بركان عهد✨ جزء الاول✨

الفصل الثالث

بركان عهد 3

سبحان الله وبحمده ✨ سبحان الله العظيم

✨✨✨✨✨✨✨✨✨✨✨✨

ريهام : انا اللي عاوزه اعرف ايه اللي حصل وانت مكلماني كنت كويسه.

كارمن : مش عارفه انا فعلا كنت كويسه بس خبطت في شخص وانا خارجه ومجرد ما لمسته قلبي كان هيقف ليه مش عارفه.

ريهام : بتتكلم بجد واهتمام وخوف وقلق يبقى نروح المستشفى يكون تبع مارك وكان في يده اي ماده سمه هي اللي عاملت فيكي كده انا لحظه كنت مفكره انك هتموتي.

كارمن : لا انا متاكده ان ما فيش حاجه صدقيني ممكن يكون بسبب الضغط اللي مريت به او عشان كتفي نزف مكان رصاصه من خبطت مارد ده فيا.

ريهام : مارد اين كان هو برده لازم اطمن واكشف عليكي بنفسي.

كارمن : لازم اختفي زمان مارك وبلاك وانا متاكده انهم هيقلبوا تركيا عليا ومش بعيد دنيا كلها.

ريهام : انا خلاص جهزت كل حاجه اخذت شقه ايجار ما حدش يقدر يوصلنا على الاقل لمده شهر وعلى ما نشوف هنعمل ايه والحمدلله انهم ما يعرفوش عني حاجة.

كارمن : شكرا يا حبيبتي تمام بسرعه عشان انا الجرح اللي في كتفي بدا يسخن.

ريهام : قربنا يا حبيبتي خلاص.

كارمن : انا مش عارفه اقولك ايه بصراحه اللي عملتيه معايا ماحدش يقدر يعمله ولا حتى اختي.

ريهام : عيب عليكي وراكي بنات بشنبات يا كبير.

كارمن : هتفضلي دمك عسل يا ريهام وحشتيني فعلا ووصلوا الشقه وداخلت ريهام جابت شنطتها الطبيه وكشفت عليها و غيرت على الجرح كده بقيتي فوله قوي وجاهزه للعرض كمان وبتضحك ارتاحي على ما احضر الاكل.

كارمن : بتضحك انا للعرض بكام طيب وبيضحكه شكرا انا فعلا هادخل اخد شاور لاني فعلا هموت من التعب وفعلا كل واحده دخلت تعمل اللي قالت عليه.

ريهام : خلصت الاكل يلا الاكل هيبرد تعالي شوفي عملتلك الملوخيه ورز والفراخ اللى بتحبيهم.

كارمن : خارجه من اوضتها شكرا الاكل تحفه انا هموت من الجوع وفعلا قعدوا ياكله بعد الاكل ريهام عملت الشاي وقاعد في الاوضه يتكلمه.

ريهام : نبدا الحكايه منين من اخرها ايه حكايه وجع قلبك ده انا كشفت عليكي ضغط كويس وما فيش اي حاجه عضويه وده ع** الحاله اللي شفتك عليها.

كارمن : صدقيني مش عارفه ايه اللي حصل انا كنت كويسه جدا لحد فعلا ما خطبت في المارد ده.

ريهام : غريبه وضمه حواجبها كان امور لدرجه دى يعني هو شكله اللي عمل فيك كده مثلا بتضحك عليها افهم كهرب قلبك.

كارمن : هو فعلا كان وسيم قوي لدرجه الهلاك جذاب لحد اللعنه حاجه كده عمري ما شفت زيها مش قادره انسي شكله ولا نظرت عيونه بمجرد ما لمسني ض*بات قلبي زادت واول ما بعدت عنه حسيت قلبي كان هيقف شعور غريب انا مش متخيله ان ده ممكن يحصل عشان كده بقول عليه مارد.

ريهام : كانت بتسمعها وهي في حاله زهول غريبه اوى الاحساس دن معقول كل ده من لمست ايد يا كارمن معقول تكوني وقعت في في عشق راجل من لمسه ايد سبحان الله.

كارمن : انتي بتقولي مش ممكن انتي اكيد مجنونه عشق ايه ما افتكرش طبعا ده حصل اكيد من كميه الض*ب اللي اخذتها من المتخلفين بلاك ومارك سيبك من كل ده يلا اديني حقنه مسكن عاوز انام لان بكره هاروح اجيب الفلوس اللي في حسابي كله عشان اكيد هيدوروا عليا بس عاوزه ابعد مكان اسحب منه لاني لو سحبت من هنا هيعرف انا فين وعاوزه يتوه وميعرفس مكاني عسان ابعده عني لابعد مكان علي قد ما اقدر .انا هروح اسحب من اسماعليه لانها بعيده عن القاهره وعلي مايفكر يوصل لقاهره اكون اختفيت.

