“A-Anong ibig sabihin nito, Robert?” kinakabahan na tanong ni Alaysha habang nakatingin sa patalim na itinutok nito sa kanya.
Seninyasan siya nito na umatras papasok gamit ang patalim na hawak nito. Hindi niya inaasahan na dadating sa punto na tutukan siya nito ng patalim. Umatras siya papasok ng apartment dahil natatakot siya na baka kapag hindi siya sumunod ay bigla siya nitong saksakin.
Ayaw pa niyang mamatay ngayon. Hindi pa siya nakakapag-asawa at nagkakaroon ng sariling anak. Kilala niya ang dating nobyo pero sa pagkakataong ito ay hindi na niya nakikita sa lalaking kaharap ngayon ang lalaking minahal niya noon.
“Ilang beses akong nagmakaawa sa ‘yo na balikan mo ako, pero nagmatigas ka. Ilang beses mo akong binasted. Paulit-ulit, Alaysha. Nag-e-effort naman ako, ah,” sabi nito hab
