هالة بارت ٦ و ٧

3367 Words

#دخيله_بنت_الشيوخ بارت 6 بقلمي نورا ناصر .. ظليت ارفس وكدرت املص ايدي منه واحطها على حلكه وادفعه وخر شبيك تخبلت .. هو رأسا وخر مني اريد اطلع من المطبخ صار كدامي كال خل نحجي .. شنحجي هو انت خليت حجي لك انت اريد اكمل كلامي سد حلكي ولزم اثنين اديه همس بأذني انه اريد اختبرج وانت فزتي بالاختبار من كد حوستي دفعته مره ثانيه گتله يااختبار هذا .. انه ردت اختبرج واشوفج تنطين مجال لو لا وانت نجحتي وانه رايدج ع سنة الله ورسوله شتقصد اريد اتزوجج شبيج منو كلك اريد اتزوج ليش ماتتزوجين مااريد اريد ابقى السجاد .. سجاد مات وانه السبب بموته ولازم اعاقب روحي شون يهون عليه اتزوج وهو مات مكتول بسببي من رخصتك اروح انام بعد لاتتقربلي الله يخليك .. رحت للغرفه ارجف وابجي خليت روحي بموقف لااحسد عليه .. شسويت بحالي انه كله من اديه هذا الشيخ شون ويا رحت لايلول خليته بحضني بقبت حاضنته وابجي على بجاي كعد ام تمار هم زين ماتسمع ابجي براحتي .. صرت اقضي ايامي بالحسره والندم البجي والالم ياكل ويشرب ويايه صرت اتجنب تمار من يجي اختل عنه .. بس هو بحجة يشوف امه ويدخل غفل للغرفه .. مره جنت بالغرفه. .. ايلول قرب يصير عمره سنه طب تمار بحجة يشوف امه كلش جانت فد نوب تعبانه وتهذي حتى ايلول من وراها ميكدر ينام جنت شايلته وافتر بي من طب تمار راسا راح لامه بوسها واجه يمي انه ابتعدت عنه .. كال جيبي ابني خل اشوفه مو ابنك هذا ابن سجاد سجاد هه بيش الكيلو .. هذا ابني وبأسمي جيبي يله اخذه مني كوه وطلع بي انه متت خوف عليه وخاصة ايلول كله عندي مااخلي احد ياخذه طلعت وره شفت حمديه كتلها تمار وين خذ ايلول على كيفج خيه على كيفج خو ماراح ياكله هنا تلكينه يلعبه بالحديقه خوش رحت للحديقه شفته صدك جاي يلعبه رحت يمه كتله اريد اوكله جيبه هاله يمته راسج يليين .. شتقصد شيخ تعرفين كلش زين شقصد كتلج اريد اتزوجج ماكافياتك نسوان اثنين عندك اريدج انتي انه الواحد بس يتانيني بالجنه سجاد وبس ههه منو يكول يريدج بعد ماخليتي وراج وانت ليش تريدني اريدج وبس وراسج هذا انه اعرف شون اللينه ومايبقى يابس طبع البدن مايغيره بس الجفن وانه هذا طبعي مايتغير زين لعد تتحديني مااتحداك بس انه مااريد اتزوج انطيني ابني الله يخليك لاتنسين هذا مو ابنج ابني وابن حمديه خليهه ترجيه بذانج هي تقربت منه ارجف اخاف منه كلش مااريد اطخ بي غصبا عليه اريد اخذ ايلول خذيته ورحت تلكتني صفيه تباوعلي مدري شلون عفتها وطبيت مالي خلكها محتاره بروحي وادعي الله يقويني اداري ابني طبيت للغرفه افكر بكلامه لو باقي ايلول .. بدون جنسيه احسن ولاياخذه مني تمار ... ظليت ارسم خطه ابالي انهزم واطلع منا صارلي كوومه ماطالعه من جيت من اهلي حتى من جبت جابولي جده للبيت جيبتني وين اخذ ابني واروح وين اولي هذا تمار ماراح يفك مني .. بس وين اروح لازم انتظر بعد مرت ايام الشيخ ينشغل واجت ايام تمرضت بيهه صفيه .. وظل هو يداريهه وابتعد عني بعدها امه ماتت وهم