عائلة القادر

قلوب موجوعة

دخلت ياسمين وهي تركد حتى وصلت إلي غرفة والدتها وهي في منتهى الرعب ..

ياسمين : دادة ! في ايه يا دادة ؟؟ ماما فين وأيه اللي حصلها ؟؟

ام عادل : والله يا بنتي مش عارفة كانت بتتكلم مع اللواء طه وفجأة وقعت من طولها ؟!

ياسمين : طب والدكتور قال ايه ؟؟!

ام عادل : غالي بيه لسة جوة !..

هنا تحركت ياسمين ودخلت في قلق لتقول ..

ياسمين : خالو ؟! ماما مالها في ايه ؟؟!

غالي : أهدي يا ياسمين ماما كويسة هو بس حصل سوء تفاهم …مش أكتر ..

ياسمين : يعني ايه ؟؟ وأيه علاقة دا بمكالمتها مع uncle طه ؟؟؟

غالي : هو اتصل بيها وقالها خبر وحش بس بطريقة غلط !!

ياسمين بنفاذ صبر : خبر ايه ؟؟

هنا دخلت دينا وهي تركد في غاية القلق وقالت ..

دينا : خالو .. ماما !. ماما مالها ؟؟

غالي : أهدي يا دينا دا سوء تفاهم بس معلش هي فهمت خالك طه غلط !!

ياسمين بغضب : يا خالو قول احنا مش ناقصين بجد !!!

غالي بأسف : البقاء لله يا بنات م…….

كاد ان يكمل لكن ياسمين قاطعته بخوف وقالت : مين مات اوعى يكون حد من اخواتي حصله حاجة ؟؟!

غالي : لا لا !! علي وأدهم بخير !! بس .. مي خطيبة علي لقيوها مقتولة في شقة جدتها اللي في المهندسين !!

صرخت دينًا وان تتحمل الصدمة ووقعت بين يدي ياسمين التي أمسكتها وسط صدمتها وهي تحاول التماسك وسط كل هذا ..!!

ياسمين : مقتولة ازاي !؟؟ .. وعلي !؟؟ علي فين يا خالو ؟! علي عرف ولا لاء علي فين !.

غالي : علي هو اللي راح ولقاها هي المقتولة مستحملش وهو في المستشفى وخالك طه بدل ما يقول الخبر لأمك صح زي عادته طربش افتكرت ان هوا اللي ….

ياسمين بصدمة : يا دادة !!! يا دادة !!!. .

ام عادل : خير يا بنتي ..! يالهوي !! دينا مالها ؟؟

ياسمين : دادة خديها على أوضتها وأنا هروح لعلي!!

غالي : طب خليكي لحد ما ماما تفوق انت عارفة بعد موت زين معدتش تقدر تستحمل صدمات ولازم حد يكون جنبها عشان يفهمها وانا هروح اشوف خالك يشوف اللي عمله دا !!!..

ياسمين : طب وعلي ؟؟

غالي : كريم صاحبه معاه وأنا كلمت أدهم عشان يجي !..

ياسمين برفض : أدهم !!. دا لسة على ميعاد رجوعه اسبوعين دا في كندا ليه بس تخليه يقلق يا خالو ………

غالي : جرا أيه يا ياسمين امال مين هيقف جنبنا في المصيبة دي غير أخوكم الكبير بعد أبوكم الله يرحمه !..

" علي " لا يا علي .! لاء يا علي مش انت وزين كفاية لاء !…

ياسمين بقلق : ماما !! ماما ؛ ماما فوقي علي كويس يا ماما علي سَليم يا ماما !!

غالي : جيهان قومي يا حبيبتي علي بخير !! والله ابنك بخير !.

فتحت جيهان عينها بصعوبة وتعب وحاولت ان تعتدل في جلستها ولكنها لم تستطع الحركة ………

جيهان بتعب : علي !! علي يا ياسمين ؟! علي فين ؟؟! هيروح مني زي زين !! حرام !..

ياسمين : ماما .. ماما اهدي واسمعيني ! اسمعي !! علي .. كويس علي ابنك كويس والله يا ماما دا سوء تفاهم !.

