Ibinigay ni Alaysha ang letter na natanggap niya kagabi na kasama ng pagkain. Hindi siya nagsalita at hinintay niya lang kung ano ang sasabihin ng binata. Alam niyang pinoprotektahan lang siya ng binata pero ayaw niyang wala siyang alam sa nangyayari lalo na’t buhay niya ito.
“Hindi talaga siya titigil,” rinig niyang bulong nito.
“Sino?”
Napailing ito at saka pinunit ang papel. “Wala. Don’t mind this. Gagawa ako ng paraan para hindi na talaga ito maulit sa 'yo. Kung kailangan lagyan kita ng bodyguard ay gagawin ko para lang hindi na siya makalapit sa ‘yo.”
Papaandarin na sana nito ang sasakyan nang pigilan niya ito. “Ano ba talagang nangyayari, Dylan? Sabihin mo nga sa akin ang totoo. Sino ba talaga itong stalker na ito at bakit pa kailangan ng bodyguard? I don’t need those.”
“Hindi m
