Isang linggo na ang nakakalipas simula nang huling makita ni Alaysha si Dylan. Isang linggo na din ang nakakalipas nang huli itong mag-text sa kanya, ni hindi na nga ito nag-reply sa kanya nang tanungin niya ito kung saan ito.
Gusto niya itong tawagan pero pinipigilan niya lang ang sarili dahil ayaw niyang maging matanong dito at baka makulitan ito sa kanya.
Kinaumagahan nang makapasok siya sa trabaho ay nakita niya si Dylan na kakapasok lang. Gusto niyang tawagin ang binata sa pangalan nito pero natigilan siya nang ma-realize na nasa opisina pala sila at maraming tao. Ano na lang ang iisipin ng mga ito kapag tinawag niya sa pangalan ang boss nila?
Itinikom na lang niya ang bibig at pinigilan na tawagin ang binata. Mamaya na lang niya ito kakausapin basta ang mahalaga sa kanya ngayon a
