EPISODE 32
“Hindi ko siya basta kilala,” mabilis na dugtong ni Gavin, . “Dating kaibigan namin siya.” Tinitigan siya ni Samantha, parang sinusukat kung alin ang totoo sa sinabi niya kanina at ngayon. “Kaibigan?” ulit niya, may bahagyang pagdududa. “’Yun lang?” Tumango si Gavin. “Oo. Close kami noon. Pero matagal na ’yon.” Tahimik si Miel, alam niyang hindi ganoon kasimple ang salitang kaibigan, pero hindi na siya nagsalita. “Kung kaibigan lang,” mabagal na sabi ni Samantha, “bakit parang may kulang sa boses mo kanina?” Biglang sumabat si Miel, tila hindi na kayang hayaang lumabo pa ang usapan. “BFF ko si Shine since elem,” diretso niyang sabi. “Naging kaibigan naman namin si Gavin nung high school.” Napalingon sa kanya si Samantha, bahagyang nagulat sa impormasyong iyon. “So… kayong tatlo?”
- Writer
