“Nakita mo na ang resulta, Miss Reyna? Hindi masyadong tumabo sa takilya ang ginawa mong kwento hindi katulad ng mga nakaraang pelikula na ginawa ko! Kaya lang maraming nanood dahil kilala akong direktor at kilala ang mga artista na gumanap. Pero ang totoo, walang kakaiba sa kwento kaya hindi masyadong nag-ingay sa media!” ang galit na galit na sermon ng direktor na maniac.
Pinapagalitan niya ako gayong sigurado ako na malaki pa rin ang kinita niya.
“Huwag mo akong sermunan na parang wala kang kinita sa kwento ko!” laban ko naman.
“Hindi kita ang usapan dito, Miss Reyna! Kredebilidad ang usapan dito at hindi pera! Palibhasa ay wala kang ganun kaya ganyan ka mag-isip! Wala ka ba talagang utak? Paano bang nanalo ang entry mo sa contest? Parang ayoko ng maniwala na ikaw ang gumawa ng kweto
