ا****ب بطريقه شرعيه

الحلقه الاولي في حاره قديمه من حواري القاهره العشواءيه منزل قديم لعائلة الدور الارضي محلات يوجد محل خالد لتصليح اللابات والكمبيوتارات وهو احد ابناء العائله الدور الاول يوجد محسن وزوجته وابنته سحر وابنه خميس الدور التاني يوجد اخو محسن وهو طلعت ويعيش مع زوجته وابنيه خالد وسعيد وفوقهم يبني كل واحد لابناءه محسن وزوجته كباقي الاسر البسيطه الغير متعلمين والذين لا يعلمون من دينهم الا القليل وابنتهم سحر دبلوم فهي متبرجه طرحه تظهر من شعرها اكثر ماتخفي ولبس ضيق جدا وتعمل ف بوتيك من الصباح حتي العاشره او الحاديه عشر مساءا خميس دبلوم ومسافر الخليخ اما طلعت وزوجته مثل اخوه ولكن يغلب عليهم الالتزام بعض الشيء خالد الكبير انسان في بدايه التزامه لحيه خفيفه بعض الشيء وقصيره معهد كمبيوتر ويكمل حاسبات ومعلومات سعيد مثله مثل عمه وابناءه دبلوم ويعمل صنايعي ف ورشه ومقضيها نبدا قصتنا بالصلاه ع النبي بعد هذا التعريف بالابطال ................................ سحر تعود من العمل متاخره كل يوم حتي ال10 او 11 مساءا خالد فاتح المحل عندما يراها يستشيط غضبا خالد:انتي ايه اللي يرجعك متاخر كده كل يوم في بنت ف سنك تمشي ف الوقت ده انتي مش بتراعي سمعتنا ف الحته سحر:اخرس حد يقدر يكلم عليا نص كلمه دا انا كنت قطعتهوله وانت مالك انت اش احشرك ارجع حتي واحده ليك عندي ايه اما بلاوي صحيح خالد:استغفر الله العظيم ربنا يهدي ويغلق المحل وهي تطلع يقا**ها سعيد سعيد:ايه القمر بتاعنا مكشر كده ليه هو انت بتحلو كل يوم ولا انا مش واخد بالي سحر:اسكت ياسعيد لحسن اخوك ده فور دمي انا عارفه مستحملينه ازاي سعيد:عشان تحسي بالمعاناه اللي انا فيها وتقدري اصله عملنا فيها عم الشيخ بقي ماتجيب حاجه ع الماشي كده ياقمر سحر :ايدك جاك قطع ايدك ف الحلال ياخويا سعيد:طب ماتيجي نروح الخميس السيما والدنياضلمه وينهااار بوس يانهااار بوس سحر :نعم ياخويا فشررر انا ممكن اجي بس تقعد مؤدب لحسن مافي غير الشبشب انسله علي نفوخك ااااه انت فاكيرني من البنات اياهم ولا كده ولا كده سعيد:دا انت ابو كده وام كده يامعلم ويطلع خالد ع السلم خالد:انتي ايه اللي لبساه ده مش حاسه بنفسك الهدوم هتتفرتك عليكي بالشكل ده سحر:وانت مال اهلك اما غتاته صحيح وانت بتشوفني ازاي وانت باصص ف الارض سعيد:اصله ماشي يبص ع الكوارع اللئيم خالد:احترم نفسك ياسعيد ربنا يهد*كم سعيد:لا مؤاخذه ياعم الشيخ ......................... يذهب سعيد الي صحبته السيئه حيث الحشيش وما الي ذلك وتدخل سحر بيتها وخالد بيته خالد:السلام عليكم يا والدي كنت اريد التحدث معك في امر هام طلعت:خير يابني خالد:بصراحه ياوالدي مش عاجبني طريقه تربيه عمي لبنته انت شايف لبسها وترجع متاخره ودا كله ف وشنا لما الواحد يسمع عنها اي شيء بيتحرق دمي الصراحه طلعت:يابني احنا مالنا خلينا ف حالنا مرات عمك ل**نها سليط ولو اكلمنا هتفضحنا هي من الناس الجهله الي مفكره كل ماتعري جسم بنتها وتضيق لبسها يجلها خطاب كتير خالد:يعني مافيش فايده طلعت:خلينا ف حالنا ياخالد ماتعملناش مشاكل مع عمك خالد:خلاص يابا انا مايخلصنيش ازعلك مع اخوك ربنا يهدي الجميع الحلقه الثانيه ذهبت سحر كعادتها شغلها واثناء عودتها من البوتيك ليلا وفي شارع مظلم شخصان الاول:ايه الموزه الجامده دي دي طيرت ام الحجرين اللي ف نفوخي هجمو عليها كما يهجم الذئاب علي فريستهم واغتضبوها كاي حيوان ف الشارع فكانت كالبهيمه المذبوحه لم يستجديهم استرجاؤها انها كاخت لهم او ماشابه ورموها وسط الطريق غارقه في دماؤها مغشي عليها بلا حراك جثه هامده فراها عم محمد رجل كبير ف السن