Apat na araw pa ang lumipas bago tuluyang bumuti ang pakiramdam ni Joymi. At sa apat na araw na iyon ay ni hindi man lang siya kinamusta ni Franz. Ni hindi nga ito aware na may sakit siya. Matapos kasi ang pagtatalo nilang dalawa noong kadarating pa lamang nila ay halos hindi na sila magtagpo.
Dahil nga sa masama ang pakiramdam niya, pagkatapos niyang maipagluto ito ng agahan ay aakyat na siyang muli para magpahinga. Sa gabi naman ay tulad pa rin ng dati. Ginagabi ito dahil sa tambak na trabaho kaya hindi pa rin sila nagtatagpo.
Ang iniisip naman ni Franz ay baka nagtatampo at galit pa rin ang asawa kaya sa kabilang kwarto pa rin ito natutulog. Samantala, ang dalawang bata naman ay sa kwarto kasama ni Franz dahil nga ayaw ni Joymi na mahawa ang mga ito. Mahigpit na lamang siyang nagbibi
