NANG sumunod na araw ay niyaya ni Saphira si Ludgi na magtungo sa simbahan. Hindi iyon sinang-ayunan sa una ng binata dahil baka mayroong makakilala sa kanya. Subalit ipinilit niya ditong gusto niyang manalangin sa simbahan. Matagal na din siyang hindi nakakabisita sa tahanan ng Diyos at gusto niyang pumunta doon ngayong araw. Sa huli ay pumayag din ang nobyo sa kundisyong hindi siya maaring magtagal doon. Kapag maayos na daw ang lahat ay kahit araw-araw pa siyang bumisita sa simbahan. Nagpasalamat siya dito at alam niyang kapakanan lamang niya ang iniisip nito.
Sa pagdaan kasi ng mga araw ay lalo niyang nararamdaman ang pagpoprotekta nito sa kanya. Gayunpaman ay hindi naman niya nararamdaman na mahigpit ito o preso siya sa pag-aalaga nito. Malaya pa din naman kasi siyang nakakakilos sa