بتا**ي ومعه راكب فتوقف بسرعه عم محمد:لا حول ولا قوه الا بالله هو الدنيا مابقاش فيها امان خالص شيل معايا يااستاذ انقلها لاقرب مستشفي وفعلا نقلاها مسرعين الي اقرب مشفي ووجدو بطاقتها بها عنوانها فسجلت المشفي كل شيء واستدعو اهلها وعندما علمت امها اخذت تصوت وجاءتها سلفتها وعلمت بما حدث واخبرت زوجها واولادها وذهب الجميع الي المشفي محسن وزوجته:ياربي نعمل ايه ف المصيبه اللي احنا فيها دي يارب نجينا يارب وسحر في حاله انهيار تام وبعد فتره عادت الي بيتها لاتريد ان تري شيء ولا تفعل شيء غير ان تحبس نفسها في حجرتها وتتشح بالسواد وترتدي نقابها لا تدينا منها ولكن عله يحجبها عما حولها فلا تري منه احد ولا احد يراها .............. في منزل طلعت خالد:احنا هنسيب عمي وبنت عمي ف الورطه دي وكلام الناس مابيرحمش وبنهش*ه ف الراحه والجايه طلعت:واحنا بايدنا ايه نعمله يعني خالد:انت مش كنت بتحبها ياسعيد انا كنت شايف ان بينكو لغه وحوار ماتجوزها وتسترها سعيد: اجوز مين ياعم واحده معيوبه انت عاوز الناس تاكل وشي دي بت شمال انا مال امي بالشبكه السودا دي ماتجوزها انت خالد:خلاص انا اولي بستر بنت عمي وهنزل اخطبهامن عمي ام خالد:انت بتقول ايه يابني وايه يجبرك علي كده دا انت كليه وهي دبلوم وكمان استغفر الله العظيم ربنا حليم ستار خالد :انا قررت وخلاص ومش عاوز نقاش ولا هغير قراري طلعت:انت حر يابني اسكتي ياام خالد خالد عمل عين العقل ربنا يحميك يابني ويباركلك ................. في شقه محسن خالد:انا جاي اخطب سحر ياعمي محسن ب**ره:وانت ايه يجبرك علي كده يابني خالد:ماحدش جبرني ياعمي دي لحمي وانا اولي بيه بس ممكن تناديلها محسن:ياام خميس نادي لسحر ام خميس:قومي يابت خالد بن عمك هنا وابوكي عاوزك معرفش ليه سحر:مش عاوزه اشوف حد ولا اكلم حد سيبوني ف حالي ام خميس :معلش هي نفسيتها تعبانه ومش عاوزه تقابل حد خالد :طب ممكن توصليني لاوضتها وخليكي معانا ام خميس:افتحي يابت خالد عاوز يكلمك سحر :مش عاوزه اشوف حد خالد:افتحي ياسحر بدل ماا**ر الباب سحر :ودا ايه المجنون ده كمان انا ناقصه هبل امه سحر تفتح بنقابها :افندم عاوز ايه جاي تديني الموشح بتاع كل مره وانا السبب عشان لبسي وارفي انا مش نقصاك ارحموني وسيبوني باللي انا فيه خالد:طب ممكن تشيلي النقاب لان دي رؤيه شرعيه سحر:يعني ايه البتاعه دي خالد:لما واحد بيتقدم لواحده لازم يشوفهامش هجوزك من غير مااشوفك مافيش عريس بيجوز عمياني فزرغطط امها بفرح اخيرا حد هيستر بنتها سحر :اسكتي ياحاجه بتزرغطي علي ايه انا مش عاوزه اجوز ولا طايقه اشوف صنف راجل ام خميس:اخرسي يابت واتلمي خالد:لا يا مرات عمي دا جواز ودا حقها وانا مش هضغط عليكي ومش عاوز الرؤيه انهارده انا هسيبك تفكري واجيلك تاني وساعتها تخرجي من غير النقاب ............... تتصل سحر بسعيد سحر:قابلني فوق السطح سعيد:في ايه سحر:اخوك جاي يتقدملي سعيد:ما انا عارف سحر:وانت ازاي تسيبه يتقدملي ماتقدمتش انت ليه سعيد:طب هو واد ع**ط يشربك هو انما انا ادبس ليه انا لما اجوز تبقي بت زي البرلنت زي الجنيه الدهب تض*به ف الارض يرن مش لا مؤاخذه سحر:بقي هو ع**ط عشان هيتقدملي اخس عليك واطي دا خالد انضف منك وبرقابتك سعيد:اشربيه اشبعي بيه ونزلت م**وره اكتر من **رتها وتفكر يعني الضحيه والمجني عليها هي اللي بيبصولها كده ليه ذنبي ايه هو انا اللي قلتلهم يغتصبوني ولما بن عمي يقول كده امال الغرب يقولو ايه واصبح لا ملجا لها الا ان توافق علي خالد علها تحمي نفسها واهلها من القيل والقال ولكنها تكرهه كرها شديدا وكيف لها ان تعيش مع هذا الشخص ولا يوجد روح بينهما ولكنها مضطره