“Napakalaki naman talaga ng bahay na ito pero tatlo lang kaming nakatira. Hindi pwedeng lumabas kahit magwalis lang para makalanghap ng sariwang hangin,” maktol ni Emy na nakatingin sa labas ng kanyang bintana dahil napakaraming tuyong.dahon sa paligid. Bawal kasi kahit ang lumabas lang sa labas ng pinto at hindi alam ni Emy kung bakit. Basta bawal sabi ni Mang Raul.
Ang ginagawa ni Emy ay naglilinis lang ng mga gamit sa sala kahit hindi naman talaga maalikabok o kaya ay marumi. Naglalaba si Emy sa likod bahay ngunit maging ang lugar kung saan siya nagsasampay ay nakabakod ngunit walang bubong para nga makatuyo ng mga damit.
Pakiramdam talaga ni Emy ay nakakulong siya sa malaking hawla at bihag siya ni Mang Raul na sa oras na makagawa siya ng kahit isang pagkakamali ay talagang malalagot