ريهام: خليها يوم تاني عشان انا بكره عندي ثلاث عمليات مش هينفع اعتذر عنهم.

كارمن : مش هينفع يا حبيبتي انتي عارفه تاخير يوم واحد مش هيخليني اسحب وانا محتاجه فلوس و متاكده انه هيراقب الحساب بتاعي وهيجي يدور علىا اطمني يا قلبي انا هاكون هنا على طول ما تقلقيش روحي انت شغلك واحنا على الفون مع بعض.

ريهام : عارفه ايه الحلو فيكي يا بت يا كارمن بنت بلد كده وجدعه خلي بالك من نفسك تصبحي على خير يا اجمل كارمن في الدنيا.

كارمن : بتفكر في قاسم وابتسمت حطه ايدها على قلبها معقوله لسه موجوع وبتبص علي مكان قلبها بس تعرف ان وجعك خلاني انسى واجع الرصاصه والم جسمي وجعك له سحر غريب وراحت في النوم من غير ما تفكر في اللي حصل ولا اللي هيحصل بكره وده كان مخليها سعيده ومطمنه.

✨✨✨✨✨✨✨✨✨✨✨✨

في الطياره عند قاسم ويزين.

يزين : يا ابني طمني عليك مردتش تاكل ولا ترد عليا قاسم انا واخذ على انك جبل ما فيش حاجه بتهزك ايه اللي تغير وبعدين ولادك ربنا هو اللي يحفظهم لك.

قاسم : صدقني مش خايف على ولادي لاني استودعتهم عند ربنا وهو يحفظهم واللي مكتوب هنشوفه انا بس بافكر في العمليه .

يزين : مالك في حاجه تانيه هو انا لسه عرفك دلوقت يا قاسم طلعنا عمليات اصعب من دي كنا بنتعلم منك الصبر وتحمل ونفصل حياتنا الشخصيه بعيد عن الشغل في حاجه تانيه انا معرفهاش.

قاسم :لو سمحت بطل فلسفه لان فعلا مش فايق وغمض عيونه وشاف عيونها زي النور في ظلام دامس و شعرها النارى يلون النار بشرتها اللي شبه التلج وحط ايده على قلبه فضل يكلم نفسه في **ت اهدا بقى هو انت مراهق عمرك ما كنت كده بس انا ليه حاسس انها امتلكتك بس لا اكيد في حاجه غلط مش معقول نظره عين ولمست ايد تعمل فيا كده وفاق على صوت المضيفه بترحب بهم انهم وصلوا بالسلامه ولو سمحتم اربطوا حزام الامان بس كان يا زين نايم قاسم اصحي يا ابني وصلنا من زمان ووصلوا الشقه كان مستنيهم فيها الظل عشان معاه كل المعلومات المطلوبه.

يوسف : اهلا بيكم نورت تركيا ما فيش معكم حاجة حلوه مثلا حله محشي دكر بط شوربه كوارع اي حاجه من الحاجات دي هاموت يا جدعان على اكل مصر.

يزين : بيضحك لا يا خفيف ما فيش بس انا هاموت وانام.

قاسم : طول عمرك تافه فين الملف اللي فيه المعلومات.

يوسف : طيب قدامه ساعتين عشان تاكله تاخذه شاور عشان تراجعوا والمعلومات وهعرفكم هتوصلوا ل سالم ازاي لاني مارك كابوني قلب تركيا عشان بنت سالم مهران هربت منه وبلاك في نوبه جنون ودكتور اتر ينيمه وطبعا اللي ساعدها حارس شخصي بتاع بلاك تقريبا في حاجه بنهم.

قاسم : اتكلم بعصبيه جدا انت عارف يا يوسف شغلانه ما فهوش حاجه اسمها تقريبا يا في بينهم حاجه يا ما فيش.

يزين : اهدا يا قاسم امال هربها ليه اكيد في بينهم حاجه وخايف عليها.

قاسم : عاوز ادخل فيلا سالم مهران قبل تنفيذ العمليه لسبب في دماغك.

قاسم : بس دي رجاله مارك ما بيسيبوش الفيلا هيتجننوا علي الميكروفيلم.

قاسم : ملكش دعوه انت بس واكيد هيبقى في طريقه انا هادخل اخد شاور وننزل.

يزين: اه يا مفتري طب نرتاح شويه ننام او حتى نص ساعه ناكل اي حاجه .

يوسف : قاعد بيضحك عليه اعمل حسابك مش هياكلك ولا هينيمك الا لما يخلص العمليه.