فهو بالنسبه لها ا****ب ولكن بطريقه شرعيه الحلقه الثالثه ياتي الموعد المحدد لخالد مع سحر للرؤيه الشرعيه وتدخل دون نقاب كما قال فلا ملجا للخروج من هذه المشكله الا هذا الحل فقد سدت كل الطرق تدخل سحر :سامو عليكو خالد:مين سامو الي داخله عليا بيه ده اولا اسمها السلام عليكم سحر تتمتم :هنبتديها غباوه بقي خالد:سمعتك علي فكره وهفوتها بمزاجي سحر :ماهو انت الي داخل حامي عليا اوي من اولها انت مش شوف*ني يلا بقي قال يعني مش ف وشك بقالي 20 سنه خالد:في واحده تقول للي هيبقي جوزها انت مش شف*ني يلا روح بقي سحر:جوزها اهو كله ا****ب بس بطريقه شرعيه خالد :ايه الجمله العظيمه اللي قولتيها دي جبتيها منين ثم انا لا هغتصبك ولا عاوز منك حاجه ياسيتي اطمني سحر: اهو كلام وانت مفكر انت اللي متعلم وبتقول كلام مانا معايا دبلوم انا كمان خالد:اه طبعا معلم ومنك بنتعلم صراحه انما اش وصلنا لك احنا حياالله كليه سحر:انت بتتريق احنا ف مصيبه وانت بتتريق خالد:مصيبه ايه يابنتي انا جاي اجوزك مش اعتقتلك سحر :تايه ياخويا تعتقلني ازاي يعني خالد:لا ماتركزيش وفوتي اللي ماتفهمهوش عشان ماتتعبنيش معاكي سحر:ماهو تخلي البساط احمدي طالما هنعيش سوا بلاش النحوي بتاعك ده اللي مايتفهمش واكلم زي البني ادمين خالد:هو انا بكلم هيروغليفي معاكي ماعلينا المهم انتي جاهزه امتي نجوز سحر :شوف ابويا وامي وفعلا اتفق خالد مع عمه علي العفش ولوازم الفرح وتزوجا ودخلا شقتيهما لاتعلم ماذا سيحدث ولكنها لم تكن تتوقع ماحدث وعندما دخلا قال لها خالد ان تتوضا سحر:ايه ياختي ده هو هيعملنا حلقه ذكر ولا ايه اما نشوف اخرتها وتوضات فعلا خالد:يلا عشان تصلي ركعتين خلفي سحر:طب معلش ياخويا ف دا السؤال هو حد مات خالد:لا ليه سحر:امال احنا بنصلي ليه خالد:دول ركعتين بيصليهم الزوج وخلفه زوجته عشان ربنا يباركلهم ف زيجتهم سحر:طب ياخويا ماشي اتكل علي الله وفعلا صلي بها الركعتين ودخلا حجرتيهما وارتدت قميصها مضطره فقد حذرتها امها ولا احد يعلم مابها ولا يحس احد بها فاقتراب اي شخص منها يدمرها ولكنها مستسلمه لقدرها وتدثرت بغطاءها الي ان ياتي ثم جاء من الطرف الاخر للسرير واعطاها ظهره لينام سحر:خالد مش انهارده ليله الدخله ولا انا غلطانه خالد:لا ياسحر مش غلطانه نامي وماتفكريش كتير سحر:خالد انت فيك حاجه ياخويا صارحني انا اختك ستر وغطا عليك خالد:ياسيتي انا زي الفل ومافياش حاحه تحبي تجربي فاتخضت سحر:لا يا خويا صادق خالد:وايه اخوات واخويا انا جوزك جاك خوت يشقلبك نامي بقي وماتعفرتنيش خلي الليله تعدي علي خير فنامت وهي تفكر في واحد قدامه واحده عامله البدع ف نفسها ولابسه اشي وشفتشي ويسبها وينام اكيد في ان او مصدق كلام الناس عليا واجوزني عشان يذلني من اللي عملته فيه ولكنها استسلمت للنوم ولا تعلم ماذا سيحدث الحلقه الرابعه ف الصباح سحر لم تستوعب مايحدث وقررت ان تتحدث مع خالد سحر :انت اجوزتني عشان تذلني صح عشان ف الراحه والجايه كنت بهزاك خالد: انا بردو يابنت عمي تظني فيا كده انتي لسه ماتعرفنيش كويس لماتعرفيني هتفهمي بدا الشك يساورها مره اخري سحر:امال لا قربتلي ولا جيت جمبي ليه بقي مش فهماها الحته دي خالد:اولا انا مش حيوان بجري ورا غريزته بس وانا مقدر حالتك النفسيه والظروف اللي مريتي بيها عشان كده سايبك لما تحسي بالاولفه معايا فهمتي سحر:اعدمك لو فهمت حاجه خالد:هههههههه انتي عاوزه تعدميني ف الصباحيه دا انتي مشكله سحر:طب براحه عليا كده وواحده واحده فهمني وبلاش الكلام المجعلص ده ماحبوش ولا افهموش خالد:وعملالي دبلوم بس وبنقول كلام كبير سحر:الله يسمحك انت بتتمسخر عليا عشان علامي علي ادي