Leo's Point Of View
Kadarating lang namin ni Wesley sa resthouse niya. Iniharap sa akin ang kabit ni Papa.
Nakatitig ako sa mukha ni Erlinda Victorino ngayon, hindi ko alam ang magiging reaction ko sa nakikita ko. Sunog ang kalahati ng mukha niya. "S-Si Papa ba ang gumawa niyan sa inyo?"
Marahan itong tumango, may ilang butil ng luha ang pumatak mula sa mga mata nito saka yumuko. Inakbayan ito ni Hannah para pakalmahin.
"A-Ano po ang nangyari?"
"Tinakot ako ng Papa mo na ibubunyag ang pagkatao ko sa pamilya ko kung hindi ako papayag na maging parausan niya. Noong gabing napatay ang Mama mo ay ang huling beses na sanang pakikipagtagpo ko kay Romeo, wala na akong pakialam na malaman ng asawa ko ang tungkol sa nakaraan ko. Hindi ko na kayang sumiping pa sa Ama mo." Nagpahid ng luha ito b
