Hindi kayo pwedeng mamili ng oras kung kelan lang kayo gustong makipaglaban." Seryosong saad ni Lucas.
Napatingin sa kaniya ang mga kasama maging si Carson. Lumalalim na ang gabi at dahil sa putek na nasa kani-kanilang mga katawan ay minabuti na lang muna nilang magpahinga sa isang bahay.
May tao rito. Nasa bukid sila kaya alam ni Carson na alam ng buntis na babaeng 'to kung sino at ano sila.
"Ano po ang gusto ninyong kainin, sir?" Pagtatanong nito sa kanila.
Bakas sa mga mata nito ang takot at ayaw nitong magtama ang mga mata nito sa kahit sino sa kanila. Pansin n'ya ang pagiging aligaga nito. Nasa tabi naman nito ang lalake na sa tingin n'ya ay asawa nito.
"Kape na lang muna," sagot ni Herman.
Malawak na ngumiti ang babae at saka tumango, "sige po. Ipagtitimpla po namin kayo,