خالد:ياسيتي حاشا لله مش قصدي والله انا بس بفك التنشنه اللي انتي فيها دي ولا علي ايه هنقعد ف شرح التنشنه دي اسبوعين سحر:لا ياخويا فهماها انت فاكرني حماره كنا بنقولها لبعض ماتنشنيش معايا انا والبنات اصحايي خالد:طب الحمد لله المهم انا اقصد اني مش هاجي جمبك الا اما الاقيكي انتي اللي جايه ف حضني وعوزاني سحر :عشم ابليس ف الجنه يبقي هتستني كتير انت لو عاوز حاجه خدها خالد:ياسيتي انا صابر ومحتسب واجري علي الله ومش هيأس منك وحتي لو ماحبتنيش ومارتحتيش معايا وحبيتي اطلقك انا ماعنديش مانع سحر:بس انا بردو مش مرتحالك ماهو مافيش واحد معاه مراته بت لونه ونغشه كده وهيسبها ف حالها خالد:يابت اهمدي بقي ماتكبريهاش ف دماغي دا ايه البت دي ياسيتي انا عارف انك مابتطقنيش ومش ممكن هخدك غصب ابدا لو هموت عليكي يبقي فرق ايه بيني وبين اللي اغتصبوكي سحر:انك جوزي خالد:انا بقي مش عاوزها الا بالتراضي سحر :يعني هتصبر ومش هتنخ خالد:انخ دا انتي مصيبه ف تعبريتاك بتجيبي الكلام المنقرض من زمن ده ازاي سحر:اهو بسمع امي خالد:علي راسي ياسيتي انتي والست الوالده سحر:تسلم وتعيش ياخويا خالد:بس رجاء بلاش اخويا عشان بتحرق دمي سحر :ماشي ياخويا يووووه معلش بقي خالد:انا ماشي اشوف اكل عيشي احسن سحر:هتنزل ف الصباحيه دي الناس تاكل وشي اصبر يومين حتي وابقي افتح خالد:طب انا نازل اشوف ا****عه تحت سحر:ماشي سلملي عليهم ................ خالد:يسلم علي امه ويقبل يدها ازيك ياست الحبايب وحشتيني ام خالد:تسلم ياحبيبي من كل شر عامل ايه يابني خالد:الحمد لله ياامي سحر بنت حلال وغلبانه اوي ام خالد:ربنا يسعدك يابني ويجازيك خير خالد:دا واجبي ياامي انا مش بعمل فيهاجميله دي عرضي ولحمي لو ماسترتوش مين يستره واللي بعمله حالا هيقعدلي ف اولادي ان شاء الله ام خالد:ربنا يصلحلك الحال ياحبيبي ويد*ك علي اد نيتك ...................... ثم يطلع الي سحر خالد:الجميل عاملنا ايه انهارده سحر:لا دا انا استاذه ف الطبخ لو دوقت طبيخي مش هتسلاه بس عندنا الاكل كتير بتاع العشا زي ماهو لمانخلص ابقي ادوقك خالد:اعتبر ده وعد سحر :طبعا وانا ورايا ايه غير الطبيخ ياخذ خالد مصحفه ويرتل ورده بصوت جميل سحر:الله صوتك حلو يابن الايه ف القران بس انا عاوزه منك حاجه وم**وفه اتقل عليك خالد:اؤمريني سحر:انا القران تقيل عليا اوي ف القرايه ونفسي احفظه وعامل زي الطلاسم اقرا ولا افهم حاجه خالد:بس كده كل اما اجي بليل نقعد اقريكي واحفظك كام ايه بكام ايه وافهمك اللي مش فهماه ونبدا بليل ان شاء الله علي ما الناس اللي هتيجي تهني تمشي سحر:ان شاالله خليك يارب بس انت طيب معايا كده ليه دانا كنت مبهدلاك ف الرايحه والجايه خالد:يظهر اني باجي ع البهدله سحر:ههههههه يوه جاتك ايه ياخالد ضحكنتني وينتظر خالد وسحر من سياتي للتهناه الحلقه الخامسه جاء المهناين والجميع يدعو لخالد وانه ستر هذه البنت المسكينه وهي تتالم ولا احد يحس بها هل المجني عليها اصبحت الجاني وبعد خروجهم انطلقت لغرفتها تبكي علي حالها فلا احد يحس بها حتي اقرب الناس لها وتبعها خالد خالد:بتعيطي ليه دلوقتي سحر: مش شابف كلام الناس واكن انا السبب وماحدش حاسس بيا ان انا المجني عليها كلهم بيدعولك انك سترتني مع انه مش ذنبي يحاكموهم هم اللي عملو فيا كده يحتضنها وتبكي بحرقه وهو الوحيد الذي يحس بها خالد:طب مش كفايه انا حاسس بيكي ولا مايهمكيش سحر:انت طيب اوي ياخالد ربنا يخليك ليا ياخويا خالد :هااااا تاني اخويا هزعل منك والله سحر:انا اسفه خالد:يلا بقي ض*بتلنا الليله مش كنا هنبتدي نقرا شويه قران سحر:اه صحيح خالد:طب اتوضي وحصليني بداء خالد يتلو وهي وراه