LIGAYA'S POV:
--
ISANG linggong pahinga ang ibinigay sa akin ni Sir Asher na siyang pinagsisihan ko dahil hindi naman pahinga ang nagawa ko nang magdala ng lalaki si Ivy sa apartment namin. Halos gusto na naming umalis ni Joan para bigyan ng privacy ang dalawa kaso saan naman ako pupunta kung hindi ko nga maigalaw ang katawan ko nang walang tulong?
Si Joan rin ang nag-aasikaso sa akin pagkatapos nito sa trabaho at nahihiya na rin ako sa kanya kaso hindi nga ako makakilos dahil sa balakang kong namamaga. Tuluyan na rin palang tinanggal si Mira at galit na galit si Grace sa kanya.
Gusto pa nga akong iganti ni Grace kaso sabi ko hayaan na lang niya ito lalo na't hindi naman ako ang nagpatanggal sa kanya kundi ang sarili niya mismo. At tungkol naman kay June, same lang din ang pakikitungo
