MALALAKI ang mga hakbang na tinawid ni Ludgi ang kalsada. Makulimlim din ang kanyang mukha at halos hindi maipinta. Patungo siya ngayon sa isang may kalakihang grocery sa sentro ng Tres. Kanina pa inaatake ng kaba ang kanyang dibdib at hindi na naalis ang hindi magagandang eksena sa kanyang isip.
Galing siya sa Hardin at pabalik na siya sa kubo ng salubungin siya ni Liam. Sinabi nitong nasa sentro sila Saphira at Kasandra. Plano ng dalawang panindigan ang pagiging bandida at naisip ng mga itong pasukin ang grocery sa kanilang bayan. Muntik niyang masakal ang kapatid pagkatapos nitong magsabi sa planong gawin ng dalawang babae. Dali-dali silang kumilos para puntahan ang dalawa.
Hindi na niya nagawang magpalit ng damit para itago ang katauhan. Ang nasa isip nalang niya ng mga sandaling iyo
