عائلة القادر

عودة ولقاء

وصل أدهم و نورهان الي المطار و كان غالي و طه في استقبالهم

أدهم : ازيك يا خالي ؟؟

غالي بمزاح : انهي واحد فينا يا كابتن ؟!!

أدهم : انتو الاتنين ! يا خالو بس ليه تعبتوا نفسكم كان كفاية

السواق يجي !....

طه : لا مش تعب ولا حاجة احنا أصلا جايين عشان اخوك مش

عشانك ....

نظر له أدهم بعدم فهم ليضحك غالي و يقول وهو يحاول أن يغطي على أسلوب طه الناشف كما يقول الكل عنه : معلش يا ادهم ، بيتهيألي الكام يوم بتوع کندا دول ملحقوش يخلوك تنسى خالك طه وأسلوبه ؟؟

طه : يا سلام يا اخويا بطل بقي يا غالي اسلوبك دا و كأني طربش !!

أدهم : يا خالو مفيش مشكلة انا متعود على أسلوب سيادة اللواء

يعني مش حاجة جديدة !! المهم علي عامل ايه ؟؟

طه : ما هو دا اللي انا قصدي عليه علي محتاجكم كلكم يا ادهم

مش انت بس انت و یاسمین و دینا و نور .... اه صح هي نور فين ؟؟

أدهم : راحت ال rest room ..

غالي : طب يلا انا هكلم جيهان اقولها ان انتو وصلتوا و هسبقكم على المستشفى..

طه : طيب حاول تخلي جيهان تيجي لعلي ، يمكن لما يلاقينا حواليه كلنا يفك ..

غالي : طيب يلا متتأخروش!..

••••••••••••••••••••

« القصر »

نزلت ياسمين الي حديقة القصر لتجد عم دسوقي يقول : ياسمين هانم ،، المهندس هاني وصل و معاه واحد تاني .

ياسمين : أولا يا عم دسوقي قولتلك بلاش هانم دي ثانيا خليه يدخل القصر انا مش عايزة اقعد بره دماغي بيوجعني !...

دسوقي : حاضر يا ها .. قصدي يا ياسمين يا بنتي ..

دخل هاني القصر و معه صديقه الذي كلم ياسمين عليه..

هاني : ازيك يا ام عادل !!

ام عادل : أهلا يا ابني ازيك و ازي أحوالك ؟؟

هاني : أنا كويس الحمد لله ، البقاء لله يا ام عادل ....

ام عادل بحزن : الدوام الله يا ابني و نعم بالله ..

هاني : لسة مبانش مین عمل كدا ؟

ام عادل بغضب : ربنا ينتقم منه مطرح ما هو موجود حسبي الله و نعم الوكيل !

هاني : معلش يا ام عادل ربنا مش هيسيب حقها إن شاء الله !...

ام عادل : إن شاء الله يا ابني ... نسيت اسألك انت وصاحبك تشربوا ايه ؟؟

هاني : اه معلش نسيت اعرفك بمعتز صاحبي م**م ازياء !..

ام عادل : أهلا يا ابني معلش خادنا الكلام و نسيت اسألك !

معتز : لاء لا مفيش مشكلة يا ... ام عادل صح ! البقاء لله ..

:

ام عادل : الدوام لله يا ابني ... تشربوا ايه بقى ؟؟؟

هاني : أي عصير يا دادة متتعبيش نفسك !...

معتز : و انا زيه يا دادة !

د ام عادل : طيب يا ولاد و آهي ياسمين جت اهيه

ياسمين بعملية معهودة عنها في عملها و اي لقاء عمل : دادة قهوة مظبوط يا حبيبتي و خلي السواق يغسل عربيتي عشان هروح لعلي. بعد ما اخلص لأن أدهم و نور وصلوا..

ام عادل بفرحة : بجد !! طيب يا حبيبتي انا هقوله..

ياسمين : Merci يا حبيبتي !...

جلست ياسمين أمام الاثنين و بكل ثقة ..... ياسمين : أهلا يا باش مهندس ، ازيك ؟؟

هاني : ازيك يا ياسمين عاملة ايه !

ياسمين : الحمد لله..

هاني : اه ، معتز العزيزي صاحبي الي كلمتك عنه م**م ازياء !..

ياسمين : أهلا .. ازيك اخبارك ايه ؟!

