Napagod ng husto si Rehan sa maghapon naming pamamasyal. Pagdating namin sa mansyon, agad na siyang umakyat sa kaniyang kuwarto. Busog pa daw siya kaya hindi na siya kakain ng dinner. Matutulog na daw siya.
Bitbit ng mga bodyguard at ilang kasambahay ang lahat ng paper bags na pinamili namin kanina. May ilang binili din si Rehan na mga gamit pero ang karamihan talaga ay sa akin.
Si Kevin ang nagbayad lahat.
"Ako na lang po ang mag-aayos ng mga iyan bukas. Salamat po," sabi ko sa mga kasambahay. Nakakahiya naman kung pati ang pag-aayos ng damitan ko e sila na naman ang gagawa. Hindi naman iyon mahirap na gawin.
Yumukod sila at nagpaalam na.
Gusto ko na ding magpahinga pero uunahin ko na munang maligo. Mukhang hindi na din ako makakakain ng dinner.
Pagkatapos magbihis ay dumirets
