MALAMIG ang mga mata ni Clint na nakatingin kay Syrene. Halatang hindi nito nagustuhan ang sinabi niya.
Itinaas niya ang noo habang matapang na sinasalubong ang tingin nito galing sa driver’s seat. “Two years na kayong magka-loveteam. May tinatago ba kayong relasyon?”
Napamura si Clint. “What the heck are you even saying?!”
Kinuyom ng dalaga ang dalawang kamao. Ayaw niyang magpa-intimtidate.
“Bakit takot na takot kayong dalawa na lumipat ako kay Ms. Ynez? Sabi ni Ms. Ynez gusto niyang i-build-up ang career ko. Gusto niyang gawin din akong superstar kagaya kay Jane. Pero heto’t nagsumbong pa si Jane sa ‘yo. Ano ba ang ikinakatakot niya kung lumipat ako sa agency nila?”
Nagmura ulit ng malakas ang binata sabay labas ng kotse. Lumipat ito sa passenger’s seat. Napasinghap pa si Syrene n
