"H-HINDI PO GAANO," pagsisinungaling ni Lou pero ang totoo ay napakalinaw pa rin sa kanyang alaala ang mga pinagsamahan nila ni Taru.
"Magandang sensyales na may naaalala ka," ngumiti naman si Mr. Richard, "I have to go na. May urgent meeting kami ni Attorney Lopez." Pagpapaalam na nito.
Para naman naistatwa si Lou nang nakuha siyang yakapin ng lalaki bilang pagpapaalam sa kanya. Isang yakap ng isang ama na hindi niya naranasan sa tanang buhay niya. Masasabi niyang napakaswerte ni Aya, sa kabila ng kasikatan nito ay kompleto rin ang pamilya nito.
"Aalis na rin ako, honey!" Pagpapaalam na rin ni Mrs. Amanda at nagawa rin nitong yakapin si Lou, "Mamaya pang hapon ang dating rito ng mga P.A. mo para tulungan ka sa pag-aasikaso for dinner. Sundin mo ang binilin sa'yo ng Daddy mo. Dito ka n
