PERO SADYANG TINATAMAAN talaga ng antok si Lou kaya isinusubsob muna niya ang kanyang ulo sa ibabaw ng kanyang desk. Iiglip muna siya habang wala pa ang next class nila.
Hindi na alam ni Lou kung gaano na siyang katagal na nakapikit nang maramdaman niyang parang may tumabi sa kanya. Bahagya niyang dinilat ang kanyang mga mata, at nakita niya sa kanyang tabi si Taru.
Nakangiting nakasalung-baba pa ito. Parang sinasadya pa ng pagkakataon dahil bahagyang umihip ang hangin sa paligid.
Lihim na napalunok si Lou nang marahang hawiin ni Taru ang ilang buhok niyang humarang sa kanyang mukha. At doon, para siyang nakaramdam ng konting kuryente nang sumayad ang dulo ng daliri nito sa kanyang pisngi, "Panaginip lang ba ito? Kung isa itong panaginip, sana ay hindi muna ako magising," bulong niya