انشغل بالفاتحه .. صارت سنة التسعين والعراق اوضاعه مو زينه غزو الكويت وحرب التسعين عشنه رعب وخوف والصواريخ فوكانه احضن ايلول وميته خوف عليه وافكر باهلي مادري عنهم شي صرت اعيش اتحسر اشم خبرر عنهم خلصت الحرب والناس اتنفست شويه .. صار عمر ايلول 3سنوات اخذه الكلبي واحضنه ليلي كله كوابيس احلم باخواني لاكيني وكاتليني اكعد مخروعه .. حمديه وصفيه بعد ماخلفن الشيخ ماظل يريد خلفه بس بعد ماشاف ايلول كبر صارت روحه بي مره جنت كاعده بالحديقه وايلول يمي يلعب اجت حمديه كالت الشيخ يريد الولد .. كتلها ليش يمعوده شنو ليش وليش جيبي خذته وراحت مشيت وراها .. وهي شايله ايلول .. ودته للديوان انطته للشيخ .. وطلعت خذاه يبوس بي رحت يمه كتله وين امودي ابني واريد اخذه افصله هدوم على كده والناس كلها تسالني وين ابنك ماتطلعه وياك هذا مو ابنك ابن سجاد لزم ايدي عصرها كال وهو قريب مني ذيج الفتره جنت ملتهي عنج .. لاعبالج نسيتج تره ناوي ا**ر راسج مو بس اللينه .. انه ظليت ارجف .. هو خذه ايلول وطلع رحت ابجي وياريته يفيده .. باوعت للمرايه شصاير بيه وهو اشاف مني حتى يريدني .. انه كلش ذبلانه اووف شسويت بعمري غصه جوه قلبي وروحي ماتروح اله بموتي انه مااستاهل اعيش ولاايلول يستاهلني اصير اله ام ياتره اذا كبر راح يتقبلني على الي سويته اخخخ شكد بعد باقيلي درب طويل وعر وصعب هي بس البدايه كلام الشيخ اليوم قلقني كلش لليل جنت بالطرمه انتظرهم اجه بالسياره نزل هو وايلول لابس ملابس زي عربي على كده غتره ودشداشه وعكال وبشت يخبلن عليه هو ابيض ومدنفش .. اجه يركض الي حضنته بوسته فرحت بي والفرح ناقص اتقرب مني الشيخ كال شبيج اشوفج ذبلانه جريت نفس .. كتله ماكو لااكو انطيني فرصه اوخر عنج الذبول هذا .. انه هيج مرتاحه مايحتاج بس انه مامرتاح واذا ماخذيته بالرضا اخذه بالغصب شنو ه اي شي انه اريد وانت واحد من هالشي الي اريده . . انه ماافيدك لاروح ولاجسد روحي السجاد وجسدي هم وخلصني ابني وسجلته باسمك وصار يصيحلك بابا ومقتنع هو ابو انت وهذا رد الجميلك وياي ماعندي بعد اي شي انطيكيا .. ميخالف هاله انه وانت والزمن طويل .. عفته وطبيت خذيت ابني الحضني ماادري محتاره واهس الدنيا كلها طلع مني تعبت مليت اريد اعرف نهايتي شنو .. تمر الايام والاشهر وتتبدل الاحوال اله حالي انه مايتغير ولاراح يتغير بيوم ..ماادري يتغير يمر اليوم بين الشغل والركض وره ايلول لان وكح ويحب يطب منا ويطلع منا والبيت جبير .. حمديه لازمه الطبخ .. وصفيه اغلب وكتها يالازمه الديرم وتفرك سنونهه ياتلطش بهالحنه براسها واديهه ورجليها واذا فرغت من روحها تسوي حلاوة شعريه محلبي ومن هالشغلات باقي الشغل علينه انه والبنات التنضيف والماعين وغسل الهدوم الي بالبيت هم نسوان الشيخ وبناتهم واخوانه اثنين .. متزوجين ونسوانهم بعدها كلمن عزل وحده من ماتت الحجيه بقيت انه ويا نسوان الشيخ جابتلي حمديه هدوم مثل كل مره كالت وصاني الشيخ اجيبهم الج كتلها خليهم يمج انه جنت اللبس كلابيه طويله .. ورداناتهه طويله وبيهه لاستيك بالردن من اشتغل اشكلها اغلب هدومي هيج هي حمديه تجيبلي قماشات على ذوقها انه اكللهه اريدهم سود .. وتاخذهم تخيطهم نومت ايلول .. ورحت فتحت العلاكه وطلعتهم شفتهم الوان مو سود .. خذيتهم ورحت ادور حمديه .. شفتها بالمطبخ كتلهه حمديه هذول الوان وانه ماالبس الوان ياخيه ياام ايلول انه شعليه هو الشيخ اشتراهم صخام وهو مايستحي يشتريلي شنو انه اله حتى يشتريلي .. انت تدرين بي يريدج وتره الشيخ تمار اذا خلاج اباله مايفك بعد انه اكلج تره واحنه جاي نحجي طبت صفيه .. شنو شنو ولج والله وهو الله ماتعرفيني ديري بالج بعدها مامكمله حجيهه سكتت كتلهاا هيييي انطمري ولاتكملين وشمرت عليهه القماشات .. اخذيهن الج وهاا تره رجلج مااريده ولو عندي مكان ثاني اروح اولي بس ماكو ماعندي لايروح بالج بعيد ومو انه الي تهدديني .. وخليتها ورحت .. صار الليل .. اندكت عليه الباب .. انه اقفلها كمت وكفت يم الباب وصحت منو فتحيهه انه الشيخ تمار شيخ احجي انه اكدر اسمعك منا خوش هاله يعني ماتفتحينهه وتعاندين زين انه اراويج منو شيخ تمار امري لله لبست فوطتي وفتحت الباب اريد اشوفه شيريد .. طلعت يم الباب شفته واكف ومخنزر عيونه ولابس كلبيته وبيده علاكه كتله خيرك شيخ تره انه حرمه غريبه مايصير جايلي بنص الليل .. شمر عليه العلاكه هسه ب9مو نص الليل وهذول ملاتج شيسوون يم صفيه مااريدهم شيخ انه لبسي الاسود اتقرب مني ورفع صبعه يهدد سمعي هاله للجمعه حدج راح اجيب سيد يعقد النه انه وياج و غصبا عليج توافقين افتهمتي ماتكدر تجبرني انه بت شيوخ هه ضحكتيني وينهم الشيوخ هسه بعدهم شيوخ لو راسهم بالطين من وراج المهم حذرتج الجمعه انت الي مفهووم راح وانه دخلت للغرفه .. لو تطلع براسك نخله مااقبل بيك خاب ولي .. خليت راسي ع المخده وافكر بي شيسوي بالله .. يوم الثاني الصبح كعدت واللتمينا بالمطبخ .. طبت صفيه اخر وحده وصفحة خدهه حمره كالت صباح الخير وتخزر بيه .. كملنه الريوك ودته حمديه وكعدنا نتريك .. الشيخ يكعد باول السفره. .. اول ماطبيت انه وايلول لازمته من ايده وامشي كال تمار تعال ايلول اكعد يمي ويباوعلي .. ترك ايدي ايلول وراح كعد يمه .. صفيه خانسه .. ماتحجي كلتلهه لكمتين وكامت .. تريد تطلع من الهول صاح عليها الشيخ كللها كعدي صفيه كلتله شبعت شيخ كللهه كعدي كملي اكل .. كعدت تنبش بالاكل .. علما اكلنا وخلصنا جنهه صفيه زعلانه .. كامت ركض طلعت من الهول ماشالت ولاماعون ظلينه انه والبنات نلملم السفره .حمديه راحت ع الطبخ. بقه اخر ماعون اريد اشيله كال انطي لرقيه (بنته) وتعاي كعدي يم ايلول عرفت راح يحجي حجيه الماصخ مثل كل مره تحسرت حسره جبيره مسموعه وكعدت .. صار ايلول بيناتنه .. سحبني من ايدي صرت وره ايلول وهو يباوعلي .. كلي تتحسرين مو ولج انه سويتلج قيمه انت عار وخليتج ابين اهلي وياهو اليجي اكله كرايب امي من بعيد ومالها احد اتعارك ويا خواني من وراج يكلولي ليش خال حرمه غريبه ابيتك وطلعتهم حتى لحد يباوعلج بعد