غالي : جيجي يا حبيبتي ! طه اخوكي انت عارفاه مدب ومش بيعرف يتكلم ………

جيهان : لاء انت بتكذب انا سمعتك وانت بتقولها مصيبة !!

ياسمين : بصي يا مامي هو خالو اما كلمك كان في حد مات بس هو كان يقصد .. مي خطيبك علي !..

جيهان بصدمة : ايه !؟؟ مي !.. مي ازاي يعني ؟؟

ياسمين : مش عارفة والله يا ماما مش عارفة انا أصلاً مش قادرة اتلم على أعصابي ..

دخلت أم عادل ومعها تليفون جيهان …………

ام عادل : مدام جيهان ! أدهم اتصل مرتين وعايز يكلمك !..

جيهان : أدهم !! هاتي هاتي يا لطيفة ..

ياسمين : طيب ماما انا هروح أشوف علي ماشي !..

جيهان : طيب يا حبيبتي وأنا هخلص وأكلمك !. روح معاها يا غالي …………

غالي : اكيد يا حبيبتي ارتاحي انت بس !.

[ المستشفى] ..

كريم : أيه الأخبار يا دكتور ؟!

الدكتور : صدمة عصبية واحنا اديناله مهدأ وهو الوقتي نايم .. هو أيه مشكلته ممكن نقدر نساعده !؟

كريم : بص حضرتك كدا باختصار هو ظابط وكان في جريمة قتل ولما راح يعاين مسرح الجريمة لقي خطيبته هي المقتولة وكان فرحهم بعد ٣ شهور ..

نظر له الدكتور بصدمة وقال : لا إله الا الله يا ساتر يارب لا طبعاً ربنا معاه ويصبره ويصبر أهلها !! حضرتك أخوه ؟؟

كريم : لا أنا ظابط شرطة زيه وزميله وكنا مع بعض وأخواته هيجوا بعد شوية ان شاء الله ..!

الدكتور : طب احنا محتاجين نكلم حد من اهله ضروري وكمان عايزينهم جنبه في ظرف زي دا عشان يكون قادر يتحمل .!!

كريم : أنا كلمت حد من أهله وهو أكيد بلغ الباقي !..

نزل اللواء طه من السيارة الفخمة وأمامه حرس ودخل المستشفي ليصل لغرفة علي ..

عندما رأي كريم اللواء طه ض*ب له تعظيم سلام وتقدم منه ..

كريم : تمام يا فندم !.. الدكتور طمني وقالي انه بالنسبة للمصيبة اللي هو فيها حالته مطمئنة مفيش خطر ..

طه : انت مش شايف ان حكاية مي دي مش طبيعية خالص ؟؟!

كريم : والله يا فندم أي جريمة قتل مش طبيعية ضد الطبيعة !!.

طه : انا عارف يا كريم ! بس انا قصدي ان مين ممكن يقتل بنت زي مي وبالطريقة الب*عة دي !!؟

كريم : هو لو استبعدنا انها خطيبة ظابط اه اعداء كتير يبقى الموضوع غريب فعلاً !.

طه : قصدك ان ممكن يكون حد من أعداء علي بينتقم منه فيها ؟؟

كريم : والله يا سيادة اللواء دا الحل المنطقي الوحيد لأن أكيد بنت زي مي ملهاش أعداء ولو ليها متوصلش للقتل !.

هنا ساد ال**ت .. ورن هاتف اللواء ليجد غالي من يتصل .

طه : ايوة .. جيهان أخبارها أيه ؟؟

غالي بتحفذ : في حد عاقل يعمل اللي عملته يا بني ادم انت ؟؟ بالعافية اقنعتها أنا وياسمين ان علي بخير مش كفاية أنها خسرت ابنها الصغير !! كمان عايزها تنصدم صدمة زي دي ! دا لولا ان أختك جامدة والله كانت راحت فيها ..

طه : ايه !!! أهدأ شوية .!! انت عارف مكنش قصدي وهي كمان انصدمت على طول قبل ما اشرح لها الباقي !..

غالي : على العموم نتكلم بعدين !. الوقتي ياسمين رايحة لعلي وأنا هروح استقبل عالية من المطار ..