ويفسر لها ماتريد وعند ايه (فانكحوا ماطاب لكم من النساء مثني وثلاث ورباع) اخذ يفسرها لها يعني الواحد لو مراته مش مريحاه ولا في فرق ف السرعات يعني مش مكفياه او مريضه او لا تنجب ممكن يجوز تانيه وتالته ورابعه بس بعدها بيقول (فان خفتم الا تعدلوا فواحده) يعني شرط يبقي عادل بينهم يعني يجيب لدي زي دي زي دي او يبيت عند كل واحده زي التانيه وهكذا كل حاجه يعملها لواحده يعملها مع التانيه والا مايبقاش عادل وياتي يوم القيامه وشقه معوج سحر:يعني انت ممكن تتجوز عليا ياخالد خالد:يعني ده اللي طلعتي بيه من كل الي قلته مافيش فايده ف الستات الست هي الست ف اي وقت المهم جوزها هيجوز عليها ولا لاء سحر :لا بجد اصل دي مش جوازه اصلا دانت لسه ماجوزتش لحد دوقتي خالد:لا ياستي انا مش هجوز ومبسوط معاكي كده تنظر له نظره فيها ريبه وشك خالد:بت انا مبحبش البصه دي بدل ماتهور عليكي وانتي اللي هتعيطي سحر:مش قصدي حاجه والله خالد:عليا انا مش معايا الحركات دي دا انا مربيكي علي ايدي يلا بقي انتي سهرتيني سحر:لا والنبي ياخالد خلينا شويه خالد:اولا والنبي بتاعتك دي حرام لانه شرك بالله سحر:دا سيدنا النبي انت هتكفر ياجدع خالد:ياسيتي سيدنا النبي علي راسي وعلي عيني وحبيبي يارسول الله بس هو ف الاخر بشر ماتوسلش اليه التوسل لله وحده ماقولش والنبي اقول بالله عليكي سحر:ولو اني مش فاهمه حاجه بس خلاص مش هقولها تاني انتي ادري خالد:شاطره بحبك وانتي بتسمعي الكلام تنظر سحر بخجل ف الارض خالد:هنام بقي ولا لسه حرام يعني اذا كان حبيبك عسل ماتلحسوش كله عندي شغل كتير متركن ف المحل سحر:طب يلا ويدخلان كل علي طرف سحر بس انت متاكد انك كويس ينقلب اليها وتكاد راسه فوقها خالد:ماتنرفزنيش ياسحر وعدي الليله فتتلاقي العيون وتحس بالخجل ويحس بخلها سحر بصوت هادي:خلاص خلاص اسفه وتلف نفسها فيقوم يتمتم:الواحد مصلب نفسه وماسك نفسه بالعافيه عنها ودي مش هتهمد الا اما تحصل مصيبه ويخرج من الغرفه فتقول له رايح فين خالد:طالع الصاله عندك مانع سحر:انت مش قلت وراك الشغل بدري خالد:مش رايح الشغل ياسحر انبسطي اهمدي ونامي بقي وعدي الليله سحر:خلاص انت حر انا عامله عليك الحلقه السادسه ياتي خالد من العمل ليلا ويتعشي مع سحر وتبدا جلستهم اليوميه تدخل تتوضا سريعاويلاحظ لهفتها علي هذه الجلسه ويبدا يقرا وهي وراءه وكالعاده يشرح مالا تفهمه وجاء عند الايه ( واذ قالت الملائكة يامريم ان الله يبشرك بكلمه منه اسمه المسيح عيسي بن مريم .......) خالد:اظن انتي عارفه ان السيده مريم كانت عذراء يعني بنت ماتجوزتش وخلفت السيد المسيح دون جماع برجل سحر:يااااراجل وفي واحده تخلف من غير راجل سبحان الله دا القران ده مليان حاجات كتير الواحد مايعرفهاش واخذت تسرح ياسلام لو كل الستات تخلف من غير رجاله خالد:ياسلاااام واحنا تعدمونا بقي ملناش لازمه سحر:اهو بدل الارف اللي بيعملوه ماشوفتش ام ابراهيم جوزها الله يجحمه مطرح ماراح كان بينزل ف نص الحاره يشبشبلها علي نفوخها ولا ام اسماعيل اللي كانت ترقع بالصوت الحياني ههههههه دا احنا مره طلعنا لقينا جوزها الله احرقه دالق عليها مايه سخنه والست تفرفر زي الفرخه لماننتف ريشها خالد: ايه اذاعه رويتر الحاره اللي انا قاعد فيها دي احنا ف السيده مريم العذراء ايه دخلنا بام براهيم وام اسماعيل سحر:مش بقولك ع اللي الرجاله بتعمله مع مرتاتهم امال انا بكرهم من شويه خالد:ياشيخه اتقي الله مانا جوزك اهو ولا عملت فيكي حاجه وانتي اللي مطلعه عيني سحر:لا هو في زيك انا بقصد الرجاله هو انت راجل خالد:بت انتي اتهبلتي ولا ايه سحر:يقطعني ياخالد والله مااقصد دانت سيد الرجاله كلها