مارجعوا من الجبهه وخلصت الحرب ابنج تبنيته .. وسجلته باسمي وكدام الكل هو ابن الشيخ تمار .. ترفضيني هين ياهاله انت اعلمج حدج للجمعه وبعد اربع ايام ... وانت كيفج بعد خمطت ايلول بسرعه من يمه عصبت هو هم كام ولزمني من ركبتي من وره كال على كيفج ويا ومخنزر عيونه كتله وخر عني انت ماملكتني ولا ملكت ابني ماكو وحده كبلج حاجتني هيج انه اعلمج مو كتلج سهله ويهز براسه فلتت روحي منه وايلول صافن علينه وطلعت كل لشتي ترجف واحضن ايلول بقوه وهو يصرخ عورته .. انه قافله وهو قافل متخبل وانه اكثر خبال منه علما هدأت رحت خليت ايلول يم البنات وكمت على الشغل .. رحت يم حمديه جاي تحمس الشيخ يريد الغدا وكت الماعين تارسات المطبخ بلشت اغسلهن .. تدنت يمي حمديه تهمس بذاني اكلج كتلهه هاا كالت اليوم ماكو عرموط حلاوة شعريه محلبيه كتلها شتقصدين صفيه ماكلتلهه كتله البارحه يوو لييش الشيخ شايف عدها قماشاتج وكاتلها منو كلج هي كلتلي توهه وكالت مالها خلك راح تسوي روحها مريضه الحد ماا يراضيها الشيخ ويراضيها هو ههه منين هي تروح تدحس روحها بي لو تظل سنه مايقلدهه هاا كمل اليوم والايام الوراه واجه يوم الخميس بالليل هم اجه حاجاني بعدج قافله بعدك ماتعرفني شلون من اقفل اقفل باجر عندي الج مفاجاه .. ويفرك بيديه وراح يوم الجمعه الصبح الوكت جان حار بشهر الخامس .. الساعه ب 6الصبح كعدت على دكت الباب فتحتها الشيخ هاا ماتغيرين رايج انت شبيك جاي اكلك مااريدك هي كوه بعلو صوتي جرجرني من ايدي بقوه وصعدني بالسياره وره وصعد وياي. . وانه اصيح وين موديني انطيني ابني طلع سجينه وخلاها على ركبتي حركت السياره كلي ها جنتي خايفه من اهلج لايذ*حوج .. اكليهه هسه متت خوف بساعتها .. وفكري يم ابني ووين موديني السياره تمشي والطريق ريفي كصيف وانا للمره ومو الاولى بدرب المجهول وماادري وين مبعدني عن ابني .. وشناوي يسوي بيه .. طول الطريق ابجي شكد كرهته انه قريبه عليه كلش اتمنيت اخذ سجينته ادخلها بگلبه واموته واخلص منه كلبي وروحي انترست غيظ وكره وحقد علي وصلنه بعد مسافه ماجانت كلش طويله نزلني سحل من السياره جان اكو طوفه من طين وباب جينكو دفره وطبيني مزرعه جبيره كلش مليانه نخل وزرع مشينه مسافه .. وانه احاجي هو مايجاوب اكله وين موديني بس يكلي اشش سكتي بخزر ونتر وصلنه لغرفه من بلوك .. شمرني بالكاع بعد ماجان لازمني من ايدي وفتح الباب مقفول .. جان وكال كومي طبي انه كاعده على الكاع وابجي واعضض بصابيعي .. مدري ندم مدري قهر بس شعور بالذله هذا الشعور الوحيد .. مسيطر عليه طبيت من لاجاره .. بس خايفه منه خفت لايطب وياي وياذيني بس الحمدلله هالشي ماصار لان بعد ماطبيت طلع وسد الباب و قفله ... كعدت بالكاع ابجي هنا راح انسجن اظاهر وهي زنزانتي .. شسويتي بيه يادنيه انت مو بس جريتي اذني لا وكصيتيهه بعد اخ ايلول يمه وليدي اريده ليش يحرمني منه كمت ادك ع الباب واصيح انطيني ابني حرام عليك ياظالم حرام عليك بجيت وكعدت بالكاع انكطع نفسي اختنكنت بعد ساعات بجي