Kanina pa nakahiga si Joymi pero hindi pa rin siya dinadalaw ng antok. Nilingon niya sina Mira at Lyka na nakahiga sa kamang nasa magkabilang gilid niya. Mahimbing ng natutulog ang mga ito, Pati ang tatlo pa nilang kasama roon ay mukhang nag-e-enjoy na sa kani-kaniya nilang dreameland. Siya na lang talaga ang tao roon na mulat na mulat pa rin.
Hindi niya alam kung maiiyak siya o matatawa dahil sa inabot niya sa unang beses niyang makaranas ng company outing. Pakiramdam niya kasi ay hindi niya talaga nasulit. Dahil noong unang araw ay badtrip siya kay Franz at nagseselos kay Amanda so hindi siya masyadong nakapag-focus sa mga activities nila. Tapos kung kailan namang fully charge siya at nag-uumapaw ang energy niyang sumali sa lahat ng activities ay saka naman siya inabutan ng disgrasya. B