يزين : امري الى الله مضطر استحمله هعمل ايه هدخل اخذ شاور وبعد ما خلصوا لبس ونزله مع يوسف ووصلوا فعلا قدام قصر سالم مهران ويبصه للقصر ولسه قاسم بيفكر هيدخل ازاي كان القصر عباره عن طاقه جهنم على الارض وانفجر مثل بركان.

يزين : كده سالم مهران مات و العمليه كلها فشلت ولسه هبدا من جديد وبيتكلم بياس.

قاسم : بصله وابتسم هو ده اللي هم عايزين يؤكدون ان سالم ماهران انه مات بس الحقيقه ان مارك كابوني ملقاش اللي بيدور عليه وطول ما هو مش قادر يوصل له عمره ما يقتل سالم واحنا لازم ننقذه منهم ونوصله قبل ما يقتلوه .

يوسف : الخريطه اللي هتقدر تدخل بها حصن مارك وظل رقم 2 هيساعدك جوه .

قاسم : يبقى انزل انت وخلي بالك لحد يشك فيك وبلغ الظل 2 اني عايز اشوفه.

يوسف : قول يا رب خير ان شاء الله بس لو حصل ليا حاجه امي واختي امانه فى رقبتك.

يزين : ان شاء الله خير وهنرجع مع بعض لا اله الا الله.

يوسف : ابتسم محمد رسول الله ونزل قاسم ويزين وصلوا قدام حصن مارك كابوني.

يزين: بيبص لقصر عنده فعلا حق يطلق عليه حصن ده ولا حصن نابليون هندخل ازاي.

قاسم : مسك الملف اللي فيه تفصيل العمليه هندخل ان شاء الله بس قدامنا 8 دقايق على ميعاد شفت تبديل الحراسه. يا بزين : استني ده باب القصر اتفتح في عربيه خارجه.

قاسم : لا دي مش عربيه ده اسطول عربيات يبقى مارك كابوني عرف حاجه عن المراه الناريه.

يزين : مين دي المراه الناريه.

قاسم : بنت سالم ماهران ده لقبها اللي اطلقوه عليها زعماء مافيا المهم مم معلومات اللي في الملف احنا لازم نتحرك قدامنا بالضبط عشر دقائق جوه القصر الدقيقه ال 11 هموت.

يزين : مفهوم خلي بالك من نفسك.

قاسم : ان شاء الله وفعلا نزل وتسلق سور من الجهه الخلفيه للقصر ودخل كان ما فيش حد لان كل الحرس خرجت مع مارك كابوني عشان يدور على كارمن وقاسم فعلا وصل لسالم قاسم بيشاور ل سالم بمعني اسكت.

سالم فهم وكانت حالته صعبه جدا مضروب برصاص في كل اطرافه.

قاسم : دخل ومن غير مقدمات فين الميكروفون.

سالم : يا قاسم اتاخرت قوي ليه كده منتظرك من ثلاثه ايام لانك طموح زى جدك .

قاسم : وانا جاي عشان ارجعك مصر ما هي اولي باولادها مش كده ولا ايه وخصوصا لما يكونوا خاينين زيك وباعوا وطنهم عشان الفلوس.

سالم بيضحك يا ريت بس للاسف ما فيش وقت ارجع معك بس الميكروفيلم مع بنتي في سلسله بتاعتها مع صوره امها في هيئه فص الماظ لونه احمر.

قاسم : بعصبيه انت لسه هتكذب قل فين لان ما فيش معي وقت وانت فاهم ده كويس.

سالم : بعصبيه انا باقولك الحقيقه وانا كنت عامل حسابي لو اختفيت او موت فجاه في ناس هتحمي كل المعلومات و الصور اللي تخص بنتي من يوم ما اتولدت لحد النهارده هي اصلا ملهاش وجود عشان انا عارف انهم لازم هيوصفها.

قاسم : مين قالك ان هم لسه ما وصلوش لها.

سالم : لو كانوا وصلوا لها كان زمانهم صفوني وطول ما هي مش معهم مش هيقدروا يقتلوني لاني على الاقل عارف اللي هم عايزينه وهي اكيد دلوقت خرجت من تركيا و انا دفعت للراجل من رجاله مارك عشان يهربها ويطلعها بره البلد باسم مستعار عشان ما حدش يوصل لها على الاقل تكون في امان وانا واثق انها تعرف تحمي نفسها.

قاسم : انا متفاهم وضعك بنتك سافرت فين واسمها المستعار ايه انت فاهماني لازم اوصلها قبلهم.

سالم : انا بس حددت المكان اللي تسافر فيه لكن اسمها ايه ما اعرفش انت عارف دي بتبقى حاجات بالصدفه وقبل ما تسالني سافرت فين مصر بس هي دكتوره ما اقدرش افيدك بقى اكثر من كده.