انا اقصد انك ملاك مافيش راجل زيك دا انقرض النوع بتاعك ده خالد:طب قومي بقي كفايه كده فورتي دمي سحر :لا والنب... اقصد بالله عليك احكيلي خالد: هو انا قاعد ع القهوه بحكي حكاوي القهاوي بس عشان بالله عليك دي هنكمل طب انتي عارفه الايه دي (ويكلم الناس ف المهد وكهلا......) انتي تعرفي ان السيد المسيح كان بيتكلم وهو رضيع سحر:قديمه عرفاها دي كان بيكلم وهو نونه خالد:نونه السيد المسيح نونه قومي ياسحر اعمليلي شاي انا صدعت منك سحر:طب اوعي تقوم هعمله واجي فريره تمشي سحر وخالد يض*ب كف علي كف قال نونه قال ولا انا مالي بام ابراهيم وام اسماعيل وعاوزه تموت الرجاله كلها دخلتنا ف مشكله قوميه ربنا يهد*كي ياسحر وتعود سحر بالشاي يلا كمل خالد:اكمل ايه تاني ارحمي امي العيانه انا مش حملك دانا اعمل موضوع تشعبهولي مؤتمر قومي داانتي دوختيني زي بني إسرائيل لما دوخت سيدنا موسي عشان يدبحو بقره سحر :ليه ماكانوش عارفين ييدبحوها كانو جابوهالي ادبحالهم خالد:ياواد ياجامد سحر خشي نامي بدل ماابعتك لبني إسرائيل واخلص منك سجر:لا احكيهالي ياخالد خالد:لا بقي دي فيها سنتين نخش ننام عشان اعرف اصلي الفجر حاضر ف الجامع مش تسهريني ويفوت عليا الحلقه السابعه جاء خالد فدخلت تحضر العشاء مسرعه خالد:انتي مستعجله كده ليه وراكي حاجه ولا راحه ف حته سحر :لا عشان تحكيلي علي الإسرائيليين ولاد الكلب واللي عملوه مع سيدنا موسي عشان خاطر بقره خالد:انتي لسه فاكره داانتي نوياها بقي سحر طبعا وحضرت العشا بسرعه وراحت تتوضا خالد:طب مش هتتعشي معايا سحر:اتعشيت خالد:طب مش هتقعدي معايا تفتحي نفسي سحر:يووووه يا خالد اهو خالد:لا بالشكل ده هنسد النفس فين الابتسامه اللي قدام جوزك سحر:اهوو خالد:لا كده اعلان معجون اسنان سحر:ماتخلص بقي ولا اقولك كفايه عليك كده عشان ماتتخنش قوم اغسل ايدك خالد:ياست انا شقيان وشغال طول النهار سحر:ماانت بتدلع خالد:طب مابلاش انهارده انا تعبان سحر:ياسلاام بعد دا كله قوم بلاش دلع وتزقه يغسل يده ويتوضا ليذهب لمكان الجلسه وفي هذه الاثناء تعمل الشاي وتاتي به لخالد سحر:وادي الشاي اهو عشان ماتقومنيش وتقول مصدع مني خالد:جاهز انت ومخلص سحر :امال طبعا اخلص بقي واحكي خالد :ماشي ياستي كان في واحد اتقتل ومش عارفين القاتل من انهي عيله من عيلتين وكانت هتحصل مشكله فالمفروض يدبحوا بقره معينه بمواصفات معينه ويض*بوا الميت بعظم البقره دي فيصحي ويشاور ع القاتل سحر:ياسلااام نض*ب الميت بعظمه فيقوم يقول ع اللي قتله دي حاجه ولا ف الاحلام خالد:ماهي فعلا معجزه من معجزات الله سبحانه وتعالي مذكوره بالقران سحر:وبتوع إسرائيل دول بقي مادبحوهاش ليه مش عارفين يدبحوها خالد:اهو قعدو يماطلو ويسالو كل شويه (ماهي) ( مالونها) كل شويه سؤال وهو يجاوب لحد اما دبحوها علي مضض سحر:ايه المضض اللي دبحوها عليه ده خالد:لا دا مش ترابيزه مثلا معناها كارهين للموضوع دبحوها بالعافيه سحر:طب ماتقول بالعافيه لازم تتفلسف عليا خالد:انا اسف الصراحه معرفش ان مضض دخلت ف الفلسفه ماادونيش خبر سحر:كمل كمل خالد:اكمل ايه ماهي خلصت مادبحوها وخلاص مستنيه الشوربه سحر :هههههههه هي كده وخلاص سحر:بس انا عاوزه اسالك سؤال انا كنت بحس انك بتكرهني اوي ايه اللي خلاك تجوزني وكمان طيب معايا جدا ومستحملني غيرك كان فرتكني واتعامل معاياوحش خالد اولا :انا عمري ماكرهتك سحر:ازاي دا انت هريتني ف الطالعه والنازله لبسك لبسك لبسك وتهزا فيا خالد:مش معني اني انتقد لبسك ابقي بكرهك انا كنت عاوزك تبقي احسن مش عاوز حد يكلم عليكي كلمه وحشه ثانيا بقي انا بتعامل معاكي كويس عشان رسولنا الكريم اوصانا بالنساء وقال