طه : طيب أنا مستنيها هنا ..

غالي : علي عامل ايه ؟؟

طه : ربنا يستر الحالة مستقرة بس انت عارف لما يفوق أهم ..

غالي : متخافش علي راجل !..

اغلق طه الخط مع غالي وفي نفس الوقت دخلت ياسمين تركد في قلق ..

ياسمين وهي تنهج: خالو !! علي كويس ؟؟

طه : أهدي يا حبيبتي .. اهدي وخدي نفسك .. علي كويس بس مجرد صدمة من اللي حصله !..

ياسمين : أصلاً أيه اللي حصله دا يعني ؟! يعني ايه مي اتقتلت هي فرخة .. ولا أيه هي البلد سايبة !! خطيبة ظابط وكلها كان شهر وكانت هتبقى مراته تتقتل كدا وكأنها ولا حاجة ..!!

طه : أهدي يا حبيبتي !! احنا مش ساكتين انا كلفت كريم المهدي صاحبه وظابط تاني هيحققوا في الموضوع لحد ما علي يفوق ونشوف اللي هيحصل ..

ياسمين : هو فين ؟؟ انا عايزة اشوفه !..

كريم : هو نايم يا آنسة ياسمين أخد مهدأ عشان الصدمة كانت شديدة عليه ..

ياسمين : مش مهم !! اشوفه بس ..

كريم : عن إذنك يا سيادة اللواء هوصل الآنسة ياسمين وارجع تاني !..

تحرك الاثنان تجاه الغرفة وقبل ان يصلا سقطت ياسمين وامسكها كريم بسرعة ..

كريم بتوتر : ا .. ياس.. انسة ياسمين ؟؟ ياسمين !!

لم تص*ر أي صوت أو حركة لذا تم نقلها لغرفة بجوار غرفة علي في المستشفى ..

طه : خير يا دكتور مالها وقعت فجأة ليه ؟!!! كانت كويسة من شوية ؟!

الطبيب : جالها هبوط !.. تقريباً كدا مكلتش حاجة من الصبح مع الصدمات والمصايب دي اكيد لازم يحصل كدا..

طه : ربنا يلطف بينا بقى !..

كريم : هتفوق امتى يا دكتور ؟!

الطبيب : يعني نص أو ربع ساعة بالكتير بس لازم تاكل حاجة عشان الأدوية وكدا ..

طه : تمام اكيد .. اتفضل معايا عايز حضرتك ثواني ..

خرج الطبيب وطه معه وتبعه كريم ليطمأن على حال علي …………

•••••••••••••••••••••

[المطار ]

غالي : حمدالله ع السلامة يا عالية .. أخبارك أيه ؟!

عالية : الله يسلمك يا حبيبي .. أمال فين جيجي ؟

غالي : الموضوع كبير هقولك في لما نركب !..

عالية بحزن وصدمة : يا نهار أ**د !! ازاي كدا دا أنا جاية عشان تحضيرات فرح علي .. لا إله إلا الله ..

غالي : والله محدش عارف يا عالية !. بس يرضيكي اللي عمله طه دا ..

عالية : أنت هتقولي عليه !.. بس علي عامل ايه الوقتي ؟؟

غالي بحزن : في المستشفى ! .. عنده صدمة يا حبيبي والله لسة مشفتوش..!

عالية بجدية : اطلع ع المستشفى يا غالي يلا وأنا هكلم جيهان أقولها اني وصلت واني روحت لعلي..

غالي : حاضر ..

••••••••••••••••••••••

{القصر }

جيهان : لطيفة .. ! يا لطيفة ..

ام عادل : نعم يا مدام جيهان .!؟

جيهان : دينا فين ؟؟

ام عادل : لسة نايمة !.. خدت الدواء من شوية وقالت لي أنها هتصحى بعد ساعة هتروح لعلي ، بس والله مكنتش قادرة تقوم من السرير حتى بالعافية راحت الحمام ..