معتز : أهلا يا آنسة ياسمين ، الحمد الله مصر جميلة كانت

وحشاني !

ياسمين : بلاش آنسة دي !! ياسمين بس !.. بلاش رسمیات هو هاني مقلقش ولا ايه ؟!

ابتسم هاني وقال : هي ياسمين كدا free و لطيفة في شغلها..

معتز : طيب يا ياسمين انا والله مبسوط اوي اني هشتغل معاكي ! و معلش كان نفسي اقابلك في ظروف احسن من كدا البقاء لله !....

ياسمين بحزن تحاول ان تخفيه : الدوام لله !!...

نظر لها هاني بارتباك وقال : انا قولتله عشان ظروف الشغل و كان لازم افهمه ليه انتي سيبتي المشروع ..

ابتسمت ياسمين و قالت : عادي يا ابني هو سر حربي دا موضوع عادي !!

معتز بمزاح : هو طول عمره over كدا !!

ضحكت ياسمين لتظهر جمالها و يسرح فيه الشابين امامها و لكنها تظاهرت بعدم الملاحظة رغم أنها استغربت من هذه النظرات لكنها معتادة على نظرات الإعجاب تلك من كل من يعرفها ..

ياسمين : طب نتكلم في الشغل بقى ؟!

معتز بجدية : نتكلم !.....

« المطار »

طه بقلة صبر : يووه كل دا نور في الحمام مش معقول بقالها ربع ساعة !!

أدهم : فعلا عندك حق يا عمي اتأخرت اوي ! رن هاتف أدهم و…

أدهم : دي نور آیه دا !!! الو ... أيوة يا نور ، انت فين ؟!!

المتصل : أيوة يا فندم انا عاملة في المطار مدام حضرتك وقعت في الحمام وانا حاولت افوقها بس هي مش بتفوق !!

أدهم بخوف : ايه !! طيب ممكن تخرجيها وانا هاجي اخدها !؟

المتصل : طيب يا فندم ..

طه بقلق : في ايه يا ادهم ؟!!

أدهم و هو يجري : هقولك بعدين ؟!!

حمل أدهم نور و هو يحاول أن يجعلها تستعيد وعيها ..

طه بخوف : طيب اطلع على المستشفى إلي فيها علي !

أدهم : لا ، لاء یا عمي مش عايزهم يتخضوا هم مش ناقصين و بعدين احنا نطلع على القصر وانا هتصرف ...

في هذه اللحظة تحركت نورهان بين يده ثم قالت بتعب : حب حبيبي ..!

ليتنفس أدهم و طه الصعداء و يقول أدهم : نور ! مالك يا حبيبتي انت كويسة ؟؟

نور بتعب : مش عارفة دوخت کدا و تقريبا وقعت في الحمام !!

أدهم بغضب : ايه حكايتك بقى في الطيارة مش طايقة ريحة الاكل و في المطار أغمي عليكي مالك يا حبيبتي انت تبعتي من غير ما تقوليلي قبل كدا ؟!!

نظرت له نور بعدم فهم و قالت : مش عارفة بس انا بقالي كام يوم کدا مش باكل ومش طايقة الاكل كمان ساعات كنت بدروخ كدا بس مش زي النهاردة !....

طه و هو نظر لهم من الكرسي الامامي بجوار السائق : مش يمكن تكوني حامل يا بنتي ؟!!

أدهم : بجد !!!!!!!!! ممكن يا خالي ؟ تفتكر ؟؟

طه : أنا بقول ممكن من الأعراض يعني بس خالك غالي بقى هو اللي كان يقولك لاء ولا أه ..

نور بتوتر وغضب بسيط : لاء !. حمل أيه يا خالو ! هو دا وقته ؟ .. مش وقته خالص أنا عاملة حسابي ..!.

أدهم بحزن : يا سلام !. هو حملك مني شئ يخضك كدا ؟!..

نور بعدم صبر : أدهم !!. أنت عارف رأيي في الموضوع دا من الأول !.. وأنا فعلاً مش مستعدة لحاجة زي دي !..

ساد ال**ت بعد هذه الجملة حتى وصلوا إلي المنزل ليستقبلهم دسوقي ..

دسوقي بفرح : حمدالله على سلامتك يا سيادة اللواء أنت والبهوات!..

طه : الله يسلمك يا دسوقي !.. في حد هنا ؟؟.

