Nagising si Luna sa isang hindi pamilyar na silid. Nakabibinging katahimikan din ang sumalubong sa kanya habang dahan-dahan niyang iginagala ang pangingin niya sa paligid mula sa puting kisame.
Napakurap-kurap pa siya nang makita ang isang lalaking nakayukyok ang ulo sa gilid ng kama niya habang nakaupo ito sa isang upuan sa tabi ng kama. Hawak-hawak din nito ang kamay niya. At kahit hindi niya nakikita ang mukha nito ay kilalang-kilala na niya ang katawan nito.
Jayvee??
Kasunod noon ay agad ding nahagip ng mga mata niya ang lalaking nakaupo sa sofa ng kwartong iyon habang nakasandal ang ulo at nakapikit ang mga mata. Naaaninag pa niya mula sa kinaroroonan niya ang maliit na nunal nito sa baba ng leeg nito dahil bahagya itong nakatingala.
Jaycee??
Saka lang bumalik sa alaala niya a