قاسم طيب اديني اسم الحارس اللي هربها. سالم : هو خالد هربها اختفى بعدها بنتي ما عدش ليها وجود على وش الارض وما تنساش دي بنت مصر لازم تحميها توصل لها قبلهم.

يزين : يكلم قاسم اطلع مارك رجع مع الحراسه قدامه 4 دقائق عشان تخرج.

قاسم : حظك حلو يا سالم اني لسه عاوزك في وسطهم وزرع اخر كاميرا عشان يسمع اللي بيقوله.

مارك : دخل لسالم و رافع المسدس عليه اين ا بنتك يا راجل سوف اقتلك متخيل لما تمحي وجودها كده انت بتحميها وض*بها رصاصه ثانيه في رجله و انت لازم تفهم بنتك دي انا اخليها تتمنى الموت وطلب من الحارس علقوه عشان يعرف يفتكر الميكروفيلم فين وبنته فين .

سالم : انا عارف انك ماتقدرش تقتلني عارف ليه عشان الميكروفيلم قصاد انك تبقى رئيس المافيا وتقعد مكاني عشان انت كده ما تقدرش وانا واثق رجالي هتوصلي وهخرج من هنا.

قاسم : كان وصل عند يزين وقعدوا يتف*ج ويسمع كل حاجه عن طريق اللاب توب الموصل بالكاميرات .

يزين : بص ل قاسم كده لازم نوصل لي بنت سالم مهرات قبل ما حد يوصلها بس ازاي كده الخطه كلها ملهاش لازمه سالم بقى كارت محروق.

قاسم : استني في حد جاي من الجهه الشرقيه للقصر بيجري.

يزين : استني وفتح الكاميرا اللي في غرفه المراقبه كانت فاضية يبقى هو اللي بيجري ورايح عند مارك كابوني و سالم.

قاسم : بسرعه حاول الكاميرا عليهم .

مارك كابوني : عشان كده هتقول غصب عنك انا عملت كل حاجه عشان اوصل للمكان دي وابق زعيم المافيا في الوطن العربي.

سالم : للاسف انت اضعف من انك تقعد على كرسي زي ده انت ابن عاهره.

وقبل ما رك يرد عليه كان دخل حارس وفصل ساكت

مارك كابوني : شاور للحاس انه يسكت وبص ل سالم عشان كده انا هخلي بنتك عبره للعاهرات انت بتعمل ايه هنا وبيشاور للحارس

الحارس : سيدى تم اخترق الجهاز الامني للقصر .

مارك كابوني : كيف ذالك وامر الحراس الواقفين خذوه ل طبيب عاوزه ما يموتش بس يفضل يتالم وسابهم وخرج.

قاسم : بسرعه امسح التسجيلات .

يزين : بحاول بس في حاجه غلط ايه مش عارف .

قاسم : مش انت عملت تيست اتصرف .

يزين : التسجيلات مش راضيه تتمسح يا قاسم بس اكيد عملوا حسابهم عشان يحافظ على التسجيلات.

قاسم : خلاص ارجع غرفه المراقبه بتاع مارك والحارس واقفين وكبره صوره قاسم خمس دقائق تعرفوا مين ده وفضل يلف وهو هيتجنن ارجع كده الاوضه السالم اكيد كان عنده.

الحارس : بعد ما يتحقق ورجع الكاميرات سيدى مارك تقدم كده شوف مين ده.

مارك : سمعت التسجيلات وعرف فاسم وكان يزين قطع التسجيلات قبل ما يعرف ان بنت سالم موجودة في مصر.

✨✨✨✨✨✨✨✨✨✨✨✨

في مصر فيلا عوني

خديجه : عشان خاطري يا نونو هم ساعتين بس اللي هقضيهم عند ريم.

ناهد : يا بنتي يا حبيبتي ما ينفعش قاسم ما حذرنا من انك تخرج وانتي عارف كده وانا ما اقدرش ا**ر كلمته اول مره اشوف الخوف والقلق في عيون ابني.

خديجه : معلش يا نونو هاروح وارجع بسرعه ادعيلي وعشان خاطري لو كلمك وسالك علي قوليله بحبه اوى.

ناهد : خلاص سيبيني افكر من هنا لبكره مش عيد الميلاد بكره سيبيني افكر وفي الخير يعمله ربنا.

✨✨✨✨✨✨✨✨✨✨✨✨

تعليقاتكم توقعاتكم رايكم دعمكم لروايه 20 كومنت عشان يوصل لكم باقي الاحداث بقلم /ياسمين الهجرسي