Papasikat pa lamang ang araw ngunit gising na gising na si Silver sapagkat marami siyang gagawin sa opisina niya ngayon. Sa hindi malamang dahilan, bigla na lamang nakaramdam ng kakaiba si Silver na siyang labis niyang ikinakaba, lalo na't nag-aalala siya para sa kaligtasan ng mga mahal niya sa buhay. Bagamat alam niyang may kakayahan na si Megumi sa pakikipaglaban hindi pa rin mawawala kay Silver ang pag-aalala dito. Kung kaya't hindi siya mapakali sapagkat pakiramdam niya ay may mangyayari na hindi niya inaasahan. Dahil dito, hindi maiwasan ni Silver na hindi makaramdam ng inis sa sarili niya lalo na't labis-labis ang pag-aalala niya sa maaring mangyari sa mga mahal niya sa buhay. Sa halip na sirain ang araw niya, ipinagpatuloy na lamang ni Silver ang kaniyang panliligo habang nababakas