كضيتهه اعض اصابعي ندم ولو اكلهن اكل مايفيدني بشي فقدت رغبتي بالحياة تمنيت الموت بلحظه وحده وينتهي كل شي .. المي دموعي خوفي ندمي اخطائي حياتي كلها بقيت ساعه اكوم افتر ساعه اكعد وابجي ساعه انام من الالم والقهر واليوم بده يخلص .. وانه على هالحال وصلت المرحله خلص كل شي حتى دموعي ماالها رغبه تنزل يمكن ملت مني مدري انه ايست واستسلمت للوضع الجديد الي لحد هسه مااعرف تفاصيله. . باوعت للغرفه .. ملبوخه من جوه ومصبوغه بابيض بس مو كلش عدل صبغ خفيف ويبين جواته .. البخ مال الاسمنت بيها ضوه اصفر ورف خشبي مدكوك بالحايط وعلي فانوس .. ويمه شخاطه .. مفروشه بحصران وبيهه مندر واحد وبنكه .. شفت باب زغير داخل الغرفه رحت فتحته شفته حمام طلعت للغرفه مره ثانيه شفت بعد اكو شباج ... وعلي برده فتحتها شفت كبالي بيت طين وحبل وعليه هدوم مشرورات يعني انه مو وحدي هنا بهالمزرعه .. اكو عالم غيري بس اكيد مو مثل حظي ... وغبائي بينما انه كاعده والدنيه بلشت تصير ليل اندك الشباج ترددت افتحها لو لا .. تالي سمعت صوت مره تصيح خيه فتحي من بين كل يأسي والمي فتحته لكيت مره سمره عدهه رصعات .. وجهه مبين تعبان بش شاف*ني ضحكت وبينت رصعاتهه .. عبرتلي من بين حدايد الشباج صحن زغير بي جم وصلة بيذنجان وطماطه نيه مكصصه .. وخبزه كالت الشيخ وصاني اجيبلج اكل بس انه سليمه نسيت .. هزيت براسي وخذيت منها الصحن .. راحت سديت الشباج وراها .. كترته على صفحه .. وكعدت وافكر بايلول هسه جاي يسوي هم يبجي عليه هم يريدني ياربي شسوي شيفيد البجي ولاشي .. وينها گوتج هاله ومعقوله هي قوه لا هذا ضعف لان انه مااكدر اخلص نفسي من مشاكلي معناهه ضعف .. لو موافقه علي ومرمرته جان هسه انه ماانحرمت من وليدي رفعت راسي ليفوك وابجي اخخ سامحني سجاد سامحني ماكدرت احتفظ بابنك ياتره هم يسامحني سجاد .. خليته وراي يموت وانه نهبت .. ليش انه هسه عايشه اصلا بس جسد باقي روحي ماتت من زمان .. هنا مرت الايام جنت شبه مسجونه لابل سجن ماجنت اريد شي من الدنيا بس يرجعلي ابني انحب وابجي وادك والطم من لاجاره جانت المره .. تجي جيبلي اكل من الشباج لو اكله لو يظل .. دكت الباب مثل كل يوم .. فتحت الشباج ضحكتلي وجهه متعوب ومبينه شايفه ظيم الدنيا كلها بس وجهه يضحك .. كالت هذا جبتلج اكل هالمره بتيته خاف مليتي من بيذنجان الشيخ موصينه عليج عذريني مرات الهه ويا بتي لا عادي بس انه ماكليت رجعي من اجوع اصيح عليج يمعوده اكلي هم الناس لاكين اكل ياكلون ليش ؟! ظلت تاكل بالبتيته وتحجي يمعوده ليش ماتدرين يكولون هي امريكا الملطمه سوت علينه حصار الناس ظاله جواعه والمرضى بلايه دوه صدك ؟؟ اييي لعد شعبالج تهي بهي انت كاعده هنا وماتدرين شجاي يصير بره انه ساليني اروح للسوك واجي اشوف اشكال هاا اي بتي تبجي اروح اجيبهه واجي راحت هي وانه رجعت للغرفه .. افكر بحجيها انه مثل الاطرش بالزفه كل شي ماادري .. ولاجنت اباوع راديو ولاتلفزيون .. بقى بالي يم اهلي شلونهم ... شصار وياهم قست عذاب كل الي سببتلهم الم وي عذابي سجاد وابوي وحتى هاشميه وخواتي لكيت عذابهم اكثر من عذابي حتى هاشميه الي خذيت سجاد منها وحرمتها منه هم اكيد تعذبت وبالمقابل اخذوا ابني مني وحرموني منه مثل السجينه ومحبوسه .. اندكت الشباج عرفت المره صرت افرح من اشوفها وجها يبعث بروحي الامل جانت شايله بتها تشبهه بس بشرتها افتح منها حنطاويه وعدهه رصعه وحده مثل امها كالت هااج خيه انت اسمج هاله مو اخخ انه عاله صرت مو هاله انه ظلام شنو هذا لايمعوده هو منو مرتاح بهالدنيا هي غراض الشيخ كال اوصلهن الج دحستهن الي من بين الحدايد كتلها ليش اجه الشيخ لي اجه ابحده ... لا ويا واحد يسوق مااشفتي ويا ولد شويه اكبر من بنيتج لا والله ماشفت انت شسمج انه اسمي زينب وهي بتي اسمها انسام اكلج انت ليش محبوسه هنا الشيخ يكول كرايبي ومسويه م**وره كتلها اي مثل ماكلج الشيخ لعد خيه اخليج ترتاحين انه رايحه الله وياج سديت الشباك اخذت الملابس وطشرتهم ادور ريحه لابني حتى لو قطعه من ملابسه اشمشم بيها اوووف بيه بيه صرخة وجع اصرخها وافزز العالم كله مشتاقه لابني اريده اشوفه اشوف ضحكته اسمع بجيته يطمني بجاه هو بخير اريد ابوي اي ابوي .. وحنانه وعطفه ودلاله شلونك يبويه انت بخير عايش ميت .. اخخخ لو بس خبر عنهم الاعزاز .. شسويت بحالي نحبت وبجيت وغفيت بنفس المكان من صحيت قررت اذا اجه الشيخ اكله انه موافقه اتزوجك شسوي مااتحمل بعيد عن وليدي ماجاي اتحمل .. انتظرته وصارلي اسبوع بهذا المكان ماكو مااجه كلبي مايتحمل هالكد وجع بعد ... اجت ام انسام تجيبلي الاكل .. كتلها مااجه الشيخ لا حبيبه مااجه شو تسألين عنه اخخخ گلبي يا خيه راح اموت اسم الله ليش هيج تكولين كلنه شفنه ظيم والم واشكال والوان وتحملنه .. بس مو بكدي الصار كله من ايدي اييه تحملي ياخيتي تحملي تكدرين ياخذون منج نسومه لا يمه اسم الله وحضنتها وباستهه جاا انه مااخذين مني وليدي والله طاك گلبي عليه يا ليش ياخذونه منج خيه سالفه طويله .. اخخخ كلنا سوالفنه طويله احجي خيه فضفضي يمكن اساعدج حجيتلها قصتي كلها ياا خيه هي كلها من ايدج اكلج تره انه ادري غلطت مااريد عتب وملامه خليني جاي اتگله من جوه والله لاخيه لامالومج لعد انه شكول .. انه يتيمة ام .. امي ماتت وربيت عند مرت ابوي .. شوف*ني الويل وزوجتني الهالرجال .. الشويب وظليت عنده 7سنوات يلا حبلت بنسمه . هي حبله وهي طرده ولده طردونه من البيت .. والشيخ لفانه تره الشيخ خوش رجال ولفانه جا رجلج وين مااشوفه اي تعب مريض ونايم بالبيت من تزوجته جان عمره زين بس سبع سنوات مو شويه هم كبر .. والحمدلله من لحكت اخلف منه كبل لاا احم . ايي خيه انت تندلين بيت الشيخ اي اندله هنا مو بعيد بالمنطقه .. عفيه الله يخليلج نسمه روحي على مرته اسمها حمديه وسئليهه على وليدي الله يخليج تدللين بس اطلع للسوك باجر الصبح امر عليهم اعرفها حمديه مرت الشيخ .. اي اروحلج سبع فدوات بعد كلبي يحفظلج نسومه يله خيه اروح اسبحها ضاجت روحي عيوني ... راحت زينب كعدت ادعي كون