دسوقي : لا يا بيه كلهم راحوا لعلي باشا بس أم عادل هي اللي هنا ..

أدهم : طيب . ادخلي أنت يا نور استريحي وأنا رايح لعلي ..

نور : طيب يا حبيبي سلم لي على علي لحد ما ابقى اشوفه ..

أدهم : يوصل .. استريحي بقى ومتنزليش من السرير لحد ما خالو يكشف عليكي !..

نور : أنا كويسة يا أدهم ومفيش حاجة من اللي في بالك دي !. أنا بدل الاحتياط عندي أكتر فمفيش حاجة استريحلها وكمان عندي شوية مشاوير ضروري قبل ما نرجع البيت …

أدهم : طيب طيب !. زي ما أنت عايزة بس بلاش تتعبي نفسك أوى ..

نور: متخافش يا حبيبي .!.

ابتسمت له وتحركت تجاه المنزل ودقت الجرس لتفتح أم عادل في فرحة وتقول …

أم عادل : نورهان .. ازيك يا حبيبتي !. حمدالله على سلامتك ..

دخلت نور وضمت أم عادل إليها وقالت بحب : الله يسلمك يا دادة .. عاملة أيه ؟!

أم عادل : الحمد لله .. أهو !!. الكل بيحاول يعيش وينسى احسن لو فكرنا كتير هنطق ونموت من القهر !..

نور بحزن : ازاي حصل كدا يا دادة ؟؟ ازاي مفيش اخبار عن الموضوع دا ؟؟!

ام عادل : والله يا بنتي اكتر من التقرير و كلام التحقيق لسة مفيش حاجة !

نور بقلق : يعني ايه سبب الوفاة الرئيسي ؟

ام عادل بحزن : هو السبب اللي جه في التقرير أن الوفاة بسبب نزيف من خبطة في الدماغ و نزيف داخلي بسبب حالة اعتداء ج*سي !

نظرت لها نور بصدمة و ركدت فورا الى الحمام لأنها شعرت بانقلاب في معدتها..

ركدت ام عادل بخوف و هلع خلف نورهان ...

ام عادل : نوراهااان ! مالك فيه ايه ؟؟

نور بتعب لنفسها : دا شكل الموضوع صح بقي ولا ايه .... يا نهار اسود!!

ام عادل بعدم فهم : موضوع ایه مالك يا بنتي ؟؟

نور بتعب و هي تخرج : اصل انا بقالي مدة ،، بدوخ و مش طايقة الاكل و کمان دوخت في المطار و خالو طه قال اني ممكن اكون حامل ... بس انا عاملة حسابي !...

ضحكت أم عادل وقالت : مب**ك يا حبيبتي أخيرا هشيل عيال أدهم و عيالك ... اكيد طبعا حمل بعد كل الي بيحصلك دا و بعدين عادي ما ياما ستات بتكون عاملة حسابها و بتبقي حامل برضه !..

نور بغضب بسيط : أيوة يا دادة بس لسة بدري اوي على الكلام دا انا مش مستعدة لحمل و ولادة و تربية أطفال..

ام عادل : بدري من عمرك يا روحي بكرا لما تشوفي فرحة الكل بيكي و فرحة أدهم هتنسي كل الكلام دا

ابتسمت نور وقالت : أدهم أصلا لو دا حصل هيطير من الفرح !

ام عادل : خلاص متستكتريش علينا الفرحة دي في وسط العك دا كله !!

نور : طيب يا دادة أنا هطلع أستريح شوية قبل ما انزل !

ام عادل : تنزلي تروحي فين ؟!!

نور بحزن : عايزة أزور uncle نادر انتي عارفة انا و مي الله يرحمها كنا أصحاب من ايام الدراسة و احنا صغيرين و هو كان زي بابي الله.. يرحمه و انا وعدته اروحله اول ما اوصل !...

ام عادل : طب ما تأجليها لبكرة لحد ما تستريحي و نطمن عليكي !

نور : انا كويسة بس صدقيني يا دادة لازم أعمل المشوار دا النهاردة

دا واجب مش عشان بس صاحبتي عشان هو زي بابا بجد

ام عادل : ربنا يسعدك و يفرحك و يصبره و يصبرنا ... طيب

اصحيكي الساعة كام ؟؟

نور : كمان 3 ساعات !!

ام عادل : تمام يا حبيبتي تصبحي على خير !

نور : و انت من اهله يا دادة !.....

