CHAPTER 71
THE MAFIA LADY BOSS
JOEMAR ANCHETA
Hindi siya mapakali habang natutulog si Leigh. Nasa kanya na kasi ang lahat ng dahilan at pagkakataon para hulihin si Leigh. Pwede na niya itong dalhin sa presinto at maikulong. Kaya na niya itong pigain para alamin ang lahat nitong nalalaman ngunit hirap siyang isakatuparan iyon. Bakit? Hindi dahil tulog at lasing lang ito kundi dahil sa kanyang nararamdaman. Hindi na niya nagagawa ang tama at dapat para sa kanyang sinumpaang trabaho. Bago pa man kasi nagtapat sa kanya si Leigh ng pag-ibig, ramdam niyang mahal na rin niya ito. Kawangis ng pagmamahal niya noon kay Mia. Kinokontrol lang niya ang kanyang damdamin. Iyon ang training sa kanya ng kanyang Daddy noon. Ang kumontrol sa alam niyang hindi tamang damdamin. Ngunit kahit anong laban ang