حمديه يحن كلبها عليه وحتى لو تدزلي مرسال تكلي ايلول بخير الليل كله اتاني الصبح يطلع حتى زينب تروح للسوك وتجيبلي خبر من ايلول .. صار الصبح .. اول ماكمت فتحت الشباج .. اتاني زينب شفتها تعدت صحتلها هاا زينب صباح الخير هلا صباح النور اليوم شنو منشنشه املي بالله جبير ترحين تجيبيلي خبر من وليدي تدللين بس اخلص مسواك ... يلا روحي لااعطلج راحت زينب وانه بقيت على اعصابي اتانيهه تجي .. هناك واسمع صوت .. شفت حمديه وايلول ركض حضنت الشباج بعد عيني الله ماقصر وياي حاشاه شبكته انه ومسجونه طلعت اله ايديه اثنينهم شافني فرفح الي عرفني ماناسيني بوسته تمنيت اضمه بكلبي عن تمار .. مثل المسكن لالمي شوفته حمديه كالت هاا هاله شلونج ليش هيج حمديه ليش ليش تسوون بيه هيج شسوي حكم الشيخ انت ماتدرين بي بعد راح اموت حمديه راح اموت على فراك ابني خيه مابيدي شي والله عليج من اجت ام نسومه كلت اجيبه الج انه هم ام ومااكدر ابعد ضناي عني شفت الشيخ طالع صفيه مريضه كلش .. وداها للمستشفى اووف يعني مرضة صفيه صارت رحمه الي لاتخافين انه جاي احجي ويا الشيخ وابنج بعيني ومااخلي ينساج كل يوميه اذكره بيج وماراح اخلي ينساج بت اصول حمديه ماتقصرين لازم اروح هسه خاف يجي وابتلي لو وحده من البنات تكله انه اذا صارت فرصه اجيب ايلول الج كتلهه ان شاءالله كوه فلته من ايدي .. بوست خدوده من وره الشباج ذبلانه على فراكي يمه وليدي تشكرت من الله شفته جن جرعة مسكن الي شون راح تگضى وياي شراح يصير الي وراح ابقى مسجونه .. هنا كضيت عمري مسجونه شسوت بيه الدنيا جنت فوك الغيم نزلتني للتراب .. كله بسببي انه فاشله غ*يه غ*يه .. مرت الايام وصارلي هنا 10ايام ومابين الشيخ .. اتمنى يجي حتى اكله انه موافقه عليك .. مو لان احبه لا حتى انجمع بايلول تعبت وانه وحدي هنا بالغرفه مثل المحكوم بالسجن الانفرادي ... ومرات اخاف وابقي الضوه مشعول .. الليل كله الوحده تخوف .. وبيت ام انسام بعد مسافه عن الغرفه الي انه بيها .. والبستان جبير كلش وصوت الجلاب تعوي بره بالليل تخوف كلش ... ماادري شلون عايشه ماادري شلون ماتخبلت وتحملت كل هي الصدمات جنت كاعده واحسب اللحظات تمر .. وانه حالتي نفسهه اندكت الباب وصوت زينب اول مره تدك الباب كل مره .. تدك الشباج .. تعجبت رحتلها من الشباج صاير بنفس صفحة الباب كتلها ها زينب كالت الشيخ يريد يحجي وياج انه كيفت لان اجه اريد احجي ويا واكله على قراري لبست فوطتي و انفك القفل وفتحت الباب انه هم من جوه لان ماأمن هم اقفله .. صار بوجهي الشيخ .. ظل يباوعلي كتله اريد احاجيج احجي اسمعج .. انه موافقه عليك بس رجعلي ايلول جيت انطيج حريتج وبس وردج متأخر .. لان انه خطبت مره .. شوفي هاله انه ردتج روح ماردتج جسد جيت وياج بكل الطرق ماقبلتي مااريد اجبرج على شي ..ماتردينه ماعندي وياج .. بس شي واحد احب اشكرج على ايلول .. وبس ... يتبع ...

Free reading for new users

Scan code to download app

App Store Google Play

Facebookexpand_more