صعدت نور الي غرفتها وهي في حالة سيئة لسبين الأول أنها تذكرت حادثة موت مي الب*عة و ثانیا احتمال حملها..

« المستشفي »

دخل أدهم الي غرفة علي ليجد کریم جالس أمامه و يتصفحون تقارير يبدوا عليهم التركيز والغضب..

أدهم : وحشتوني يا حضرات الظباط !.

نظر کريم و علي الي المتكلم لتظهر الفرحة على وجه كلا منهم .

کریم بفرح : أدهم !.... وحشتنا يا ابني حمد لله على السلامة .

أدهم : الله يسلمك یا کیمو عامل ايه ؟

کریم : كويس ، شغال و الله يا ادهم بأيدي و سناني عندنا ضغط شغل دا غير ..... موضوع م .... طب بص انا هروح أجيب حاجة من تحت ..

نظر کریم لعلي الذي كان سرحان و يفكر و يبدو عليه الحزن أكثر من أي وقت كان كل شيئ عاد كما كان اول يوم بعد الحادث ....

کریم : علي انا هروح اخلص كام حاجة كدا و أجي ماشي !

أشار له علي برأسه و لم يتكلم ليخرج کریم و يغلق الباب .....

تقدم أدهم و وقف أمام سرير علي ليقول

أدهم : البقاء لله يا اخويا !...

نظر له علي بحزن وقال : حاسس اني ات**رت يا ادهم !..

هنا لم يستطع علي تمالك نفسه اكثر ونهض ليضم أخيه الأكبر و كأنه يحتمي به من كل شيء سيئ حدث له و بدأت دموعه بالنزول ليشعر أدهم بغضب شديد على أخيه و أيضا منه

و....

أدهم و هو يخبط بهدوء على ظهر علي : اجمد يا علي ... انت راجل و الراجل يجيب حقه بدراعه و بعدين ما عاش ولا كان اللي ي**ر علي القادر...

علي : دا مش بس قتل يا اخويا دا ا****ب !! « قالها وهو يبكي و يكتم صرخة تريد أن تخرج من فمه » يعني مش بس ماتت دي ماتت بعذاب و إهانة و ذل يا ادهم ... يا ترى كانت بتفكر في ايه و كانت حاسة بأيه !!

قالها بألم شديد ليشدد على ضم أدهم و كأنه يحتمي به من ألمه وغضبه و حزنه..

أدهم : علي .... لازم تهدأ عشان تفكر مين عمل كدا ... اكيد مي ملهاش اعداء يعملوا فيها كل البشاعة دي ، أكيد اللي عمل كدا حد عدوك انت و قاصدك انت و استغل أضعف نقطة يدخلك منها و هي مي .!

زاد غضب علي الذي لاحظه أدهم و هو يقول : ما هو دا اللي معذبني آنها دفعت تمن شغلي و عداوتي انا و هي ملهاش ذنب .. و كمان من غير ما تعرف حتى ايه السبب ..

أدهم بحزن : الله يرحمها علي ! « قالها ليلفت انتباه علي

ليخرج من حضنه و ينظر له » ..

أدهم : لازم تفوق بقی و تبدأ تاخد حق مي ، بيتهيألي مش هتكون مرتاحة و انت حالك كدا تعبان و عيان في المستشفى ... قوم و حاول تعيش !

علي بغضب : أعيش !!! أعيش و هي ماتت ؟!!!!!

أدهم و هو يجلس على سرير علي : هتعيش لأن الحياة مبتقفش على حد و مفيش حد ممكن يرجع اللي راح حتى لو كان جواه غضب و ظلم كبير .

علي : فالنسيان هو الحل ؟؟!!!

أدهم : لاء ........ انا قولتلك تفوق و تاخد حقك و تعيش ... يعني نرتبهم كدا 1 - تفوق .. 2 - تاخد حقك .... 3- تعيش .... دا الترتيب الطبيعي يا علي ..

نظر له على بفهم وقال : طيب انا عايز أطلع من المستشفي !!

أدهم : هتطلع بس لازم تفوق الأول !

علي بغضب : افوق ايه !! انت شايفني بطوح قدامك ما انا واقف اهو !!!!

أدهم : تفوق يعني تبدأ تأكل لأنك مش بتاكل زي ما التدكاترة قالولي عايش على المحاليل و العصير و تبدأ تتكلم مع الناس يا علي أمك و اخواتك و خلانك الناس اللي عايزة تساعدك و اللي وجودها هيفرق كتير.!

