Nang matapos ang tatlong araw na leave ni Alaysha ay bumalik na siya ulit sa trabaho. Walang kaalam-alam ang mga kasama niya sa totoong nangyari dahil ang sinabi niya lang ay nagkasakit siya, pero syempre alam ng dalawa niyang kaibigan ang totoong nangyari sa kanya, sinabi niya kasi sa mga ito.
Baka mamaya ay bigla siyang mawalan ng buhok kapag naglihim siya sa dalawa at nalaman nito sa ibang tao ang nangyari sa kanya. War freak pa naman ang mga ito. Magtatampo na naman kasi naglihim siya.
“Kumusta ka na, Lay?” tanong ni Nicole nang makaupo sa siya. “Hindi ka ba naman binabangungot dahil sa nangyari sa ‘yo?”
Sa makalipas na tatlong araw na hindi siya pumasok ay tuwing hapon pagkatapos ng trabaho ng mga kaibigan niya ay dinadalaw siya ng mga ito sa apartment niya, nagdadala ng mga pagka
