انا ..واللصة

الفصل الاول من رواية انا واللصة

(توكلت علي الله)

انا واللصة

حلقه ١

في الشارع..

يقف شاب ومعه فتاة

يوسف :بس انا يا رانيا بعتبرك زي اختي

رانيا: يوسف انا بحبك والله طول عمري بقرب منك ووافقت اكون صديقتك علي امل انك تحبني

يوسف :عارف بس انتي زي اختي

رانيا :يوسف مقدرش اعيش من غيرك طيب انا ايه عيبي ليه مبتحبنيش

يوسف: مفكيش عيب انتي جميلة ومتعلمة وكل حاجه بس

رانيا :بس خلاص يا يوسف بس انا مقدرش اعيش من غيرك سلام

يوسف بخوف: رانيا استني رايحة فين رانيا حاسبي العربية، رانيا..رانيا

تململ بفزع يحني جسده العلوي يتحسس جبينه الملتهب، يصرخ بشده من اثر ذلك الكابوس المزعج..

يوسف بحزن: رانيا لا ليه موتي سامحيني انا قتلتك بنفسي

طرقات علي الباب، تتبعها دخول رجل في ٦٠ من عمره..

يوسف :تعال ياعم ابراهيم

عم ابراهيم بقلق :في ايه يبني بتصرخ ليه

يوسف: كابوس ياعم ابراهيم

ابراهيم: وبعدين يبني ماخلاص حادثة عدي عليها زمن

استقام من فراشه ليهتف بصرامة: ولو عدا عليها ايه عمري منسي انها انتحرت بسببي

ابراهيم :عشان كده مض*ب عن الجواز

يوسف: مش هجوز ابدا

ابراهيم: طيب براحتك يبيني احضرلك الفطار

يوسف: ماشي بس بسرعة

ابراهيم :انت رايح المديرية

يوسف: لا رايح النادي عندي تدريب ظباط جدد

ابراهيم بهدوء:ماشي

(يوسف ٣٤ سنة ظابط جسم رياضي عيون سودة وملامح جادة)

ابراهيم:. هترجع الساعة كام عشان احضر الغدا؟

يوسف: لا يا عم ابراهيم انا هاكل في النادي واعدي علي عاصي اتعشي معه.

ابراهيم بابتسامة: سلملي عليه وقوله عمك ابراهيم زعلان عشان مبتجيش تشوفه

يوسف: منتا عارف ياعم ابراهيم عاصي بطل يطلع من ڤلته وحابس نفسة فيها لا بيشوف حد ولا حد يشوفه...

ابراهيم: عارف وده غلط

ارتدي بنطلون جينز وشميز ابيض وشنطة هاند باك،اقترب من ابراهيم ليقول:

ربنا يهديه

استداروا سويا ليهبطوا الدرج،جلس علي السفرة ثم تناول فطاره،ثم ركب سيارته متجها الي النادي نزل ركن ودخل..

علي احدي الطربيزات:

فتاه١: اهو جيه

فتاه ٢: يالهوي عليه يجنن

فتاه٣: ايه الحلو فيه

سحر: بس اشطري وحاولي بس تكلميه

مرنا :حاجه سهله هو يطول مرنا هانم تكلمه اتف*جوا حتشوفوا دلوقتي

اقتربت منه منرنا من خلفه ثم قالت مناديه له :ياحضره الظابط

التفت اليها يوسف يطالعها بسوداويته ليردف بالامبالاه: نعم

مرنا بابتسامة ودلال انثوي: انا مرنا طبعا عارفني

يوسف بسرعة: لا

مرنا باحراج: انا عضوه في النادي

يوسف بغضب: طيب في مشكله حضرتك

مرنا: لا ابدا دنا كنت بعزمك علي عيد ميلادي

نفخ يوسف بغضب ليهتف بجدية: مبحضرش اعياد عن اذنك.

ادار لها ظهره ثم رحل،لتقف هي كمن دلق عليها ماء مثلج...