علي : حمد لله على السلامة يا اخويا ... « قالها علي و هو يضمه مرة أخرى بعد أن أعطاه دفعة لمواجهة مصيبته »..

أدهم : يلا بقى يا علي لازم نبدا نتحرك و اول خطوة انك تزور uncle نادر اللي مشافكش من يوم الحادثة !..

نظر له علي بخوف و حزن دفین و قال : طب ممكن يوم كمان و هعمل كل حاجة انا أصلا بقرأ التقارير و أخر التحريات والبحث عشان أعرف الخيط اللي هبدأ منه و صدقني لما أخلصهم هخرج من المستشفي و هعمل كل اللي انت عاوزه .

نظر له أدهم بتفهم وقال : يوم يا علي ؟ !!!!

علي : يوم يا ادهم !..

•••••••••••••••••••••

>

رن جرس المنزل الذي لم يرن منذ زمن ،، منذ وفاة مي

التفتح المسؤولة عن المنزل و .....

رضا : مدام نورهان !! أهلا وسهلا حمدالله على سلامته

نورهان : الله يسلمك يا رضا ... عمي نادر هنا ؟!!

رضا : اه طبعا يا حبيبتي اتفضلي !

دخلت نور بخوف و تردد كأنها تخشى أن تتذكر ذكريات و أیام الماضي مع أختها مي كما كانت تقول لها دائما و لكن كالعادة الحزن لم يترك لها فرصة و عند أول لحظة تقع عينها على صورة مي تبكي و تحاول كتم دموعها لكي لا تعيد الألم و الحسرة لسكان المنزل..

« متحسيش دموعك أبكي يا بنتي » نظرت نور لهذا الصوت لتجد نادر يقف على سلم المنزل من أعلى لتركد اليه بسرعة جنونية و .....

نور : وحشتني اوي .. اوي .. يا بابا !

ضمها نادر و كأنه اشتاق لشعور الاب بعد رحيل مي

نادر : يااااه بقالي كتير مسمعتش كلمة بابا دي !...

التسقط دموع نور و دموعه و لكنه حاول أن يتماسك و أخذها و نزل ليجلسوا في الصالة ...

نادر : لسة كل يوم بستناها و كأنها هتيجي تاني و مش قادر أصدق أنها ماتت!!

نظرت له نور بحزن وقالت : انا اسفة يا عمي !...

وبكت بهستيرية شديدة حتى ان نادر بدأ يقلق ويخشى أن تموت هي الأخرى .

نادر بقلق : أهدي يا نور !!! أهدي مالك .... اسفة على ايه ؟؟! في ايه ..

زاد بكائها و بدأت تحكي له ما حدث قبل موت مي بيوم و کیف ذهبت مي الي منزل جدتها القديم و كلما تحدثت أكثر كلما زاد بكائها و حزنها

و ما آن أنهت حديثها حتى فقد وعيها

نادر بخوف : نور .... نور يا بنتي مالك ؟!! مالك نور ! ....رضااااا .!!

دخلت رضا بخوف : في ايه يا نادر باشا ؟..... يا لهوي مالها نورهان !

نادر بقلق : اتصلي بالدكتور عمر ، فورا و کلمي غالي المختار !!

رضا بتوتر : حاضر !.... حاضر يا بيه

« قصر القادر » ..

كانت دينا الوحيدة في القصر مع ام عادل و لم يكن دسوقي يعرف لذا أخبر أدهم أنه لا أحد غير ام عادل .

و لكن مع كل هذه الأحداث كانت الساعة لم تتعدى 11:30 ....

تحركت دينا في سريرها و قامت بسرعة لتتذكر ما حدث البارحة و مكالمتها مع زياد و وعيدها لرامي لتتذكر الميعاد و تنظر للساعة لتجدها مازلت حادية و النصف

دینا بقلق : اوف .. افتكرت أني نسيت الميعاد يووووه …

و قامت عن سريرها و نزلت الي أسفل لتجد ام عادل في المطبخ

تشرف على الطباخين لتحضير الغذاء .

ام عادل : صباح الخير يا دينا ... أخيرا صحيتي !!!