استوصوا بالنساء خيرا وكمان قال رفقا بالقوارير وانتي القاروره بتاعتي ولازم ابقي رقيق معاكي سحر:مش القاروره دي الازازه بقي انا ازازه خالد:ماهو عشان النساء اقل زعل بي**رهم زي الازاز شبههم بالقاروره سحر:ياااه دا الرسول ده كان جميل اوي امال ليه الرجاله مابيعملوش كده دا ام.... فيكتم فمها بيده خالد:ارجوكي مش طالبه معايا ام اسماعيل وام ابراهيم يامفتريه انتي تنامي طول النهار وانا شقيان واجي كمان اشوف ام ابراهيم حرام الض*ب ف الميت حرام سحر :طب خلاص هعتقك انهارده يلا خش نام علي ما اشطب المطبخ واجي خالد:تصبحي علي خير لاني فيصت منك ع الاخر ويذهب للنوم .................... ثم يذهب لصلاه الفجر في المسجد يمر علي اخيه وشلته الفاسده خالد:سلام عليكم الجميع:وعليكم السلام يكمل احمد للجامع المجاور ويتحدث الجميع احدهم:مش ده اخوك هو اجوز بنت عمك باين البت الشمال دي سعيد:ماتلم نفسك يلا دي بقت مرات اخويا شخص اخر مستمع للحديث ثم يستاذن .................... سحر كانت تصلي الفجر فتستمع خبط شديد سحر :هو احمد نسي مفتاحه ولا ايه تذهب تفتح مسرعه فاذا بهذا الشخص يهجم علي سحر وتستجير ولا احد يستمع فهي ف الدور الاخير وتحتها شقق فاضيه ولكن في هذه الاثناء تكون عوده خالد من الصلاه فيستمع علي السلم لصريخها فيطوي السلالم معا ليذهب لها ويجد هذا المجرم فيحمله وينهال عليه ض*با قبل ان يفعل بها شيئا الشخص:يعني شمال وعامله علينا عفيفه ويرميه خالد للخارج وهي تحتضن خالدوتبكي وهو يحتضنها بشده ويتاسف لها عما حدث . الحلقه الثامنه ظلت سحر متمسكه بخالد وهو يحتضنها وهي تبكي وهو يعتذرلها عما حدث خالد:اوعدك انه عمره ماهيحصل وانتي ماتفتحيش الباب لاي حد سحر وهي تبكي :انا فكرتك نسيت المفتاح طلعت من الصلاه افتحتلك لقيته هجم عليا ونامت وهي تمسك بيديها في قميصه وتحتضنه كما تمسك الهره باظافرها ملابس صاحبها وظلا هكذا فهي لم تحس بالامان الا هكذا فاصبخ هو امانها ودنيتها وفي منتصف الليل تعب خالد وعاوز يتقلب فوجدها متمسكه ولا تريده ان يتحرك خالد طب انا جمبي وجعني وعاوز اتقلب سحر:لا ماتسبنيش ياخالد بالله عليك خالد:وانا مقدرش اسيبك بعد بالله عليك دي طب تعالي نقلب سوا وفعلا شالها علي ص*ره وقلبها للجهه الاخري وهي متمسكه به بشده لا تفلته حتي الصباح واستيقظا وحاول خالد ان يتخلص من قبضتها ولكنها تتمسك به اكثر فاكثر خالد:طب مش هنشوف اشغالنا ولا ايه سحر:انا خايفه ياخالد خالد:تخافي وانا موجود سحر:ربنا يخليك ليا ولا يحرمنيش منك لولاك كان الحيوان ده عمل عملته خالد:والله ماهسيبه وهنزل لسعيد اقوله ع اللي عمله صاحبه وهبلغ عنه سحر: لا ياخالد مش عاوزين فضايح خالد:فاكره لما قلتلك انك هتيجي ف حضني وقلتي عشم ابليس ف الجنه اهو ده بقي عشم خالد ف ربه سحر: بخجل وحاولت ان تفك قبضتها عن خالد بتردد خالد:ياسيتي ماتخفيش سحر تنظر اليه نظرتها المعتاده خالد:هاااا بلاش البصه دي بدل مااستغل الموقف وانتي اللي متشعلقه فيا اهو فتخجل وتقوم خالد:يلا نفطر بقي عشان اروح الشغل يفطران سويا ويمشي خالد ولكن هذه المره تفكر فيه ولا تستطيع ان تبعده عن تقكيرها ثانيه واحده فقد ملا كل تفكيرها ودنيتها وتتذكر حواراته معها وكلامه وهزاره معقول احببته بعد كل هذا البغض بيننا فقد كنت لا اطيق رؤيته ولا سماع صوته فالان لا تستطيع الا ان تفكر فيه ظلت في حيرتها وتحس بمشاعر متناقضه فهي لا تستطيع ان تصدق انها تحبه فعلا وياتي خالد ليلا للعشاء ويتعشيان سويا ويبدان جلستهما ولكن هذه المره لا تتحاور فهي سارحه شارده الذهن خالد:مالك ياسحر انتي لسه الموضوع ماثر معاكي حاولي تنسي والحمد لله مافيش حاجه