Nandito si Pablo ngayon sa labas ng mansiyon ng mga Argos.
Kahapon lang ay palihim niyang sinundan ang asawa ni Luna na siya yatang namamahala sa toy factory na kailan lang ay sinubukang sunugin ng lalaking nagngangalang Arnulfo Argos. At kagaya ng dati, mukhang abala pa rin ang mga asawa ni Luna sa paghahanap dito.
Mahigpit ang seguridad papasok pa lang sa subdivision na kinatatayuan ng mansiyon ng mga Argos pero salamat sa trabaho niya bilang food delivery rider at nakapasok siya sa subdivision na iyon nang hindi nahihirapan. Pinili talaga niyang kunin ‘yong order sa loob ng subdivision na iyon para makita mismo ng mga mata niya kung saan nakatira ang mga asawa ni Luna, at magkaroon ng ideya kung ano ang naging buhay ni Luna sa mga nakaraang taon.
Tumigil muna siya sa gilid ng kalsada