دينا : Bonjour یا دادة ... ماما فين ؟؟

ام عادل : كلهم خرجوا . ياسمين عندها شغل و مامتك و خالك غالي عند علي ... و على فكرة أدهم و نورهان رجعم من السفر..

دینا بفرح : بجد !!! الله طب هم فين ؟؟

ام عادل : أدهم عند علي من اول ما وصل و نور راحت تزور نادر بيه.

دنيا بحزن : يعني مش هشوفهم !

ام عادل : ليه يا حبيبتي !؟؟ ما احنا فيها انا هحضرلك الفطار على لما تروحي تلبسي !

دينا : لا اصل انا عندي ميعاد الساعة 2 و عايزة اقعد اذاكر شوية عشان لما اخرج اكون مرتاحة !

ام عادل : میعاد مع مين ؟؟؟

دينا : فاكرة الولد اللي قولتلك كان عايز يقابلني برا الجامعة يوم ما **تت دینا من تلقاء نفسها وقالت بحزن : يوم ما ماما تعبت

ام عادل : تاني يا دينا ! هو أنا مش سألتك قولتيلي انك مرحتيش وهو مكلمكيش تاني ايه اللي حصل بقي !؟؟

دینا بارتباك : محصلش كلمته .. قصدي كلمني وقالي عايز يشوفني تاني !!

ام عادل : يعني اخوكي و مراته لسه واصلين و انتي هتسبيهم وتروحي تقابلي واحد مش عارفة عايز منك ايه أصلا ؟؟

دينا : يوووه یا دادة هوانا لسة صغيرة ! أنا كبرت و كل حاجة

بتحصل معايا انا واخدة بالي منها و عارفة انا بعمل ايه !!

ام عادل : طيب يا ديدي خلاص متزعليش وروحي شوفي هتذاكري أيه الساعة بقت 12

ركدت دينا وصعدت لغرفتها لتضحك ام عادل و تدعى لها ..

| أتيليه ياسمين |

هاني : يااه !! الشغل خدنا و الساعة بقت 12 بقالنا كتير بنشتغل

ابتسمت ياسمين وقالت : محستش بيهم

!!

معتز : ولا انا بس والله الشغل حلو اوي معاكم و انتي يا ياسمين

اديتيني افكار كتير و خلتيني احب الشغل اوي

.

ياسمين : أنت فعلا موهوب عشان كدا فهمت الشغل بسرعة

هاني بمزاح : يعني اطلع انا منها !...

ابتسمت ياسمين و قالت : لا يا سيدي انت الخير والبركة !

معتز بمزاح : ايوااه البركة يا بركة !....

ضحك الثلاثة ليرن هاتف ياسمين

ياسمين : رامي ! ازيك يا ابني هااا انت فين ؟؟

رامي : ازيك يا جيسي انا في المطار ..

ياسمين بفرحة : وصلت ؟؟؟

رامي : أيوة تعالي بقى خديني من هنا عشان اروح لعلي وبعدين أطلع على البيت !.

ياسمين بارتباك : طيب ! طيب أقفل انا جاية !..

هاني بقلق : خير ؟؟ في حاجة !؟

ياسمين : لا لا !. دا بس رامي وصل ولازم اروح أجيبه ..

هاني : دا أخوكي ؟؟

ياسمين : لا ابن خالي !. انا همشي بقى عشان هو مستني في المطار !..

معتز : طب تحبي نوصلك ؟!..

ياسمين : لا مفيش داعي كدا كدا كنت همشي عشان أروح لعلي المستشفى… يلا باي ..

قالت هذه الكلمات وهي تركد بسرعة وعين هاني عليها وعين معتز على هاني ..

معتز : مش بدري يا هاني !؟؟

هاني بعدم فهم : بدري ايه ؟!.

معتز : الغيرة دي ؟

هاني : غي.. غيرة !.. أغير عليها ليه ؟..

معتز : مش عارف .. هنشوف !..

« منزل نادر الوفيقي »

نادر : خير يا عمر يا ابني ؟؟

عمر : نورهان حامل یا عمي و المفروض ترتاح و متعملش مجهود !

نادر : ايه ؟ حامل مشاء الله .. طيب يا ابني شكرا تعبناك معانا ..

عمر : عيب يا عمي نور أختي زي ما أدهم و علي اخواتي !

دخل غالي بقلق وقال : خير يا نادر ؟؟ مالها نور یا عمر

عمر : ما تقلقش يا عمي هي بخير .. بس عملت مجهود وهي حامل!!