حصلت هو يحسن بمدي تضارب مشاعرها لا يريد الضغط عليها حتي تتخذ قرارها بارادتها سحر:مش عارفه متاخده ومش عارفه مالي الحلقه التاسعه والاخيره ناما الزوجان وكانت هي شارده وهو يحس بشرودها هذا ثم استيقظ ليذهب لصلاه الفجر ف الجامع وكان هذا الو*د ينتظره ويريد ان ينكل به فغرز السكين ف بطن خالد وهرب وجري بعض الناس وراءه وبعضهم حملو خالد للمستشفي وهناك دخل عمليات فورا ....... وفي هذه الاثناء يجن جنون سحر فخالد لم يعد الي الان لا يتاخر هكذا ف الجامع ف*نزل مسرعه لتعلم الخبر وترتدي نقابها وتذهب للمشفي لتجده خرج من العمليات فتجري علي حجرته وتنزل علي الارض بجانب سريره الملقي عليه وتقبل يده وهي تبكي بحرقه سحر: ماتسبنيش ياخالد انا ماصدقت لقيتك انا بحبك ياخالد وماقدرش اعيش من غيرك يستقيق خالد ويسمع لها وبصوت هاديء رقيق:اخيرا نطقتي دا انا خلصت عليكي قصص الانبياء كلها سحرتفرح لسماع صوت خالد سحر:الحمد لله ياحبيبي ان ربنا نجاك ربنا يخليك ليا ولا يحرمنيش منك ياجوزي ياحبيبي ويذهب الجميع وهي لا تريد ان تغادر سحر :هفضل هنا تحت رجله لحد اما يطلع بالسلامه خالد :انتي مجنونه هتفضلي ف الارض سحر:ايوه انا مش منقوله من هنا لحد اما اخدك معايا البيت خالد:طب تعالي جمبي في مكان بدل مانزلك مانا مش هسيبك ع الارض سحر تذهب ف الفراغ المجاور لخالد وتنام بجواره علي ص*ره خالد:يعني جايه ف حضني دلوقتي ف المستشفي وانا بطني مفتوحه مانا قدامك بقالي سنه سحر:انا اسفه كنت هبله وع**طه وحماره بس لما تطلع هعوضك ومش هبعدك عن حضني ابدا وبعد فتره خرج خالد من المشفي وذهب منزله وهو مستند علي زوجته وهي تحتضنه من وسطه ولا تريد ان تفلته وتذهب به للسرير ليستلقي عليه وتنام بجواره علي ص*ره سحر:انا استغربتك لما قلتلي انا هاجي ف حضنك بمزاجي خالد:وانتي جايه وانا مفتوح بطني كده مانا كنت بحايلك سحر تنظر له نفس النظره خالد:لا ماتبوصيش كده طب والله ماهسيبك حتي لو اتفتحت الغرز ويبقي ذنبي ف رقبتك سحر:طب خلاص ياخالد خالد:مافيش خالد هي كبرت ف دماغي ويبدا الزوجان دنيا جديده بنفس منهجهم الذي انتهجاه من اول زواجهما يعينها ويساعدها خالد:احنا بقي ماقضيناش شهر عسل ولا حاجه انا هخدك اسبوع اسكندريه احنا الاتنين بس انا وانتي ولا حد يزعجنا ولا حاجه وفعلا يذهب الزوجين لتمضيه اسبوع عسل خالد:انتي فاكره لما كنتي بتقولي اني كنت بكرهك انا عمري ماكرهتك انا بحبك طول عمري وكنت بدعي ربنا يرزقني حبك والحمد لله استجاب دعائي سحر:امال كنت هاريني ف الطالعه والنازله تهزيء ماجتش تقولي بحبك ليه خالد:يعني كنتي هتحبيني لو قلتلك سحر:الصراحه لا انا ماكنتش بطيقك خالد:عشان كده كنت بحاول اغيرك يمكن كان اسلوبي فظ شويه وكان ممكن انصحك باللين بس معلش سحر:مين بقي فظ ده خالد:دا المكوجي اللي جمبينا قومي نامي ياسحر قفلتي الليله سحر:طب خلاص خلاص انت مابتسدق تخلع ولا ايه خالد :انا بخلع اما خليتك تستجيري سحر:مين بقي تستجير ده خالد:شكلك هتطلقي ف ليلتك اللي مش فايته دي ياسحر وهكذا يخلق الله من رحم المحنه منحه المقدمه لاتياس من تغيير من امامك فلعل الله يحدث بعد ذلك امرا الصابره المحتسبه الحلقه الاولي في احد احياء اسكندريه ماريا يسكن المعلم فاروق صاحب اكبر محل خضروات وفاكهه ويساعده ابنه مصطفي وباقي اخواته مصطفي شاب ملتزم ملتحي في بدايته ويتمني من الله زوجه ملتزمه منتقبه وفي نفس الشارع المعلم سحاب صاحب اكبر محل خضر وفاكهه ايضا ويساعده ابناءه وله بنت متبرجه تدعي سماح خريجه تجاره مثل مصطفي اكيد عرفتو بطلي قصتنا سماح ومصطفي يلا نشوف القصه من بدايتها ......... في القهوه .......................