lang daw nito ang pagiging wanted niya. Kapag ganoon na ang sinasabi ng binata ay pinapagaan nalang niya ang kalooban nito. Hindi naman niya ito masisisi. Kahit siya ay natatatko din. Pero kagaya ng sinasabi nila Liam, maari niyang gawing pantakip sa mata ni Kanor a
