KINABUKASAN, hindi pinaalam ni Syrene kay Clint na pumunta siya ng Black Artists Agency upang pumirma ng kontrata. Ang buong akala nito ay wala siya sa set dahil hindi na siya sasali sa teleseryeng Chasing Destiny.
Hindi na siya pinauwi ni Ms. Pia, ang transgender na manager ng Black Artists. Pina-diretso na siya nito kay Dr. Belo para sa isang facial treatment at pinapunta rin siya sa isang dentista para mas lalo pang paputiin ang kanyang mga ngipin.
Pagkatapos, pinapunta naman siya nito sa isang acting workshop. Regular na raw ang session niya roon dahil kailangan niyang mahasa sa pag-a-acting. Usually raw, pinapa-workshop muna nila ang mga artists ng ilang buwan bago sinasabak sa project. Kaso nagustuhan ng production team si Syrene kaya nag-request ang mga ito na gawin na siyang reg