اقتربن منها الفتايات

سحر: هههههه معلش يا مرنا

مني بابتسامة خبث: حته **فة

مرنا :اخرسوا اما ربيته مبقاش مرنا

[١٩/‏٢ ١٠:٤١ ص]٢٠١٩

ايه عبده النجار

انتهي يوسف من تدريبه،ثم تناول غدائه في النادي،استقل سيارته متجها الي صديقه عاصي، توقف علي الطريق يشتري سجاير..

كاد ان يدخل الي ان ارتدم بفتاه كانت تخرج:

طالعها يوسف باسف ليهتف بحرج: اسف جدا ياانسه مخدتش بالي

جويريه بابتسامة: عادي ولايهمك بعد اذنك

طالعها يوسف قليلا بنظره اعجاب الي ان رحلت ثم دخل الي المحل: لو سمحت علبه سجاير

العامل :اتفضل يا فندم

وضع احد كفيه في جيب بنطاله ليخرج محفظته،طالعها العامل ليقول:في حاجة يافندم

يوسف: المحفظه مش لقيها

عامل: متاكد كانت معاك

يوسف بغضب وادار وجه يبحث عنها: ايوه، اه يابنت الحرمية انا يوسف اتسرق ماشي، اتفضل الفيزا

عامل :حاضر

خرج بعدما تناول احدي سيجارته يشعلها بغضب متجهها الي سيارته متجه الي ڤلا عاصي فتح له الخدم..

يوسف :مسالخير، عاصي فين

الخادم :جوه اتفضل يابيه.

في مكتبه يجلس شاب في بدايه الثلاثون علي مقعد يرتدي بنطلون اسود وتيشرت اسود يظهر علي ملامحه الحزن،ببشره سمراء وشعر اسود وعيون رماديه طويل القامة،ومفتول العضلات،وسيم

اخذ يضحك بصوت مرتفع..

عاصي: هههههه اتسرقت يا حضره الظابط يا فرحتي بيك

رفع يوسف حاجبيه بغضب: حجبها واعرفها غلطها

عاصي بلهجه تريقة: ايه حبيتها

يوسف بغضب: حب ايه انت اتهبلت انا مش بتاع الكلام الفاضي ده

عاصي: هههههه ماشي

يوسف: ممكن اعرف حتفضل لامتي حابس نفسك كده

عاصي :انا كده مرتاح مش عاوز حد يشوفني بالمنظر ده

يوسف: عاصي متعملش في نفسك كده انت كنت احسن ظابط بس هي حادثة بسيطة وهترجع زي الاول،والادارة عاوزينك لحد دلوقتي بس انت اللي مش راضي.

عاصي بحزن: باذن الله

يوسف: طيب فين العشا

عاصي :العشا علي السفره قوم كل

يوسف: وانت

عاصي: بلاش يا يوسف لحسن تق*ف مني

يوسف بغضب: انت اتجننت قوم بلا اقرف

عاصي بابتسامه: ماشي.

ــــــــــــــــــــــــــــــــــ

في منزل متهالك الهيئة بحارة شعبية:

دخلت بسرعة تتلفت حولها بخوف، اغلقت الباب، ثم جلست علي احد المقاعد المتهالكة،اخرجت المحفظه من جيب بنطالها الرث ممزق الهيئة، فتحت المحفظة

لتتهللت اساريرها فرحا عند رؤيتها للاموال داخل المحفظة.

اقتربت فتاه تخرج من غرفتها تقترب منها لتقول بغضب:جويرية

جويريه بخضه: ايه خضتيني

ليلي بحزن :انتي سرقتي تاني

جويريه :امال ناكل منين يا انسة ليلي

ليلي :نشتغل بس متسرقيش

رمقتها بنظرة سخرية لتقول: نشتغل محنا جربنا والكل طمعان في لحمنا اكمنا يتاما

ليلي: نحاول تاني ارجوكي يا جويريه انا مليش غيرك بعد ماما وبابا هتسيبيني لوحدي لمين

جويريه وحضنت شقيقتها الصغيرة لتقول: طيب متخفيش انا جنبك..

بقلم ايه عبده النجار(ورردد)

ربتت علي راسها بحنان لتطالعها بحب لتقول:طيب قومي يلي ياستي ننام وربنا يسهلها.

