KATAHIMIKAN ang siyang nabalot sa kwarto ni Megumi habang matiim pa rin silang nagtititigan ni Silver. Para bang walang nais magsalita sa kanilang dalawa sapagkat nanatili lamang ang tingin nila sa isa't isa. Sa hindi malamang dahilan, pakiramdam ni Megumi ay bigla na lamang bumilis ang t***k ng kaniyang puso na siyang dahilan upang maguluhan siya sa kaniyang nararamdaman. Dahil dito, pakiramdam ni Megumi ay unti-unti na lamang nagiging kulay pula ang kaniyang pisngi na akala mo'y isang kamatis sa lagkit ng titig sa kaniya ni Silver. Bukod dito, hindi rin maiwasan ni Megumi na mapalunok nang sunod-sunod sapagkat pakiramdam niya ay bigla na lamang uminit sa loob ng kwarto niya kahit na nakabukas naman ang aircon sa silid niya. Isama mo pa rito na nakapako pa rin ang kaniyang mata sa gwapong