جيهان بحزن : حبيبتي اكيد رجعلها زكريات موت .. زين وانت عارفة عشان كانو توأم الصدمة كانت كبيرة عليها وأكيد خافت على علي كمان …………

تن*دت وتابعت بحزن دفين : انا كمان قلبي وجعني على علي وافتكرت زين الله يرحمه على طول ..

ام عادل : تعيشي وتفتكري يا هانم .. هو صحيح زين ميتعوضش بس أمر الله هنعمل ..

جيهان : ونعم بالله .. انا هروح لعلي المستشفى عالية كمان كلمتني وقالت لي أنها هناك ………

ام عادل : طيب يا مدام وأنا هنا مع دينا متقلقيش ..

جيهان : خلي دسوقي يجهز العربية والسواق ..

أم عادل : امرك يا جيهان هانم ..

خرجت جيهان من المنزل وقلبها موجوع على ابنها الذي لم يفرح بشبابه قبل ان تنزل عليه تلك الهموم وبدلاً من ان يقف فرحاً ليأخذ المباركة على عرسه يأخذ عزاء عروسته ؛ وفكرت أيضاً في مي التي قتلت بتلك الطريقة الغير آدمية وهي لم تكمل النصف الثاني من عمرها وفي والدها السيد نادر الوفيقي الذي لم يكن له سواها ولم يكن لها غيره ..

جيهان للسواق : انت عارف بيت نادر الوفيقي ؟؟

السواق : نسيب علي باشا !.؟ اه يا هانم عارفه!………

جيهان : بعد ما نرجع من المستشفى هنروح على هناك !!

السواق : تحت امرك يا هانم ..

••••••••••••••••••••••

" المستشفى "

عالية : انت كويسة يا ياسمين ؟؟ انا لسة شايفة علي هو كويس بس لسة نايم !!.

ياسمين : انا كويسة يا tante بس الدوخة دي جت فجأة كدا !!. المهم علي كويس يعني ولا في حاجة وحضرتك مش عايزة تتكلمي ؟!!

ابتسمت عالية وقالت بحنان : لا يا حبيبتي علي والله كويس .. حتى ماما عنده قاعدة جنبه .!

ياسمين : ماما !!. طب دينا جت معاها ولا لاء ؟؟

عالية : لا يا حبيبتي هي لسة نايمة في البيت ولطيفة معاها لأنها مستحملتش الصدمة بس هي كويسة !.

أومأت ليها ياسمين بتفهم ونظرت حولها لتجد كريم جالس شبه نائم فأعتدلت في جلستها وقالت : يا خبر !! هو كريم لسة هنا من الصبح ؟؟!

عالية : يا روحي عليه الشاب دا .!! والله ابن ناس .. دا داخ معانا من أوضتك لأوضة علي رايح جاي .. ويتطمن عليكم من الدكاترة وخلانك الاتنين طلبوا منه يروح يرتاح لأنه كان مع علي من أول اليوم بس هو رفض وفضل قاعد كدا لحد ما نام من التعب يا عيني !!.

ابتسمت ياسمين وقالت : هو كريم طول عمره صاحب على وأخلاقه ممتازة !..

عالية : ربنا يوقفلكم ولاد الحلال يا حبيبتي !!.. انا هروح اشوف ماما وأجيلك تاني .!..!..

خرجت عالية ووجدت طه وغالب وجيهان يتكلمون ………………

غالي : واجب برضه نروح نعزي خصوصاً ان علي تعبان مش هيعرف ياخد العزا !…

جيهان : ايوة المفروض كلنا نروح نعتذر للراجل ع التأخير وناخد عزا بنته بدل علي ………

عالية : هو أدهم مش هيجي يا جيجي ؟

جيهان : هو كلمني وكان متضايق ومتعصب أوى وقالي انه مش هيعرف يجي قبل اسبوع بس أول ما يعرف يخلص هينزل فوراً وياخد اجازة !.

عالية : طيب انا هروح البيت أشوف دينا وأطمنها وكمان عشان أغير هدومي وهاجي تاني …

جيهان : معلش يا حبيبتي تعبناكي معانا وانت لسة جاية من السفر !..

نظرت لها عالية في عتاب وقالت : عيب يا جيجي دا أنا أختك الكبيرة وبعدين ولادك دول كلهم ولادي ولا أيه ؟؟!