غالي : والله !! حامل .. الحمد الله .. دا أبوك حكالي على اللي حصل في المطار و انا نسيت .. طيب الحق بقى اكلم أدهم اقوله هو او عالية ..

عمر : هي متضايقة ليه ؟؟ مالك يا نور ؟

نور : ما انت عارف یا عمر!!

عمر : يا بنتي حد يقول للنعمة لا طب والله انتي هبلة !...

نادر : عمر عنده حق ! دي نعمة و بعدين انت مشوفتيش أدهم كان زعلان ازاي بسبب قرارك دا و ربنا حب يفرحنا كلنا بعد كل الحزن اللي احنا فيه !!

نور : طيب بس انا اللي هسمي البيبي أيا كان بقى ولد ولا بنت !

عمر : طب لو ولد ؟؟

نور و هي تنظر لنادر بحب : هسميه نادر !

نظر لها نادر بحب و دمعت عيناه و ضمها إليه وقال : يا حبيبتي يا بنتي ربنا يخليكي ليا يا نور یا رب ...

عمر وقد دمعت عينه : كفاية دراما بقى هعيط .. طب لو بنت ؟؟

نور : مي ... لو بنت هسميها مي !

ازاد بكاء نادر و ضمها اليه أكثر وقال : انتي فعلا بنتي التانية ..

وهنا لم تحتمل نور و ظلت تبكي هي ونادر في أحضان بعض تحت نظرات الحزن و الحسرة من عمر و غالي ..

عمر يوسف ، هو ابن زوجة طه المختار ولأن طه لم يكن له أولاد رباه مثل أولاده تمام و لم يشعر عمر يوم انه ليس والده لذا احيانا ينسی الكل أنه ليس من صلبه

{ المطار } الساعة 30 : 12 ....

وصلت ياسمين المطار تنتظر رامي أمام البوابة

ياسمين : راااامي ...

نادت عليه ليراها ويركد الاثنان في حضن بعض ....

ياسمين : وحشتني يا رخم !!

رامي وهو يمسح دموعها : ما هو باين ! وانت كمان وحشتيني ..

ياسمين : حمد الله على السلامة

رامي : الله يسلمك ... يلا بقى عشان نلحق نروح لعلي بلاش دلع بنات ..

ياسمين : يلا ......

طوال الطريق كانت ياسمين تحكي كل شيئ حدث معهم لرامي و عن

تغير دينا و مشاكلها و كل شيئ حدث مع العائلة ...

رامي بغضب : سجاير ! و ازاي طنت جيهان ساكتة على كل دا !!؟

ياسمين : مامي متعرفش حاجة كافية اللي فيها انا قولت انت الوحيد اللي هتعرف تظبتها...

رامي : اصبري بس اشوف علي و اطمن عليه وانا هوريها ..

ضحكت ياسمين على هذا الوعيد فهي تعرف كيف يحب رامي دينا و كذلك كيف تحبه هي الأخرى..

« المستشفى »

أدهم بسعادة : ايه ؟؟! بجد يا خالو نور حامل !

سأل أدهم بسعادة و هو لا يعرف كيف يتمالك نفسه ليؤكد له غالي إنه کشف عليها هو و عمر..

أدهم : سلم على عمر و قوله ربنا يخليه ليا!..

دخل أدهم و هو في غاية السعادة ..

أدهم : باركيلي يا ماما ..... باركيلي يا خالتو ... باركلي يا خالو نورهان حامل !!!!

ابتسمت الكل و قال طه : باركلي انت أول مرة اقول حاجة و تطلع صح !

ضحك أدهم و ركد على أمه وقال : هتبقي تيتة يا جيهان هانم ..

ونظر الي علي وقال : وانت یا مفعوص هتبقى عم

ابتسم علي و قال بفرح حقيقي : الف مب**ك يا ادهم يا حبيبي يتربي في عزك ان شاء الله .....

عالية بفرح : مب**ك يا حبيبي !.. مب**ك يا جيجي يا حبيبتي !..

طه بفرح : بقولكم آيه !!! أنا اللي هسمي المولود دا حقي !. كتشخيص أولى ..

ضحك الكل وقال أدهم : بس كدا ان شاء الله انت اللي هتسميه يا خالو .. بس يجي هو بس !..

عالية : ان شاء الله هيجي ونفرح بيه كلنا ..