ليلي: مش هتتعشي

جويريه بتوتر وهي تعلم ان ليس بالمنزل طعام: مفيش داعي

ليلي: انتي من الصبح مكلتيش لازم تاكلي

جويريه باستسلام: طيب هنزل اجيب علبة جبنة وارجع

ليلي :لا في اكل

جويريه باستغراب:جبتي اكل منين انا خرجت من شويه ومكنش في حاجه في التلاجه

ليلي :طنط سهير جارتنا جابت عشا وانا قلتلها لا مش عاوزه بس اصرت والله وسابته ومشت

جويريه: ماشي يا ليلي بس متاخديش حاجه من حد تاني مفهوم احنا مش محتاجين احسان من الجيران

ليلي: حاضر هروح اجيب الاكل من المطبخ

دخلت ليلي الي المطبخ

التفتت علي طرقات متتالية علي الباب،استقامت ثم فتحت الباب لتلوي شفتيها فور رؤيه الطارق:

بكر بحركات استفزازية:مسالجمال علي اجمل بنت بالحارة..

جويريه بغضب: مسالزفت.. افندم

بكر: زفت مش عيب تقولي لعمك بكر زفت

جويريه: متخلص يعم عاوز ايه

بكر بغضب: بقي كده انا الحق عليا صابر عليكي واقول معلش بكره تعقل هاتي ايجار البيت ولا هي تكيه

اخرجت من جيب بنطلونها الرث،بعض الاموال ثم القتها في وجهه.

جويريه :اتفضل ومش عاوزه اشوف وشك الا اول الشهر بس مفعوم

بكر :مفهوم ياقمر

اغلقت الباب في وشه بغضب

بكر :ماشي بتقفلي في وشي بكره تحتاجني يا جميل

ليلي: مين

جويريه: عم بكر

ليلي :اكيد عاوز الايجار

جويريه: ادتلو

ليلي :من الفلوس الي سرقتيها طبعا

جويريه: لولا الفلوس دي كنا بيقينا تحت رحمه اخينا ده

ليلي: بس مش كل مره تسلم الجره بطلي بقي

جويريه :باذن الله يلي ننام

جويريه الاخت الاكبر ٢٣ دبلوم تجارة عيون سود شعر اسود وجه ابيض طويله وجسم ممشوق جميله جدا

ليلي اختها الصغيرة ١٨ سنةفي ٣ ثانوي مثل جمال اختها وتشبها

هما الاتنين يتامي ملهمش الا بعض...

_________________

[١٩/‏٢ ١٠:٤١ ص] ورردد:

في فله عاصي جالسون علي السفرة

عاصي :هنيا

يوسف: الله يهنيك يا حبيبي يسلام نفسي نطلع زي زمان سوي

عاصي: زمان بقي

يوسف: مالك يبني عامل في نفسك كده ليه مكلنا معرضين للحادث ده

عاصي: ارجوك يا يوسف مش عاوز اكلم في الموضوع

يوسف: لا حكلم حصلك حادثه وسابتك خطيبتك في ستين داهيه متستهلكش يبني

عاصي: يوسف كفايه انا طالع انام بعد اذنك

وطلع وسابه..

خرج يوسف مضايق علي حال صديقه متجها الي منزله

بالاعلي:

كان يجلس اعلي فراشه حزين، استقام ثم نظر الي مرآته علي وجه المش*ه **رها بغضب ثم نام...

في الصباح:

دخلت جويريه غرفة ليلي فتحت نافذتها ثم قالت بصوت هادي: ليلي اصحي بقي

ليلي: ايه ياجويريه بتصحيني ليه

جويريه :اصحي ذاكري يبنتي الامتحانات قربت

ليلي بتردد: اصل

جويريه: في ايه مالك

ليلي :مجبتش ملازم ومش عارفه هذاكر من فين

جويريه : انا هتصرف قومي

ليلي: هتتصرفي ازاي

جويريه :ملكيش فيه قومي

ليلي: لو هتجيبه بالسرقه يبقي مش عاوزه

جويريه: ملكيش صالح المهم تنجحي

ــــــــــــــــــــــــــــــــــــــ