“DO YOU want to go to a food park?” biglang tanong ni Clint sa katahimikan ng kotse.
Kumalas si Syrene sa pagkakayakap dito. “Ngayon?”
Ngumiti ang binata at tumango. “Yes, now.”
“Ang daming tao sa mga food park. Pagkakaguluhan ka,” angal niya.
Kinurot siya nito sa pisngi. “Kaya nga doon tayo pupunta. Walang mag-e-expect na may artistang makikipagsiksikan sa ganoong lugar.”
“Mag-di-disguise ka?” Nakataas ang isang kilay na tanong niya.
Tumawa ito. “Why not? I’m an actor, after all. Siguro naman kaya kong magsuot ng kahit na anong disguise.”
“Pero wala naman tayong gamit dito.”
Kumindat ang binata. “Ako ang bahala.”
Tinawagan ni Clint si Kurt at pinapunta sa kinaroroonan nila ang trailer van nito at pinadala rin ng ibang props and costumes ang assistant.
Ilang minuto lamang sil