جيهان : طبعاً يا حبيبتي ربنا يخليكي ليا ..

تحركت عالية للقصر بينما ذهب طه إلى مكتبه لمتابعة التحقيقات وذهب غالي لمنزله ليرتاح قليلاً وجلست جيهان مع ياسمين في غرفتها في انتظار اي تغير في حالة علي ..

ياسمين : تفتكري يا مامي مين عمل كدا في مي ؟!

جيهان : الله أعلم يا بنتي انا والله مش عارفة اقول ايه ولا أعمل أيه لسة حتى معرفتش اروح لعمك نادر مستنية لما علي يفوق ..

ياسمين : طيب انا هروح أشوف علي وبعدين هطلع ع البيت أغير هدومي وألغي كل مواعيدي عشان نكون جنبه زي ما الدكتور قال …

جيهان : طيب يا حبيبتي روحي !..

ياسمين : وانت يا مامي حاولي ترتاحي انت من الصبح في المواويل دي !!

جيهان : لمًا نشوف على الأول يا ياسمين وبعدين ابقى ارتاح ونشوف هنعمل أيه !..

••••••••••••••••••••••

{ القصر }

وصلت سيارة عالية ودخلت إلى القصر ..

لطيفة : أهلاً !.. حمدالله ع السلامة يا مدام عالية .

عالية بفرح بسيط : أهلاً يا لطيفة .. ازيك أخبارك ايه ؟

ام عادل : هي الأخبار اللي احنا فيها دي تسر عدو ولا حبيب يا هانم ؟!!!

عالية : ربنا يستر يا لطيفة !. ربنا يستر .. المهم دينا فين ؟!

أم عادل : نايمة يا هانم والله بالعافية اقنعتها أنها تنام ؛ دي كانت عايزة تروح لعلي بس أنا شايفها مش قادرة تتحرك وكل ساعة والتانية تصحى على صريخ وتنادي على زين وعلي ومي وحالتها وحشة أوى !..

عالية بقلق : يا حبيبتي !!! انها هطلع أشوفها يا لطيفة اعملي لي فنجال قهوة مظبوط احسن الصداع هيموتني!..

دخلت عالية على دينا لتجدها تتلوى في السرير وتصرخ بصوت مكتوم وتنادي : زين …………………زين .. اه زييين ..فوق يا ز .. ن .لااااا !!.

عالية بخوف : دينا .. دينا يا حبيبتي !.. قومي يا دينا أنا خالتو يا دينا قومي يا حبيبتي !..

قامت دينا بفزع والعرق يتصبب منها وهي تبكي وصرخت بخوف وصوت يرتعش..

دينا : زين !!.. اه .. ا .. اه !!! خالتو ؟…………… خالتو !..

وهنا لم تتمالك دينا أعصابها وارتمت في حضن خالتها تبكي ..

عالية : دينا .. دينا يا حبيبتي أهدي انا معاكي و علي كويس مينفعش كدا يا حبيبتي !. .. إ .. زين يا حبيبتي الله يرحمه ويحسن إليه !.. بس علي كويس !.. يا حبيبتي متخافيش انا لسة جاية من عنده !..

دينا بخوف : ماما .. ماما كويسة !! ماما فين ؟؟

عالية : أهدي يا دينا ماما كويسة هي عنده بس أنا جيت أطمن عليكي عشان ياسمين هناك كمان ..

هدأت دينا قليلاً ثم قالت بصوت خافت : زين وحشني !..

نظرت لها عالية ولم تستطع كتم دموعها فكيف لها أن تنسى زين الابن الأصغر وروح العائلة المفقودة وكان هو سبب ضحكتهم وفرحتهم وحزنهم الأبدي …………………

عالية بصوت مكتوم تحاول الا تبكي كي لا تزيد من هموم دينا : الله يرحمه يا حبيبتي .. إ .. ادعيله ربنا يرحمه وصدقيني هو معانا وبيسمع وبيحس بينا .

دينا بصوت باكي : الله .. الله يرحمك يا .. أخويا .. الله يرحمك يا زييين………………