Sebastian POV.
Halos mag-uumaga na nang tuluyang humupa ang putukan. Makapal pa rin ang amoy ng pulbura sa hangin.
Nagkalat ang mga basag na salamin, mga bakas ng bala, at mga katawan ng mga armadong kalabang hindi na muling makakabangon.
Tahimik akong nakaupo sa gilid ng pasilyo. Marahan kong pinunasan ang dugo sa gilid ng aking mukha. Hindi ko na alam kung alin doon ang dugo ko at alin ang sa mga taong nakalaban namin.
Ngunit isang larawan lamang ang paulit-ulit na bumabalik sa isip ko. Si Amanda a.k.a Victoria. Ang tunay na ina ni Alexandrea. Ang babaeng buong akala ko ay isa sa mga taong magdadala kay Alex sa mundong pilit kong iniiwasan. Siya talaga ag tunay na ina ni Alexandrea.
Nagkamali ako. Napakabigat ng naging pagkakamali ko. Nang sumiklab ang huling bugso ng putukan… Isang
